رسمياً الدعوة السلفية وحزب النور يدعمان أبو الفتوح للرئاسة

[صوت الامة]

المشاركة الأصلية كتبت بواسطة mohamad fawzy

انا فاهم والله يا صوت الامة،بس اللى مش فاهمه اننا نصنف المرشحين لاسلامى وعلمانى وليبرالى ونحشد الناس وراء هذه المفاهيم ونستغل جهل فئة كبيرة من الشعب المصرى وعاطفته الفطرية نحو الدين فى حشد الناس وراء مرشح معين باسم الدين والاسلام وده مش عدل ابدا

الحاجات المطلوبة من اى مرشح لما يبقى ريس هى العدالة ولقمة العيش وتوفير مناخ ديمقراطى لممارسة الحرية والتعبير عن الراى وتطبيق القانون طبقا للمادة التانية من الدستور، واعتقد الاشياء مش شرط ابدا اللى يطبقها يكون واخد ختم او (بادج) اسلامى عشان يقدر يعملها، لان دى مهام ممكن اى حد يطبقها بصرف النظر عن المسميات او التصنيفات الفكرية او المذهبية الدينية

اما لو كان المرشح ده مسلم وتقى وورع فده شئ كويس ولكنه مش معيار اساسى، لان المعيار الاساسى هو الفكر والبرنامج والخطة والانجازات هى دى الاشياء اللى هتفيد البلد والناس مش الدقن والمظهر

انا ارفض استغلال الدين لتحقيق اهداف سياسية لان الدين ثابت والسياسة متغيرة واشد ما يسئ للدين هو طلب السلطة باسمه، يعنى لو عندك مشروع للبلد قدمه من غير كارت واسطة اللى هو الدين للاسف الشديد وفى النهاية انا هختار اللى شايفه اصلح وافيد ليا ولبلدى

ارجو ان تكون فكرتى واضحة

من اطلق المسميات هم برامج "التوك شو" والاعلام الجميل بتعنا ومن يريد
تثبيت ذالك هم الصحف الخاصة التى تتبع نهج واحد وطريقة واحدة
الامر الثانى لا احد يستطيع ان يتوارى فى عبائة الدين من اجل مصالح شخصية
فالدين ليس لعبة فى يد اى شخص ولكنهم لهم هدف معين يسعون لتحقيقة
سواء اكان اخوان او سلف هدفهم واحد وهو عودة التمكين لدين الله مرة اخرى
وهذا الهدف يعلن للجميع مثل بقية التيارات الاخرى التى تعلن برنامجها ووجة نظرها
والحكم والفيصل الاخير هو للشعب واعتقد بان الشعب هو متدين بفترتة ويحب دينة
فيريد المكين لة ويريدة ان يرجع الى عصرة هو اقوى ما على وجة الارض
والمسلم بشكل عام والمصرى بشكل خاص يكون لة وزنة وقيمتة واحترام من الجميع ..
اما غير ذالك فهو كلام ابتدعة خصوم من ينادون بتطبيق الاسلام وتعاليمة لتشوية صورتهم
والفاق ما ليس فيهم ...
ثالثا اتفق مع كلامك بشكلة العام واتفهم وجهة نظرك
ربنا يعيننا واياك على فعل الخير
اللهم ارزقنا الاخلاص فى الاقوال والاعمال