مطبخ منال العالم

[طـير الجنة]

الصور النهائية




































وبالهنا والشفا

[طـير الجنة]

طبعا كلنا عارفين بسكويت كلاسيك اللي بالزبدة ده



وطبعا كلنا بنموت فيه وبندفع مبلغ محترررررررم طيب ايه رأيكوا نعملوا مع بعض في البيت وبطريقة سهلة جداااااااااااااااا والبركة طبعا في حبيبتي منال العالم كل وصفاتها ممتازة ومضمونة باذن الله

يلا مع بعض نشوف هنعمل ايه

المقادير:

• 2 3/4 كوب دقيق
• 1\4 كوب نشا
• 1\4 ملعقة صغيرة ملح
• 1|2 ملعقة صغيرة بيكنج بودر
• 2 حبة كبيرة بيض
• رشة فانيليا
• 1 كوب زبدة لينة ( يعني تكون طرية برة التلاجة مش سايحة)
• 1 1\4 كوب سكر بودرة

دي كده صورة مجمعة للمقادير يا بنات



اولا حاجة هنحط الزبدة مع السكر البودرة ونضربهم كويس جدااا مع بعض لحد ما يختلطوا ويندمجوا سوا ويبقوا بالشكل ده



وبعدين نبتدي نضيف البيض واحدة واحدة

ودي شكل العجينة بعد اول بيضة




وده شكلها كده بعد البيضة التانية




شايفين سايلة ازاي عاملة زي قوام الكيك شوية



وبعدين نحط باقي المقادير مع بعض الدقيق (طبعا يكون منخول) والملح والنشا والبيكنج بودر والفانيليا ونبتدي نضيفهم بالتدريج على العجينة بتاعتنا لحد ماتتكون لنا عجينة بالشكل ده







كده العجينة جاهزة ومخدتش وقت خاااااالص نبتدي بقى نشكل باي قطاعة عندنا او باي شكل نحبه انا هنا كنت باخد حتة صغيرة من العجينة واكورها بايدي وبعدين اضغط عليها وبعد كده اقوم احط وشها في طبق فيه سكر خشن وده كده شكلها في الصينية



ودي صورة عن قرب عشان تشوفوا السكر عليها شكله جميل ازاي



وبعد كدخ ندخله الفرن على درجة حرارة 180 لمدة من 10 - 12 دقيقة او لحد ما نلاقيه استوى واتحمر من تحت ( لو طلع من الفرن وكان طري سنة بسيطة متقلقيش خالص هو بينشف لما يبرد وبعد كده حطيه طبعا في علبة مقفولة عشان تحافظي عليه وعلى قرمشته)

ودي النتيحة يا بنات ايه رأيكوا فيه



ودي صورة عن قرب شايفين السكر بيلمع وشكله جميل ازاي



وصورة كمان يلا ان شاالله ما حد حوش



بجد يا بنات طعمه رووووووووووووووعة وجميل جدا ومش بياخد وقت خالص وممكن طبعا تعمليه باي شكل تحبيه وتزوقيه باي حاجة تحبيها سكر خشن او مكسرات او زبيب او اي حاجة تحبيها


ممكن يا بنات نحطه في الورق الصغير بتاع الحلويات ونحطه في علبة شيك ونقدمه هدية لاي حد هيكون حلو جدااا وكفاية انه من صنع ايديكي يا جميل

يارب يا بنات البسكويت يعجبكوا وياريت متنسوش تدعوا لي دعوة كده

[طـير الجنة]

نبتدي بسم الله الرحمن الرحيم
اولا الشيف الي هطبقله هو منال العالم وصفة ساندوتش البيتزا دي

المقادير

العجينة :
3 ك دقيق
3 م ك لبن مجفف
1 م ك خميرة فورية
1 م ص ملح
1 م ص بيكنج باودر
2 م ص زعتر (اختياري)
2 م ك سكر
ربع كوب زيت ذرة
1 ك ماء دافئ
بخلط كل المقادير مع بعض ف الخلاط عالسرعة البطيئة واحدة واحدةعشان الخلاط مش يتحرق لان دي عجينة وبضيف الدقيق بالتدريج
وبعدين اطلع العجينة واكمل عجنها بايدي بالشكل دة لحد ما يبقي قوامها كدة واحط عليها نقطتين زيت واسيبها تخمر ف علبة وعليها كيس من فوق لحبس الحرارة وحطيتها ف مكان دافي لمدة ساعة
ملحوظات: مانزودش وقت الخمران عشان متقطعش مننا ف العجين
ماتتسابش ف التلاجة لتاني يوم عشان فيها بيكنج باودر
تابعوني يا قمرات

