حد يساعدنى ارجوكم الرد انا تعبت ؟

[islamkd]

السلام عليكم طبعا يا حضرات المعلمين والطلبة المحترمين احنا عرفنا خلاص ان النظام الثانوية الجديد هيطبق السنة الجايه يعنى على طلبة الصف الاول الثانوى الحالييين طيب انا فى سنة ثانيه ثانوى السنادى يعنى شهادة طيب انا السنادى مش هقدر اخش الامتحان بسبب ظروف وهاجل السنة دى يعنى السنة الجايه هبقى فى سنة تانيه برضه طيب انا دلوقتى هعيد سنة تانيه شهادة والا نقل تبع النظام الجديد وارجو الاجابة من مختصين وشكرا لاهتمامتكم ..


الاختصار ..... طلاب المواد الصف الثانى الثانوى 2012 هيطبق عليهم النظام الجديد السنة القادمة ولا النظام هو هو وشكرا

[مسز إيمي]

أعتقد و لكني غير متأكدة هذا مجرد استنتاج قد يكون صح أو خطأ
حسب كلامهم ثانية ثانوي العام القادم تكون شهادة حسب النظام القديم
لأن النظام الجديد سيطبق على أول ثانوي اللي هيدخلوا العام القادم
والعام بعد القادم يكونوا ثاني ثانوي مش شهادة
و أنا برضه مش متأكدة على العموم أسأل و تاكد و ذاكر كويس جدا و اللي كتبه ربنا لك ستأخذه سواء كانت الثانوية سنة أو سنتين ، ما باليد حيلة
أنا رددت فقط لأطمن بنت أو إبن لي بالمنتدى

[islamkd]

شكرا لردك يا سيدى الفاضل بس انا محتار جدا المفروض حاجة مهمة زى دى ليه الوزير مطلعش تصريح بالخطوة دى او موقف الطلبة الراسبين وهيعيدو السنة السنادى لصف الثانى الثانوى

[مسز إيمي]

أنا اسفة جدا انا غلطت في رأي السابق أنك العام القادم شهاده لأني بنيت رأي علي انهم قالوا أن النظام الجديد سيطبق على أول ثانوي العام القادم

انظر إلي الشريط الذي يتحرك أعلى المنتدي ستجد كلام مخالف هم بيقولوا سيطبق النظام الجديد على اول ثانوي هذا العام
على كل حال قول لنفسك أنا هأذاكر و أبذل أقصي جهدي و هأنجح و أتفوق سواء كانت الثانوية سنة أو حتى 3 سنوات بالتوفيق
بس حسب اخر كلام لهم كده لو أنت في ثاني ثانوي العام القادم سوار منقول أو بتعيد السنة أعتقد مش هتفرق يعني ليست شهادة
و تابع و تاكد هذا مجرد ما أراه و اعتقده كمعلمة
وتابع و إن شاء الله الزملاء و الزميلات يفيدونك بالجديد
بس كررسؤالك من وقت لأخر و ستتضح الأمور

[صفاء عزمى]

اتصل بشعبان عبد العليم
.11150114771

[islamkd]

اشكركم على ردكم وشكرا ليكى يا استاذ ايمى وجزاكى الله كل خير ويارب الحكاية دى تحصل يارب انى اخد السنة الجايه نقل مش شهادة انا فاهم وجهة نظرك يااستاذة انى اذكر باقصى ما عندى بس برضه الشهادة تفرق على الاقل فى الضغط النفسى الطالب و الاباء والامهات الله يكون فعونهم .