يا تري مسلسلك إسمه إيــه؟!!

[أم عمار قائد الأحرار]

مسلسلي إسمه إيه !!!

اه

إنت مسلسل تعددت خطوط حلقاته

مسلسل مش هيتعرض في القنوات الفضائية

مسلسل الرواية والحوار والسيناريو والإخراج لشخص واحد

العمر فيها بيمثل البطولة

لكن إختلفت رواياته

مسلسل تكلفته تقدر بعدد حلقاته

إيه الحاجات الغريبة دي !!!!

طيب معلش أصبر وإنت هتفهم

إنت عارف

كل الحلقات هتتسجل بدون إستثناء

يعني مينفعش لو حلقة طلعت وحشة نبدلها ولا نعيد تصويرها مرة تانية

لأ

خلاص لما تتسجل ممنوع يتعاد تصويرها تاني

طيب نفسك تعرف التدريب للمسلسل صح ازاي

قال رسول الله صلى الله عليه وسلم: « مروا أبناءكم بالصلاة لسبع

واضربوهم عليها لعشر وفرقوا بينهم في المضاجع»

المسلسل ده هتبدأ الحلقات بتاعته تتسجل عند سن التكليف

أظن فهمت صح

أه فهمت

طيب انا من سن التكليف ضايع ومعملتش زي ما أمرنا الرسول

يا نهار أبيض انا ضعت خلاص

لأ مين قال كده

أوعي تقول خلاص الأمر إنتهي وانا مفيش مني فايدة

لأ إنت بالعكس قدامك فرصة تعوض حلقاتك الوحشة بحلقات كويسة تعوض

الوحش ده بحاجات كويسة

اه

تتوب وتنودي إنك مترجعش لورا تاني تتوب لربنا توبة صادقة وتتقرب منه

علي أد ما تقدر

لأن خد بالك تصوير المسلسل

هينتهي للأسف بدون سابق إنذار

{وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ }الأعراف34

والمسلسل ده هيمر بمراحل التقييم

من رب العالمين

وفي مكان المتسابق هيعرف شئ من نتائج مسلسل حياته

المكان ده هو القبر

فقد جاء في الحديث الصحيح أن عثمان بن عفان -رضي الله عنه- كان إذا وقف على قبر بكى حتى يبل لحيته فقيل له: تذكر الجنة والنار ولا تبكي

وتبكي من هذا؟! فقال: إن رسول الله -صلى الله عليه وسلم- قال: (إن

القبر أول منازل الآخرة، فإن نجا منه فما بعده أيسر منه، وإن لم ينج منه فما

بعده أشد منه)، قال: وقال رسول الله -صلى الله عليه وسلم- : (ما رأيت

قط إلا القبر أفظع منه)

والأبطار بيتنافسوا علشان يوصلوا لرضا ربنا و يا تري إسم مسلسلهم

هيكون إيه يوم القيامة ؟؟

{ وَفِي ذَلِكَ فَلْيَتَنَافَسِ

الْمُتَنَافِسُونَ }المطففين
26

ها نفسك مشتاقتش تكون منهم

وخد بالك

المسلسل ده هيتعرض يوم العرض الأكبر في محكمة هيكون فيها القاضي ربنا

{يَوْمَئِذٍ تُعْرَضُونَ لَا تَخْفَى مِنكُمْ خَافِيَةٌ }الحاقة18

والمسلسل ده هيعرض قدام الناس كلها

وقدام ربنا

يا نهار أبيض يعني المستخبي هيتعرف كل اللي كنت بتعمله ومخبيه عن الناس

وخايف منهم وللأسف مش كنت خايف من ربنا هيبقي فضايح

إلا لو ربنا ستر عليك وتوبت بقي

ربنا يستر علينا جميعا.. اللهم آمين

ونهاية المسلسل ده حاجتين مفيش تالت ليهم

يا إما نهايته السعادة {‏‏وَأَمَّا الَّذِينَ سُعِدُواْ فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ}‏‏ ‏[‏هود‏:‏108‏