[طـير الجنة]

بعد ما العجينة خمرت قولوا ماشاء الله

حضرت الصلصة ومناال العالم بتعملها بكاتشاب لكن انا بحب اعمل صلصة البيتزا بتاعتي عبارة عن معلقتين صلصة و3 فصوص توم مدقوق ورشة ملح ورشة فلفل اسود وبسبكهم ف معلقة زيت ذرة ع النار بالشكل دة لغاية مايدوني اللون دة وبعدين اسيب الصلصة تستريح وابتدي افرد العجينة علي رشة دقيق عشان تاخد شكل ساندوتش البيتزا الاول بفردها بالنشابة علي شكل مستطيل كدة وبعدين بحط عليها الصلصة بالشكل دة (انا اخدت نص كمية العجين عشان اعمل 2 ساندوتش وكذلك نص كمية الصلصة )
اسيب بقي العجينة تستريح بالصلصة وابتدي احضر الحشو :
1 فلفلة خضرا
1 طماطم مقطعة رفيع
نص كوب زيتون مخلي
جبن شيدر او تركي اللي عندك
لنشون وصدر رومي ممكن تغيريه بلحم مفروم او جمبري او فراخ زي ماتحبي بس كله يبقي متقطع رفيع
نركز بقي من اول هنا
هنحط الحشو بشكل صفوف ورا بعضها كدة
ونسيب الاخر حتة فاضية وبعدين نبتدي نلف بالشكل دة ومع كل لفة بنريح ايدينا ع العجين ونخرج الزيادات م الجناب لحدماتلف بالشكل دة ودي لما قلبتها علي ظهرها شوفوا متماسكةازاي وهنا عملت منها اتنين وحطيتهم ف صينية مبطنة بورق زبدة
واخيرا خليط التلميع:
بيضة مربوبة بشوية ملح وفلفل وسمسم بحمصه ف طاسة ف الزيت لحد ما لونه يبقي كدة وامسح السانوتش بالخليط كدة
ودة شكله الاخير قبل الفرن
ونسيبه ف الفرن تلت ساعة علي درجة منخفضة 180 مثلا ومتتاخريش عليه لانه ما بيصدق يتحرق

[طـير الجنة]

واخيرا يا قمرات ساندوتش البيتزا

سموا واتفضلوا معانا

المفروض تتقطع شرايح بس احنا بنمسكها زي الساندوتش وناكلها

ودي هدية مني لاول واحدة تقيم

[طـير الجنة]

أنا جيبالكم النهاردة المكرونة بالدجاج والبشاميل لمنال العالم اتمنى ان تنال اعجابكم

كيس مكرونة بالبشاميل
كيلو دجاج مسلوق
ملعقة كبيرة زعتر
ملعقة كبيرة ريحان
نصف ملعقة صغيرة ببريكا
البشاميل :
2ملعقة كبيرة زبدة
2ملعقة كبيرة زيت
4ملعقةكبيرة دقيق
3 كوب حليب
6قطع جبن كيرى
1ملعقة صغيرة ملح
ربع ملعقة صغيرة فلفل ابيض
الطبقة العلوية:
1كوب كريمة
2حبة بيض
1ملعقة كبيرة بقسماط

نتبل الفراخ بالزعتر والببريكا
نسلق المكرونة ونحط على ماء السلق ملح وزيت
نعمل البشاميل نحط الزبدة على الزيت ونحط الدقيق ونقلب بالمضرب لحد ما الدقيق يصفر شوية ونصب اللبن مرة واحدة ونقلب ونحط ملح وفلفل ابيض ونقلب لحد ما يتقل معانا ونحط جبنة رومى او موتزريلا على البشاميل واحنا بنقلب
نحط البشاميل حوالى كبشة فى قعر البيركس ونحط شوية على المكرونة وهى سخنة شوية يشاميل
نحط نصف المكرونة فى البيركس وبعد كدة الفراخ وبعد كدة المكونة ونحط البشاميل الباقى
نحط البيض على الكريمة ونخفقة ونحط رشة ملح نحطة على وش المكرونة وبعد كدة نرش البقسماط لحد ما تحمررر جربوها يابنات كلمة رووووووووووعة قليلة عليه

[طـير الجنة]

يالا الردود و حطوا أكلات ما تنسوش