مساعده انا اتجننت

[amothman123]

لو هاتذاكر أول 8 فصول و أول 4 دروس يبقى نصيحة لازم تضغط عليهم جااااااااااااااااااااااااااااااامد أوووووووووووووى خاصة فى اللغويات لأن انت كدة مش هاتعرف تاخد السؤال التانى لو جه فيهم حاجة صعبة فى اللغويات
و لازم تبقى واخد فكرة كويسة عن بقية الفصول
انا طبعاً ضد النظام دة 100 % و الحمدلله راجعت على المنهج آخر 4 أسابيع و جمعته كله فى آخر يومين مع الإنجليزى و الأحياء
بس مادام انت اضغطت كدة .. خلاص
و نصيحة الثانوية العامة لعبة أعصاب أكثر منها مذاكرة فانسى التوتر دة خلاص
انت تقريباً بقالك حوالى 11 أو 12 سنة بتمتحن
يعنى دى مش أول مرة
و الامتحان هو هو امتحان أولى ثانوية
أدب و قراءة و قصة و نصوص و بلاغة و نحو
و أهيف نحو و بلاغة ممكن تشوفهم فى حياتك
بالعكس يمكن أولى ثانوية أصعب كمان
يعنى من الآخر مش داخل تمتحن على ألغاز
أو امتحانات اول مرة تشوفها
كل حاجة زى ما كانت و زى ما هاتكون
النصوص الإجبارى متوقع جداااااااااااااااااااً فى تربية الأبناء
و دة لأنه رجع تانى حفظ السنة دى و دة بيدوله توقع أكبر
غالباً لازم هايبقى فيه نص من مصر الإسلامية
أهم حاجة فى النصوص التعليييييييييييييييييييييق الى وراء النص خاصة النصوص النثرية مهم جداً جداً جداً + اللغويات و النقد
الشرح مر عليه بعينك بس اعرف الموضوع ماشى أزاى و هاتشرح أحسن منه
و اللغويات دى هاتطلعها زى ما بتطلعها فى البلاغة كدة فلة !
أى سؤال تقابله فى الامتحان و تحس أنه غريب اكتب على قد ما تقدر فى نطاق السؤال نفسه فى القصة و الأدب و القراءة .. ممكن يجيلك سؤال فى القراءة معلومات عامة يعنى مش لازم يبقى بالنص فى الكتاب زى السنة الى فاتت فاكتب فيه على قد ما تقدر
ماتتوترش بقى و تقول سؤال برة المنهج و الكلام دة علشان هو دة الى بيدمر فى السنتين دول
أى سؤال ماتعرفوش ماتقفش قدامه
علم عليه و ارجعله تانى فى الآخر علشان ماتضيعش وقت
القصة بياخدوا إجابتها بالمعنى مش لازم بنفس نص النموذج و نفس الكلام للشرح
كله فل و مادة سهلة جداً

آة صحيح
نصيحة ماتخدش معاك ساعة فى يدك
هاتوترك أكثر