يلا إحصاء ( ولو عندك سؤال أكتبه هنا )

[kareemosman]

السلام عليكم
استاذ خليفة ارجو من حضرتك إجابتي على سؤال لاني الحمد لله خلصت منهج الإحصا بفضل الله وإعانته لوحدي بس في بعض حاجات واقفة قدامي الباب التالت بس هو اللي واقف قصادي والسؤال المهم فية انا عاوز اعرف بس جدول المساحات تحت المنحنى الطبيعي ده حفظ ولا لا ولو مش حفظ اقدر اطلع قيم المساحة إزاي محتاج بس توضيح صغير من حضرتك وجزاك الله عني وعن كل من استفاد من حضرتك خير

[kalefam]

المشاركة الأصلية كتبت بواسطة kareemosman

السلام عليكم
استاذ خليفة ارجو من حضرتك إجابتي على سؤال لاني الحمد لله خلصت منهج الإحصا بفضل الله وإعانته لوحدي بس في بعض حاجات واقفة قدامي الباب التالت بس هو اللي واقف قصادي والسؤال المهم فية انا عاوز اعرف بس جدول المساحات تحت المنحنى الطبيعي ده حفظ ولا لا ولو مش حفظ اقدر اطلع قيم المساحة إزاي محتاج بس توضيح صغير من حضرتك وجزاك الله عني وعن كل من استفاد من حضرتك خير

أولا : بأشكرك على كلماتك الرقيقة
ثانيا : بالنسبة لجدول المساحات تحت المنحنى صعبد جدا حفظة لذلك بـ يتم اقتباس جزء منه و وضعه فى ورقة الامتحان و هذا الجزء يفى بالمطلوب وزيادة
ثالثا : بالنسبة للجدول فهو يتكون من عمود به الأعداد من 0.0 و حتى 3.5 و الصف الأول به الجزء اللى من 100 من الاعداد فهو يبدأ من 0.00 و حتى 0.09 أما باقى الجدو ل فهو الاحتمال لذلك يستخدم الجدول بطريقتين
- إذا علم العدد نحصل على الاحتمال
- و إذا علم الاحتمال نحصل على العدد
مثال : أوجد ل ( 0 < ص < 0.4 ) = 0.1554 نذهب إلى العمود الأول و نختار منه 0.4 و نحصل على أول رقم يقابلنا تحت 0.00 فيكون 0.1445

مثال أخر : ل ( 0 < ص < 1.23 ) = 0.3907 نذهب إلى العمود الأول و نختار منه 1.2 ثم نمشى فى نفس الصف و نختار الرقم الذى تحت 0.03 فنجده 0.3907

و هكذا
أما لإيجاد العدد إذا علم الاحتمال و الاستخدام الأهم لجدول المساحات فإليك هذا المثال
أوجد قيمة ك التى تحقق ل( 0 < ص < ك ) = 0.3643
فإننا نبحث فى الاحتمالات عن الرقم 0.3643 و بالطبع ترتيب الاحتمالات فى الجدول فهذا سيساعدنا فى سرعة إيجاده المهم سنجد هذا الاحتمال 0.3643 عند 1.1 تحت 0.00 كما بالصورة

و بذلك تكون قيمة ك = 1.1
مثال أخر : أوجد قيمة ك التى تحقق ل ( 0 < ص < ك ) = 0.4357
فأيضا نقوم بالبحث فى الاحتمالات حتى نعثر على الاحتمال 0.4357 حتى نجده عند 1.5 أسفل 0.02 كما بالصورة

و بذك تكون قيمة ك هى 1.52
أتمنى أن أكون ساهمت فى توصيل المعلومة لك و أن تحت أمرك فى آى وقت لأى إستفسار
وفقك الله و رعاك أنت و جميع أبنائنا طلبة و طالبات الثانوية العامة