اخطاء تقع فيها المنتقبات 00(متجدد للافادة ) منقول

[(( لؤلؤة الايمان ))]

التساهل فى رفع النقاب امام اخو الزوج او بعض الرجال بحجة انهم اقارب هذا مالا يرضاه الله ورسوله0ايضا التساهل فى رفع النقاب فى بعض المحلات بحجة (عشان اعرف اتفرج على الحاجة الى بشتريها )او لو فى مطعم بحجة عشان اعرف اكل واشرب 000000000000000000000000000 يبقى الاخت الملتزمة الى عايزة تاكل برا 00عندها حل 0اما يشتروا الاكل ويروحو ياكلوا فى البيت 00او انها تاكل من تحت النقاب الكبير الى لسا شارينه من شويه بعد ما عرفت ان الصغير غلط زى ما قلنا من شوية 00ومفيش حل ثالث مفيش حاجة اسمها انا هقعد فى ركن ومحدش يشوفنى 00فكرتنى بالاخت الى دخلت محل ادت ظهرها للزباين واعطت وشها للحيطة ناحية الشارع 00بس للاسف كان الحيطة دى زجاج لانها كانت وجهة المحل فكانت الاخت استخبت من الزباين واظهرت وجهها للشارع ككل (دى مش نكتة رايتها بعينى )00فالاخت اما تاكل فى بيتها يا اما من تحت النقاب 00

[شذى العطر]

موضوع رائع جدا
وبلاحظها فعلا في المنتقبات
المفروض تلتزم بالحجاب الشرعي اومال هي انتقبت ليه تبقى منتقبة متبرجة
جزيتي كل خير وبارك فيكي

[(( لؤلؤة الايمان ))]

المشاركة الأصلية كتبت بواسطة شذى العطر

موضوع رائع جدا
وبلاحظها فعلا في المنتقبات
المفروض تلتزم بالحجاب الشرعي اومال هي انتقبت ليه تبقى منتقبة متبرجة
جزيتي كل خير وبارك فيكي

مرورك هو الرائع جزاكى الله بمثل ماجزانى

[(( لؤلؤة الايمان ))]

التساهل فى كشف الوجه امام بواب العمارة -او جامع القمامة (الزبال) عن طريق (الكسل فى لبس النقاب عند فتح باب الشقة لهما)000000000000000000000000000000والحل ان مفيش شىء اسمه كسل فى ستر عورتى 00والحل العملى انك تدقى مسمار عند باب الشقة تحطى عنده اسدال ونقاب يكون خاص بفتح الباب منفصل تماما عن اسدالك ونقابك بتاع الخروج بحيث يكون مكانه عند بابالشقة فقط خاص بفتح الباب 00واتقى الله اختنا الفاضلة00 فى نفسك 00

[زهرة الاحلام]

جزاكي الله كل خير

[(( لؤلؤة الايمان ))]

المشاركة الأصلية كتبت بواسطة زهرة الاحلام

جزاكي الله كل خير

شكرا على المرور 000وجزاكى الله بمثل ما جزانى

[(( لؤلؤة الايمان ))]

عدم لبس النقاب عند فتح باب البيت او عند الوقوف فى الشباك او وقت نشر الغسيل (سواء نهار او ليل) والتساهل فى ذلك00كل ذلك من الاستهانة بأوامر الله00000000000000000
يبقى الوقوف فى الشباك (اذا كان للضرورة ) او نشر الغسيل لازم يكون بالنقاب مينفعش من غير النقاب سواء بالليل او بالنهار00 ومفيهاش حل تانى00

[(( لؤلؤة الايمان ))]

عباية مفتوحة وتحتها سروال" بنطلون جينز " يظهر من الجانبين.. وهذا مما يدمي القلب .. فانتي لبستي النقاب لانك عفيفه لماذا تتشبهين بالفاسقات ...

مش هقولك متلبسيش بنطلون .. لكن هقولك لا تظهري هذا البنطلون .. ولبس البنطلون مهم لان الاخت لو اكتفت بالجيبه ممكن تظهر ساقها او رجلها عند الطلوع والنزول من المواصلات فالبنطلون مهم ... وايضاً الجيبه مهمه عشان الهواء لما يكون شديد ميخليش الملحفه تجسم الرجل فالجيبه بتمنع الملحفه من تجسيم الرجل .. فالجيبه والبنطلون مهمين معاً تحت الملحفه

[(( لؤلؤة الايمان ))]

بعض المنتقبات تلبس معصم ملون وتشمر تحته اسدالها وكانها خارجه من خناقه وتختار المعصم بالالون فسفوريه ... وينقصها الجنزير وضربتين موس في وشها .. هذا من التبرج الصريح وتجسيم اليد .. ناهيك عن خامات هذه الباديهات أو ( المعصم ) الملتصقه بالجسد .

المعصم يكون اسود ومن تحت الملحفة .. عصمني الله واياكي من الفتن

[(( لؤلؤة الايمان ))]

- بعض المنتقبات يلبسن .. الحجاب كاملاً ولكنها تزيد علي اسدالها طرحه ( ايشرب ) يكون ملون .. وبكده تكون بوظت الاكله عشان بقرشين ملح ...

الملحفه كافيه .. مش عارف ايه التشدد ده لازم ايشرب تاني !!

[(( لؤلؤة الايمان ))]

الاخت الملتزمه عندما تمشي في الشارع وشايفه الهواء شديد ... تقف علي جنب .. ولا تتحرك .. لانها ان أكملت سيرها في الهواء تجسد كل جسمها .. وهي لا تبالي .الاخت الملتزمه لا تتشبه بالرجال في لبسها .ومشيتها

يبقي لما يكون يوم حلو كده كله مطر وهواء واشياء خطره الافضل الاخت تاجل مشاورها .. لو منفعش تبقي تعمل المفسده الاقل فالاقل فبدل ما تمشي في الهواء تركب تاكسي وهكذا .. تراعي ستر جسدها يعني .. وربنا يسترنا ونساءنا جميعاًً

[(( لؤلؤة الايمان ))]

الاخت الملتزمه إن امسكت في يديها شنطة .. صحيح هذه الشنطه ليست من لبسها ولكنها من زينتها فتراعي ان لا تكون شهره ولا فتنة

تكون شنطه سوداء وبلاش بقا ميكي ماوس وبطوط والكلام ده

[(( لؤلؤة الايمان ))]

اقول لكي في نهاية النصائح المتعلقه باللباس .. ان من مقاصد الشريعة في لبس المراه هو إخفاء الزينة .. فبلاش يكون لبسك ضد مقاصد الشريعة ..



واقول لكي كما قال الشيخ خالد الراشد .. اننا في عصر اتخذ البنات فيه حكمة ( خير اللباس ما قل ودل ) فلا تكوني ممن دل بحجابه على ضعف ايمانه .. وتشبهي بالكريمات العفيفات .. لعل الله ان يلحقك بهن في جنات النعيم ..

ويغفر لنا جميعاً ويرضى عنا ويجمعنا جميعاً في جناته ويرزقنا النظر إلى وج** الكريم .. قولوا امين ..