عايزين نعمل اعتصام في ايام الامتحانات علشان المرتب اللي نقص الي 580 في محافظة الغربية

[khalil elnaggar]

عايزين بجد نقف وقفة رجل واحد في حكاية المرتب اللي نقصوه غصب عن المتعاقدين نزلوا المرتب في الغربية الي 564
في الاسكندرية 580
شكرا
نرجوا الانضمام
والاتحاد ونتفق علي موعد واحد للاعتصام

[شريعة وقانون]

ربنا ينتقم من كل ظالم لا يفكر ألا في نفسه ولا يعبأ بتضرر الطلبة وضياع مستقبلهم وعدم أدائهم الامتحان حسبنا الله ونعم الوكيل في عديمي المروءة والوطنية والاحساس حسبنا الله ونعم الوكيل في اللي عايز يضيع مستقبل طالب في ناس كتير مش لاقية 300 حنيه في الشهر ياعالم حسوا بالناس البلد نار والمدرسين شغالين ومبسوطين وكلهم شغالين دروس والأشية معدن ربنا ع الظالم

[محمود 511]

المشاركة الأصلية كتبت بواسطة شريعة وقانون

ربنا ينتقم من كل ظالم لا يفكر ألا في نفسه ولا يعبأ بتضرر الطلبة وضياع مستقبلهم وعدم أدائهم الامتحان حسبنا الله ونعم الوكيل في عديمي المروءة والوطنية والاحساس حسبنا الله ونعم الوكيل في اللي عايز يضيع مستقبل طالب في ناس كتير مش لاقية 300 حنيه في الشهر ياعالم حسوا بالناس البلد نار والمدرسين شغالين ومبسوطين وكلهم شغالين دروس والأشية معدن ربنا ع الظالم

خليك فى حالك مش هقول غير كده 300 جنيه مكفينك فيه مصالح حكوميه ده مرتب اقل من فراش او بواب عماره
تانى مره خليك فى حالك

[شريعة وقانون]

والله أنتوا عالم ظلمة

[شريعة وقانون]

مش مهم عندكم الطلبة ولا مستقبلهم ولا مهم الفلوس اللي دفعها الأهالي على التعليم ولا فارق معاكم مصالح الناس وعايزين ربنا يبارك لكم الله لا يبارك لكم

[khalil elnaggar]

مجلس الشعب النهارده بيقول ان مرتب المدرس وصل ل 800 جنيه
وهوه في الواقع 500و 80 جنيه
بس
يعني احنا نقصد اننا لنا فلوس بس هم حسبين خطأ المرتب ولانطلب اي زيادة عن حقنا
ثانيا انت بتدعي بدون فهم لازم تفهم الاول
نفسي اعرف يا شريعة انت بتقبض كام وبتشتغل ايه
وممكن تطلع تبع النظام العسكري

[شريعة وقانون]

يا ريس أنا مفيش عندي مشكلة إنك تاخد حقك لكن تعمل اعتصام وتوقف الامتحانات والطلبة هتعمل اية ؟؟؟؟ وبعدين بالله عليك هو أنا لو تبع العسكر كان زماني قاعد معاك دلوقتي عموما أنت فعلا عندك حق أنا قائد سلاح الطيراني المائي في الجيش المصري بصراحة أنا لو حصل كدة في المعهد اللي قدام بيتي لو عطلوا الامتحانات أنا هطلع عليهم بكل أسلحتي الفتاكة

[مستشرق]

فين قانون الاجر الموحد ؟؟؟؟؟؟؟؟؟؟؟؟؟؟؟؟؟؟؟؟؟؟:exc l:

[ahmedsobhi139]

يا عم شريعه اهدى كدا شويه بس واعرف الحقيقه فين مفيش حد ممكن يسمح لنفسه انه يأذى طالب ثانيا لما كل احد يطالب بحقه دا مش عيب ولا حرام ثالثا لغايه امتى هيفضل المدرس اقل موظف فى الحكومه رابعا مين اللى عايش فى البلد دى ب 300 جنيه زى ما سيادتك ما بتقول يا عم شريعه يا عم شريعه ربنا يسترها معاك ومعانا وكفايه الغلب اللى احنا فيه و سلملى على الازهـــــــــــــــــــــــــــــــــــــــــــــ ــــــــــــــــــــر

[el emad]

انت رجل محترم

[ahmedsobhi139]

شكرا عل زوق حضرتك بس دى والله الحقيقة المرة اللى عيشها كل مدرس فى مصر وربنا يستها على البلد دى

[المؤمنه بالله]

طبعا ياجماعه فيه فئات طبعا مرتبها اقل من كده بكتير وممكن يكونوا فى الازهر بردو زى الناس اللى بالحصه مثلا
فيه ناس اشتغلوا حصتين فى الاسبوع والحصه باتنين جنبه يعنى ياخد اربعه جنيه فى الاسبوع وانا سمعت والله الكلام ده لدرجه انهم مش عارفين يعملوا ايه مع الناس دى وفيه ناس طبعا ليس لها مصدر دخل تماما ومعدمين
لكن الشىء اللى بيضايق هو عدم المساواه والظلم والاحساس بالظلم صعب يعنى لما يكون مدرس بيشتغل 6سنين وياخد300 جنيه يعمل ايه حاجه تزعل