السرحان في الصلاة...كيف تتغلب عليه؟

[شذى العطر]

نصائح
سمعت من شيخ عشان تصلي انك تقرا قران
او تذكر ربنا

عشان تكون صلاتك فيها خشوع بعض النصائح
ناس بتقول انا بصلي بسرعة وبقعد افكر في صلاتي عشان كده معنديش خشوع
عندك حق ده يسبب عدم الخشوع
اول حاجة تحاولي تبطئي نفسك حتى لو بتفكر بطئ نفسك يعني متركعش بسرعة حاول اركع ببطئ اسجد ببطئ
تاني حاجة
حاول انك تستوعب إلي انت بتقوله في الصلاة
السرحان بيخليك متعرفش انت قرات ايه ولا انت بتقول ايه قلت سورة الفاتحة ولا قلت سورة الاخلاص بدلها ولا قلت سبحان ربي العظيم بدل ماتقول سبحان ربي الاعلى و كمان متكنش عارف انت في اي ركعة احيانا

متستغربوش انتوا في الاغلب والله اعلم بتقولوا سورة الفاتحة وبتقولوا صح ده لإنكم تعودتوا على كده تعودتوا اول لما تصلوا تقلوا الفاتحة وسبحان ربي العظيم في الركوع وهكذا فعاملين تفكروا
فاإنتوا وانتوا بتصلوا حاولوا تستوعبوا انتوا بتقولوا إيه انا بقول ايه دلوقتي انا في أي اية من الفاتحة بقول الاعلى ولا العظيم طبعا مع المحاولة عدم التفكير في حاجة تانية

طيب ساعات الواحد تحصل حاجة قبل الصلاة مثلا فبيفكر فيها اوي وبيحاول جامد جدا في الصلاة ومبيعرفش
ويجاهد ويجاهد وبرضوا ميعرفش
هقولوه نصيحة صغيرة تساعده..
قبل الصلاة حاول تقرا قران او تذكر ربنا وبرضوا وانت بتقرا القران ركز في القران والايات إلي بتقرأها ومعانيها عشان تنسى إلي بتفكر فيه
وتستعد للصلاة بقلب خاشع
بعد ماتقرا هتلاقي نفسك مش بتفكر في الموضوع جامد اوي بس لو جاه في بالك الموضوع حاول تشيله من دماغك هتلاقي نفسك شيلته من دماغك بسرعة لكن لو فكرت هتفكر وهتفكر وهتفكر ولا كإنك قرات او عملت حاجة
وفي الصلاة بقى ممكن تجيك الافكار بس مش بقوة اوي حاول تشيلها هتتشال بسرعة إن شاء الله
طبعا مع قراءة الفاتحة بالتجويد
ومحاولة التبطئ في الحركات ومحاولة استيعاب الكلام إلي بتقوله في الصلاة
اتمنى اكون افدتكم