استفسار ضروري

[كليوباترا مصر]

السلام عليكم
النهاردة في امتحان الكيميا بعد ما حليت الخمس اسئلة الاولى كنت عاوزة احل السؤال السادس عشان مكنتش متاكدة من حل مسألة السؤال الخامس
الورقة بتاعتي كانت منظمة الحمد لله بس كنت حالة كل سؤال في صفحة ونص وكنت بسيب نص الصفحة فاضي وبعدين ابدا السؤال اللي بعد كدة في صفحة جديدة عشان كل المدرسين بينصحونا اننا نحل كل سؤال في صفحة بس الامتحان كان طويـــــــل جدا حتى في اسئلة خدت مني صفحتين
المهم انا لما كنت عاوزة احل السؤال السادس مكنش في صفحات فاضية غير النص كل ورقة طلبت ورقة اضافية فالمراقب مرضيش يجيبلي وقالي (قانونيا : المفروض مفيش اي ورقة اضافية تيجي غير لما يكون في صفحتك مفيش ولا سطر فاضي)
قلتله طيب يا استاذ السؤال دا طويل وكدا كدا هطلب ورقة تاني فدلوقتي احسن عشان تكون ورقتي منظمة وعشان ما الخبطش المصحح وممكن ميعجبهوش منظر الورقة كدة وينقصني
وبعد حوار طويل قالي ماشي خلاص هجبلك ورقة
بعدين مراقب الدور دخل فحكاله اني عاوزة ورقة وكدة راح قالي نفس الكلام(قانونيا : المفروض مفيش اي ورقة اضافية تيجي غير لما يكون في صفحتك مفيش ولا سطر فاضي)
المهم المراقب قالي اكتبي كل جزء من الامتحان في ورقة بس وضحي يعني (اجابة السؤال السادس أ)
(.................ب) (...........ج)
سمعت كلامه وعملت كدة فعلا بس كل فقرة في حتة وانا مكنتش راضية عن منظر الورقة
بعد اما رجعت بحكي ل بابا راح قالي وانتي ليه تحلي سؤال زيادة طالما متأكدة من الخمسة التانيين؟ قلتله مانا مش متأكدة
ودلوقتي عمالة اانب نفسي ومخنوقة جدا ومن بدري كل اما افتكر الموضوع اقعد اعيط ومش عارفة اذا كان دا ممكن ينقصني ولا لا
افيدوني ارجووووووووكم وريحولي بالي

[كليوباترا مصر]

ملحوظة / المطلوب في الامتحان حل 5 اسئلة من 6

[الاستاذ احمد الجندى]

بداية
اعتذر لكى اختى الكريمة عن تأخيرى فى الرد عليك لاننى كنت مجهد من المراقبة الطويلة اليوم؟؟


كلام المراقب ومراقب الدور سليم فى عدم اعطاءك الورقة الثانية مادام يوجد مكان لحل السؤال حتى ولو كان طويلا
وكلام السيد الوالد صحيح فى الالتزام بالمطلوب من الاسئلة
ولكن لا تقلقى باذن الله تعالى مادمتى متأكدة من حلك للاسئلة فستأخذين اعلى الدرجات
وباذن الله تعالى سيقدر المصححون لكى اجابتك للسؤال الزائد لنية اخذ درجات اكبر تساعدك فى المجموع
لن تضارى فى اى شىء لاننا كمصححون لورق الاجابة نكون فى صف الطالب والطالبة الى ابعد الحدود لدرجة انه اذا كتبت الطالبة اجابة صحيحة وشطبت عليها نحسبها لها مادام الكلام واضح
فاطمئنى باذن الله تعالى ستأخذين حقك الكامل فى الدرجات
وباذن الله تعالى نبارك لكى قريبا بالتحاقك بالكلية المفضلة لديكى
وفقكى الله

[كليوباترا مصر]

المشاركة الأصلية كتبت بواسطة الاستاذ احمد الجندى

بداية
اعتذر لكى اختى الكريمة عن تأخيرى فى الرد عليك لاننى كنت مجهد من المراقبة الطويلة اليوم؟؟


كلام المراقب ومراقب الدور سليم فى عدم اعطاءك الورقة الثانية مادام يوجد مكان لحل السؤال حتى ولو كان طويلا
وكلام السيد الوالد صحيح فى الالتزام بالمطلوب من الاسئلة
ولكن لا تقلقى باذن الله تعالى مادمتى متأكدة من حلك للاسئلة فستأخذين اعلى الدرجات
وباذن الله تعالى سيقدر المصححون لكى اجابتك للسؤال الزائد لنية اخذ درجات اكبر تساعدك فى المجموع
لن تضارى فى اى شىء لاننا كمصححون لورق الاجابة نكون فى صف الطالب والطالبة الى ابعد الحدود لدرجة انه اذا كتبت الطالبة اجابة صحيحة وشطبت عليها نحسبها لها مادام الكلام واضح
فاطمئنى باذن الله تعالى ستأخذين حقك الكامل فى الدرجات
وباذن الله تعالى نبارك لكى قريبا بالتحاقك بالكلية المفضلة لديكى
وفقكى الله

لا عليك استاذي انا اصلا كتبت الموضوع بعد المغرب مباشرة حضرتك متاخرتش في الرد ولا حاجة بس انا اللي كنت مستعجلة عاوزة اطمن

ربنا يطمن حضرتك زي ما طمنتني شكرا جزيــــــــــــــــــــــــــــلا

وشكرا لدعوات حضرتك الغالية ربنا يستجيب ياااااااااااااارب

[برنسيسة سوهاج]

طيب بالنسبة للاسئله لو حليت خمسه صح والسادس فيه جزء غلط المصحح بيا خد اعلي الدرجات للاسئله اللي الطالب حلها

[الاستاذ احمد الجندى]

المشاركة الأصلية كتبت بواسطة برنسيسة سوهاج

طيب بالنسبة للاسئله لو حليت خمسه صح والسادس فيه جزء غلط المصحح بيا خد اعلي الدرجات للاسئله اللي الطالب حلها

ايوه حضرتك المدرس دايما فى صف الطالب والطالبة اعلى درجات للسؤال يأخذها الطالب
يعنى بالنسبة للسؤال السادس اعتبريه مش موجود بعد التصحيح
بالتوفيق للجميع

[برنسيسة سوهاج]

شكرا جزيلا لحضرتك وربنا يجزيك كل خير بإذن الله