يارب تنيسيق الصيدلة ينزل

[Dr msh-tlba]

نصيحة لكل اخواتي الصغيرين في موقعة الثانوية العامية ,... بالذات طلبة 3 ثانوي

انسوا تماما التنسيق و الكليات و كل الهري دا ....
ركز في مذاكرتك صح ,,, و كدا كدا ربنا هيكرمك ع قد تعبك ,, و المستوي الرفيع بيرفع جدا ,, و لو التنسيق علي دا معناه ان الامتحانات كانت مش تعجيزية زي دفعة 2007 و 2011 ,,, و بالتالي شريحة كبيرة من الطلاب حصلت ع مجاميع عالية ( و طالما انت مذاكر كويس و حليت كويس , يبئا هتكون منهم ) ... و لو التنسيق نزل ,, يبئا الامتحانات كانت تعجيزية زي دفعة 2008 ,,, و شريحة كبيرة من الطلاب مقدرتش تحقق مجاميع عالية ( و لو انت منهم , يبئا لسة مكانك محفوظ في الكلية اللي ربنا كاتبهالك )

بالنسبة لدفعة 2012 ,,, طلبة 3 ثانوي السنة دي ,,, تنسيقكوا احتمال يكون اعلي من تنسيق 2011 في حالة ان امتحانتكوا هتيجي زي امتحانات سنة 2 ,,, تافهة جدا

توقعات شخصية بناءا ع اللي شوفته من شرياح مجاميعكوا :
البشري 99 - الاسنان 98 - الصيدلة 97
دا في افضل الاحوال

و متنسوش ان الـ 2% بتوع المستوي الرفيع بيرفعوا جامد ... و العامل النفسي و عدم الرهبة من الامتحان في 3 ,, بتساعد اكتر حتي لو الامتحانات اصعب ... و دي بجد عن تجربة شخصية

انا في تانيةكنت جايب 199-205 يعني 97 %
في تالتة رغم ان مذاكرتي مكنتش قد تانية ,,, جبت 206 يعني 100.5 % !!
و كان اجمالي السنتين 405 و اخترت طب اسنان و دخلتها الحمد لله