كده هموت وكده هموت

[ميدو الشاعر]

لا اعلم من أصدق ومن أكذب اصبحنا قى زمن الضلال والزيف والبهتان ما تحسبه جنة يكون نار وما تظنه النار تكون ايضا نار فلم تعد الجنة موجودة فى نفوسنا لكى نوجدها على أرض الواقع حاولت أن اجنب عاطفتى قليلاً ناحية ترشيح اسلامى وافكر جديا بين الاثنان فوجدت ان فى كلتا الحالتين

ضاعت الثورة

فوجدت ان الفريق شفيق ( ولا احب لفظ فلول لأن كل المصريين كانوا فلول بمنطلق الحكم عليهم بانهم شاهدوا الفساد وسكتوا عليه ) وايضاً لأن الله سبحانه قال ولا تنابذوا بالألقاب
وجدته قد وضع فى وقت قاتل امام وجه المدفع وكأنه فقط كان الوزير الوحيد فى الحكومة السابقة على الرغم من جود أناس شرفاء فى النظام السابق قد عابهم فقط رؤيتهم للفساد وسكوتهم ( فايزة ابو النجا ، سمير رضوان وغيرهم ) عليه وعلفكرة مش الوزراء فقط ولا الحكومة ده الشعب كمان كان ساكت يبقى نحاكمه ؟؟؟؟؟؟؟؟؟؟
ارى ان تولى احمد شفيق المسئولية فى فترة حرجة كان كارت فسره كل طرف بمعنين الطرف الاول النظام السابق عندما فسره بأنه رجل قد يهدأ الشعب له بحكمه قد المسئولية له فكر واعى مرتب يقدر يحقق مطالب الثوار معروف بالاخلاص فى العمل
اما الطرف الثانى ( الثوار ) فقد فسروه بأنه عكاز للنظام السابق علشان يحافظ عليهم ميحاكمهمش يحميهم يدارى عليهم وغيره

ارى ان الحكم على احمد شفيق فى فترة انه كان وزير الطيران كان راجل كويس
ممكن حد يقولى كان فيه فساد فى الوزارة اه صح وارد جدا بس على الاقل ان كان سرق او استلف كان بياخد ويبنى بياخد لنفسه شوية وارد بس على الاقل طور فى غيره كتيييييييير اخدو ومشفناش منهم حاجة
اما فترة توليه رئاسة الوزارة منقدرش نحكم لانها فترة متجاوزتش اسابيع قليلة بعد ان تولاها بيوم واحد حدثت موقعة الجمل وكثير بيحملوه المسئولية مع ان انا شايف ان الحادث الوحيد اللى تم فيه القبض على المتهمين كان ايام ممسك شفيق حد يقدر يقولى فين المتهمين فى حادث زى ( محمد محمود ، حرق المجمع العلمى ، العباسية ، قضية التمويلات الامريكية اللى هرب فيها المتهمين لبره ) ، ان قولنا ان ده فلول و قتل الثوار وعمل وعمل وعمل طيب اعتقد ان اللى بيغرق بيحب يغرق الناس معاه مشرفش ليه فى طره مع اللى زيه وفين الدلائل ولا اللى هرب واللى اختفى واللى اتسجن كلهم معتمدين ان شفيق يجى يخلصهم ده على اساس ان الشعب لسه ممكن ياخد على قفاه ؟؟؟؟؟؟؟؟؟؟؟؟؟؟؟؟؟؟؟؟؟

