ممكن تساعدونى

[إسلام صبري]

السلام عليكم
انا عندى استفسار
انا احلام فى ثالثه ثانوى علمى رياضه وبدات مراجعه من شهر 3
انا كنت شفت رد لحضرتك فى موضوع بتقول اننا نسى اننا هنمتحن فى 6 و لازم نخلص على نص اربعه
انا قررت دا واعتبرت امتحانى يوم 15 اربعه
وبدات مراجعات خلصت العربى وحاليا براجعه فى الدرس مع المستر زى ما بيقولنا بعمل
والانجليزى كنت خلصت بس نصه وبدانا مراجعه وانا براجع زى ما المستر بيقول وبروح اجمع الاسئله الى غلطت فيها والمها فى كشول واذاكرها تانى وبحفظ ترجمة من قاموس سيربريس
وبحل اسبيكارات على طول واى برجراف بيقابلنى فى الملخص باكتبه
علم النفس انا لسه مخلصت منهجى ودا الى مخوفنى انا بدات متاخر بادة من شهر 12 فيه ولسالى 3 يونتات بس
وفى مستر بيراجع من الاول روحت معاه وبراجع وبخلص فى الدرس التانى الجديد
كل دا مش قلقلنى الى قلقنى الفزيا والرياضه
انا فى الرياضه جبت كتاب 100 فى الميه وجبت الدروس من تانى من الاول كنت بحل كل المسائل وبحل الدليل وكتاب المدرسه والامثله المحلوله فيه
وخلصت لحد دلوقت 4 فروع باقيلى الميكانيكا ودى رعبانى خلصت نص الديناميكة ونص الاستاتيكة ولسه بكمل فيها
ولسه مبداتش حل امتحانات بس كل فترة كدا احل امتحان بس مش بشكل دائم
وخايفه اوى انا لما جيت احل امتحانت كنت محتاسه وحاسه انى مش فاكرة حاجه
والفزيا دى رعبى
انا بدات مراجعه ووصلت لبابا 11 دلوقت باقيلى 4 فصول كدا
بس حقيقى فى نظرى من الى وراه حاسه انى نسياه هو لما قراته افتكرته بسرعه بس خايفه اوى وانا مش هبدا امتحانات شامله الا على 5 كدا على مااخلص المراجعه
ودلوقت بفكر اجيب تانى من الاول من اول فصل على اساس على منا اخلص ال 4 فصول اكون جبتها تانى من الاول
ملاحظة ال 4 فصول دول لسه مااخدهمش فى الدرس احنا متاخرين انا عارفه دول لسه جداد متاخدوش لسه باخدهم وبعدين ابقى اراجعهم
واحل امتحانت
بجد خايفه مش عارفه الى فوق دا يكفى ولا لا
ومرعوبه من الميكانيكا بسبب القوانين والتحويلات وبتنسى بسرعه اوى

[صدى الدمعة]

شوفي يااحلام
واضح من كلامك ان مفيش مشكلة بالنسبة للعربي و e وده كويس
اما بقى الفيزياء فأنا مش متفقة معاكي انك تحلى امتحانات بعد ماتخلصي
لا انتي تبدأي تحلى امتحانات على الي اخدتية
عشان متنسهيوش وكمان تتأكدي انك فاهمة كويس
الحل الكتير في الفيزياء بيثبت المعلومة
اما بالنسبةللرياضة فانا بصراحة علم علوم
بالتوفيق ان شاء الله

[إسلام صبري]

اولا شكرا ياصدى على ردك ربنا يكرمك يارب
وانا هعمل بالى قولتيله وهبدا حل امتحانت والى نسيته ارجع اشوفه تانى فى الشرح
ربنا يعزك ياقمر يارب

[مناجاةُ النجاةَََِ]

حاسة اني مش عايزة ارد..اسفة يا احلام

[صدى الدمعة]

المشاركة الأصلية كتبت بواسطة إسلام صبري

اولا شكرا ياصدى على ردك ربنا يكرمك يارب
وانا هعمل بالى قولتيله وهبدا حل امتحانت والى نسيته ارجع اشوفه تانى فى الشرح
ربنا يعزك ياقمر يارب

العفو على ايه احنا اخوات
ولو احتجتي اي حاجة في الفيزياء او المواد التانية انا موجودة
بالتوفيق ياحبيبتي