أو الشقاوة فَأَمَّا الَّذِينَ شَقُوا فَفِي النَّارِ لَهُمْ فِيهَا زَفِيرٌ وَشَهِيقٌ خَالِدِينَ فِيهَا مَا دَامَتِ السَّمَاوَاتُ وَالْأَرْضُ إِلا مَا شَاءَ رَبُّكَ إِنَّ رَبَّكَ فَعَّالٌ لِمَا يُرِيدُ

هااااااااا يا تري نفس مسلسلك يكون إسمه إيه؟؟

نفسك إسمك عند ربنا يكون إيه ؟؟

راضي _تقي _صابر _مؤمن _ صادق ووووو

ولا كلهم

ولا نعوذ بالله فاجر _كاذب _متذمر _فاسق وووو

ها قول

مكانتك نفسك تكون فين ومع مين ؟؟

نفسك متعبتش من بعدها عن حبيبها الحقيقي

مش نفسك تعيش حياة حلوة

لازم توقف نفسك عند حدها

قولها يا نفسي تبعتك كتير ومشيت وراكي وكنتي بتوهميني إن السعادة في كل

اللي بعمله وبعدي عن الإيمان

فين يا نفسي ما أهو انا مخنوق

خلاص انا هسيب كل ده

وهبدأ طريق نضيف كفاية بقي

أيوة كده لازم تخلي ضميرك أقوي

كفاية إسكات في ضميرك

الحب الحقيقي والله هو حب ربنا

الحب ده كل الناس لو عقدت توصف فيه مش هتوصفه

الحب الحقيقي مش إنك تقد تعد في النجوم

الحب الحقيقي إنك متقدرش تنام لأن حبيبك لا ينام

لما تكون تعبان ومرهق بس مش قادر تبطل قراءة قرآن ولا تبطل صلاة

لأن حلاوة الإيمان والحب منسياك كل التعب ده

لما تبقي عايش علطول مبسوط وفرحان وتبقي شايف كل حاجة حلوة

لما يبقي نفسك في حاجة بس الحاجة دي هتشغلك عن ربنا وتسيبها لله

لما تبقي خايف من ذرة تسخط من حبيبك

ميهونش عليك في لحظة

لما تبقي راضي عن كل حاجة منه

لما الهم ميعرفش طريقك

لما تبكي نفسك تقابله

لما تبكي لأن حاسس إن نعمه مغرقاك وإنت مقصر في حقه مهما عملت

هو ده الحب تحس إنك مش شايل هم حاجة غير إنك تقرب من ربنا أكتر

وأكتر وتعيش أحلي درجات الحب

لما ربنا ييسرلك الخير دايما وتبقي عارف كده ومطمن

ااااااااااه قررت إيه ؟؟

صدقني أوعي السحابة اللي قدام عينيك تخليك مش شايف جنة الدنيا

إنت أصدق مع ربنا

وهتعيش بجد

وخلي بالك من حاجتين

خليهم قدام عينيك

سيب أي حاجة هتبعدك عن ربنا ومتخفش مدام هتتعامل معاه والله مش هتضيع

ده حبيبك قال سبحانه وتعالي

{‏أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ * الَّذِينَ آمَنُوا وَكَانُوا يَتَّقُونَ * لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ لَا تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ‏}‏

ومدام ربنا معانا ويرانا فانا بخييييييييييييير

خلي عندك يقين في ربنا

وفر ليه بقي

والله ما أحلي الفرار لله

هي أحلي حياة

وأوعي تفوق في وقت مش هينفع إعادة تصوير مسلسلك مرة تانية للأسف

يارب تكون إخترت إسم جميل لمسلسك ووتبدأ تجاهد إنك توصل لتحقيقه

[مخلصة]

جزاك الله خيرا على هذا الموضوع الرائع