طلب

[momomomommo]

انا كنت عايز اعرف مساحة القطاع الدائري والقطعه الدائرية جه منين ؟؟ ( استنتاج القانون )
وعايز خواص كل من : 1- المربع. 2- المعين. 3-المستطيل. 4- متوازي الاضلاع. 5- شبه المعين. ( قوانين المحيطات والمساحات والخواص )

[محب رسـول الله]

المشاركة الأصلية كتبت بواسطة momomomommo

انا كنت عايز اعرف مساحة القطاع الدائري والقطعه الدائرية جه منين ؟؟ ( استنتاج القانون )
وعايز خواص كل من : 1- المربع. 2- المعين. 3-المستطيل. 4- متوازي الاضلاع. 5- شبه المعين. ( قوانين المحيطات والمساحات والخواص )

السلام عليكم ورحمة الله وبركاته

ــــــــــــــــــــــــــــــــــــــــــــــــــ ــــــــــــــــــــــــــــــــــ



متوازي الأضلاع من أسموا تعرفي تعريفه

متوازي >>> يعني توازي
الأضلاع >>>> يعني أضلاعه

ده يدينا تعريفه اللي هوه هو شكل رباعي فيه كل ضلعان متقابلان متوازيان .
علشان كده اسموا متوازي الأضلاع

ــــــــــــــــــــــــــــــــــــــــــــــــــ ــــــــــ
و متوازي الاضلاع ليه 4 خواص
1- كل ضلعان متقابلان متساويان في الطول
2- كل زاويتان متقابلتان متساويتان في القياس
3- كل زاويتان متتاليتان متكاملتان .
4- القطران ينصف كل منهما الأخر
ــــــــــــــــــــــــــــــــــــــــــــــــــ ــــــــــ

كمان ليه حالات خاصه
ــــــــــــــــــــــــــــــــــــــــــــــــــ ــــــــــ
مستطيل و معين و مربع
أولا المستطيل .... ليكون متوازي الاضلاع مستطيل لازم نزود عليه خاصيه من اتنين
زاويه قائمه ...... و لانه متوازي هتبقي جميع زواياه قائمه أو نخلي القطران متعامدان
ثانياً معين ...... و ده هنخلي فيه حاجه من اتنين ضلعان متجاوران متساويان و لانه متوازي أضلاع هتبقي كل اضلاعه متساويه او القطران متعامدان .
ثالثاً مربع ......... و ده هيتطلب مننا أخذ خواص المتوازي و كل خواص المعين و كل خواص المستطيل بمعني انه متوازي أضلاع فيه * ضلعان متجاوران متساويان * زاويه قائمه * القطران متعامدان * القطران متساويان
ــــــــــــــــــــــــــــــــــــــــــــــــــ ــــــــــــــــــــــــــــ
المحيط <<<<<<<<<<< محيط أي شكل ف الدنيا ليه أضلاع هو مجموع اطوال أضلاعه .
------------------------------------------------------------------
المساحه <<<< لو تتفتكر ان كلهم ف الأصل متوازي يبقي ينطبق عليهم قانون مساحة المتوازي = طول القاعده × الارتفاع
ــــــــــــــــــــــــــــــــــــــــــــــــــ ــــــــــ
المربع = طول القاعده × الارتفاع & أو & طول الضلع في نفسه
و ده علشان القاعده = الارتفاع = طول الضلع ( أضلاعه متساويه و متعامده ) كمان المربع ليه قانون تاني بمعلومية أطوال أقطاره ( نص ضرب قطريه ) تذكر الاقطار متسازيه فممكن القول ( نص مربع طول القطر )
ــــــــــــــــــــــــــــــــــــــــــــــــــ ــــــــــ
المعين = طول القاعده × الارتفاع && مينفعش اقول( طول الضلع × نفسه ) لان اضلاعه غير متعامده و مفهوش زاويه قائمه
ــــــــــــــــــــــــــــــــــــــــــــــــــ ــــــــــ
المستطيل = طول القاعده × الارتفاع ( تذكر ان اضلاعه متعامده ) فيمكن القول الطول × العرض ( تذكر أضلاعه غير متساويه )
--------------------------------------------------------------------------------------------
أخيراً شبه المنحرف
هو شكل رباعي فيه ضلعان فقط متوازيان فقط فقط أي ضلعان متوازيان و ضلعان غير متوازيان
المحيط كما ذكرنا سابقا ً مجموع أطوال أضلاعه

أخيرا دعواتك

[momomomommo]

مشكوور يا اخي