اما بالنسبة لمرسى اعتقد ان هو نفسه مش عارف اترشح ازاى او مش مصدق يعنى ايه واحد يترشح ببرنامج واحد تانى يعنى ايه رئيس جمهورية مكنش هو الخيار الاول للحزب بتاعه ؟؟؟؟
يعنى واحد يقابل معرضيه بالسباب ويتوعد اللى هيديهم صوته بمصير اليم ؟؟؟؟؟
يعنى ايه اكفر انسان علشان اختار منافس لية ( مش عدو ) ؟؟؟؟؟؟ يعنى ايه أوعد بأنى مش طالب سلطة وان هدفى اكون خادم لمصر وشعبها واول ما اشم ريحة السلطة اروحلها ؟؟؟
يعنى تطلع منهم فتاوى تشوه صورة الاسلام فى وقت البلد لا تحتمل فيه اى شئ ( ختان الانث ، معاشرة الرجل لزوجته بعد الموت ، تكفير من لن ينتخب من الجماعة ؟؟؟
يعنى ايه نأجر قناة السويس لقطر 99 سنة اللى فيها مستثمرين يهود وامريكان يعنى احتلال ؟؟؟؟
يعنى ايه اولاد رئيس جمهوريتنا يبقى معاهم النسية الأمريكية والكلام ده ان سمعته من على لسانه شخصيا ؟؟؟؟؟؟؟؟؟؟؟
يعنى ايه بدل لما يكون رئيس هيكون لكل المصريين طيب عاوز تفهمنى اللى ليهم فضل عليك واللى نجحوك ملهمش نصيب كده ولا كده ؟؟؟؟؟؟؟؟؟؟؟؟؟؟؟؟؟ يعنى ايه الحكم يكون حكم جماعة امال لو قرار غلط الرئيس يقولنا حاكموا الجماعة ؟؟؟؟

على الرغم من حبى لجماعة الاخوان المسلمين وترشيحى لهم فى الانتخابات البرلمانية وعلى الرغم من ترشيحى فى الانتخابات الرئاسية للدكتور / عبد المنعم ابو الفتوح ولكن واللهى اذا كنا بنقول شرعية الصندوق يبقى لازم نرضى سواء جه شفيق او غيره لان اى واحد لازم ندعمه علشان ميبقاش ليه حجة ويقول الشعب مساعدنيش احقق له اللى وعدته بيه ومحدش يقولى تزوير ولا رشاوى لان الاتنين متهمين كلنا يعلم ان الاخوان كانو بيوزعوا ايه فى الانتخابات مقابل الاصوات وده شفته بعينى كتيييير وبرضه كلنا يعلم المساندين للفريق احمد شفيق وكلنا يعلم مصادر الدخل للأثنان ولكننا فقط أصبحنا متعصبين لمرشحينا بدون ان نفكر فى المستقبل

شفيق غلط اه غلط ومرسى غلط اه غلط والاتنين خرقوا الصمت الانتخابى اه والاتنين فى الاعاده اه والاتنين مصريين اه ومين هيحاسبهم ( الشعب ) اه الشعب

بس انا افضل اجيب رئيس يحكمنى لو غلط اقدر اشيله او احاسبه لوحده عن ان انا اجيب رئيس لو غلط اشيل جماعة او احاسب جماعة بحالها



عارفين حاسس ان انا فى اوضة فى دور عالى اوى مفيهاش باب بس كل اللى شباكين واحد على اليمين وواحد على الشمال وبيقولولى انزل من واحد فيهم بس انزل من اليمين علشان تبقى من اهل اليمين وواحد يقولى انزل من الشمال احسن لك

انا رأى ان كده هموت و كده هموت


ربنا يولى علينا من يصلح ومن يوحد ومن ينظف و يطهر النفوس والعقول ( أمين يارب )

[mohammed ahmed25]

اللهم و لى من يصلح

استمع الى الشيخ الشعراوى

[علوة حامد]

لماذا كل هذا الحقد على الاخوان
1- من قتل الاخوان ؟
2- من سرق الاخوان؟
3-أي وزارة او مصلحة حكومية أفسدوها الاخوان؟
4- أي اراضي لللدولة اخذوها الاخوان؟
5- أي وظائف متميزة أخذها الاخوان وحرموا منها أولادك؟

"فإنها لا تعمى الابصار ولكن تعمى القلوب التي في الصدور"

[المحلاوى الغرباوى]

الأخت المنفعلة بسبب الإخوان

هما الإخوان فقراء يسألوا الناس ؟

خلى انفعالك على ملايين من أناس على وشك المجاعة

وعلى مانصل لنتائج النهضة سيكونوا قد رحلوا عن عالمنا

لاتنفعلوا هكذا فكلهم نخب وطالبى سلطة ولادخل للدين فى هذا العالم البغيض الذى يفرضه الإخوان وخصومهم القدامى علينا الأن