تابع معنا : نتائج انتخابات الرئاسة بالخارج

[صوت العقل]

المشاركة الأصلية كتبت بواسطة أ/محمد ابراهيم

اختنا الفاضلة حضرتك قررتى تعطى صوتك لابوالفتوح وهذا حقك
ولكن هناك ملاحظة
ابوالفتوح طوال حياته كان جزءً من هذه الجماعه المغضوب عليها
ابوالفتوح هو مرشح اسلامى
ابوالفتوح هو من قدم استقالته من الجماعة لحبه للزعامة وللمنصب
اذاً الفقراء والجهلاء الذين قرروا اختيار مرسى هم من فكروا واقتنعوا واختاروا الاصلح
لان ببساطة اختاروا الاصل وترك الفرع
فالاصل هو اختيار الجماعة وليس من خرج عليها لحب الزعامة

استاذى جزاكم الله خيرا ..
اولا شكرا لرد حضرتك الكريم .. واعرف حضرتك انى عارفة كل شئ عن ابو الفتوح ..
ثانيا انا اختارت قبل كده الحرية والعدالة فى انتخابات البرلمان .. وكان عن اقتناع استاذى ..
لكن ما حدث بعد ذلك .. غير تفكير معظمنا ..
وانا مش غضبانة من الجماعة .. انا احترمهم كجزء من شعب مصر .. لكن ليس على اختيارهم مرة تانية .. وطبعا بما ان اختيارى فى الاول اسلامى يبقى مش هبعد عن الاسلاميين ..
ومن وجهة نظرى ان ابو الفتوح معتدل اسلاميا .. لا يتلاعب بالدين وعواطف البسطاء
زى ما بيحصل فى حملة الدكتور مرسى .. لو الاخوان واثقين من دكتور مرسى واختيار الشعب .. ليه بيدخلوا للناس باسم الدين .. ليه بينسبوا اعمال برلمان كامل لمرشح الحزب بس ..
وده استاذى عن تجربة شخصية استمرت ساعتين .. وايام متتالية كمحاولات لاقناع الناس
ومنهم انا لاختيار دكتور مرسى وطبعا ده تم عن طريق عضوات الحرية والعدالة ..
وبيجوا لحد بيوتنا عشان نختار دكتور مرسى .. طبعا ده تم فى محافظتى ..

اما جزء ابو الفتوح قدم استقالته لحبه للمنصب فدى الله واعلم بها.. لكن فعلا قدم استقالته ربما لان ما يفرض داخل الجماعة لم يعد يناسبه ولانه وجد عنده المقدرة للترشح وقيادة مصر ..
على عكس الجماعة اعلنت سابقا انها لا تسعى للسلطة والمناصب وتناست ما اعلنته سابقا
ودخلت سباق الرياسة بالشاطر وبعده اجبرت الدكتور مرسى على الترشح .. هل على ان اختار رئيس تم اجباره اى لم يكن مقتنع من البداية بما اراده على عكس ابو الفتوح ..
وهنا استاذى لو انتخبت الدكتور مرسى هل لن يكون للجماعة اى تأثير على منصبه وقراراته ولا احنا هنا بنتعامل مع قرارات الاخوان اللى هيكون الدكتور مرسى مجرد منفذ لما تقرره الجماعة .

.فالاصل هو اختيار الجماعة
دى كلمة حضرتك .. يبقى انا صح..
اختار شخص مستقل واسلامى ..
افضل من اختيار الجماعة فى صورة مرشحها الدكتور مرسى ..
خصوصا وان الاخوان لم يؤدوا المطلوب منهم داخل البرلمان ..
جزاكم الله خيرا استاذى .. عبرت عن وجهة نظرى فقط..
ولا نملك الا الدعاء بان يولى الله الاصلح الذى يحفظ مصر
ويحترم المصريين ..