ممكن حد يساعدنى من المدرسين والمدرسات المقيمين بالقاهرة ضرورى

[nancy2012]

السلام عليكم انا شغاله مدرسه بمحافظه المنيا بالعقد الشامل دفعه 2009 وعايزة انقل لمصر او اعمل اتنداب فممكن حد يساعدنى ويعرفنى هينفع انقل او انتدب فياريت لو سمحتو اى حد شغال مدرس فى مصر يعرفنى الاخبار فلا الادارة لانى مش عارفه اوصل لاىحاجه فى مصر فارجوكم ساعدونى وشكرا لكم

[شريف حسن .]

المهم يكون فى عقد زواج او تغيير محل الاقامة

وحضرتك اسالى فى ادارتك هيعرفوكى تعملى ايه

حضرتك ادارة ايه

[احلى باتى]

انا ادارة بنى مزار ونفسى اتنقل مصر لانى متجوزة هناك
وانا عقد مميز 1-7-2011
لوحضرتك تعرف الاجراءات ايه يا ريت تطلعنا عليها
مع العلم انى ممتحنتش الكادر
وسمعت انه مفيش نقل وممكن الندب بس بشرط
اجيب حد مكانى من مصر عاوز يتنقل هنا بنى مزار
ومش عارفة مدى صحة الكلام ده
ومفيش حد عارف حاجة فى الادارة
ياريت تفيدنا وجزاك الله كل خير

[نزيهة على]

اللى اعرفه ان تجيبى موافقة من الادارة اللى عاوزة تتنقلى ليها الاول يعنى التوجيه يكون عنده عجز وبعد كده تكتبى الطلب وتمضيه من التوجيه والادارة عندك ومن التوجيه للادارة اللى انتى ريحاها وكمان من الموجه العام فى المديرية وتقدميه وربنا يكرم وتتنقلى

[nancy2012]

انا من ادارة ملوى وكنت بسال فى حاله انى معرفتش انقل او انتدب هل ينفع انى اقدم فى مصر من اول وجديد ولا لا ممكن تعرفونى وتساعدونى

[nancy2012]

السلام عليكم
انا كاتبه موضوع عن انى ينفع انقل لمصر او انتدب انا شغاله مدرسه بالعقد الشامل دفعه 2009 شغاله تبع ادارة ملوى وانا متزوجه فى القاهرة وعايزة اعرف هل ينفع انى اقدم فى مصر من اول وجديد ولا اعمل ايه ياريت بجد كل اللى شغال مدرس فى مصر يساعدنى ارجوكم انا تعبت انا بفكر اصلا انى اسيب الشغل الحكومى واشوف اى شغل تانى لانى خلاص تعبت نفسيا وكرهت الحكومه وشكرا لكم

[nancy2012]

السلام عليكم
ممكن اعرف ممكن اقدم بالحصه تانى ولا لا ممكن حد يساعدنى ارجوكم وشكرا لكم

[النزلوى]

الاستاذة الفاضلة
بالنسبة الى موضوع الندب او النقل من محافظة الى محافظة اخرى لازم تكونى على درجة مالية دائمة

[النزلوى]

الاخت الفاضلة
قانون العمل الجديد يحظر التعاقد على اى بند بعد شهر 2/2012 اى ان ادارة القاهرة لاتسطيع التعاقد معكى من جديد

[داليا عبد الرحمن]

انا برضو عندي نفس المشكله عايزه انقل محافظه تانيه وفي الاداره قالوي مينفعش لازم تكوني علي درجه ماليه وانتي عقد ملكيش لا نقل ولا ندب ولا اجازه بدون مرتب وانا مبقتش عارفه اعمل اني وتعبت قووووووووووووووووي