انا قلقان اوى ؟

[حسونة بيه]

ازيكم يا جماعة عاملين ايه فى المذاكرة بصراحة انا قلقان اوى عشان ابتديت مذاكر متاخر وكدة بس دلوقتى الحمد لله بذاكر بس مش عارف الطريقة دى صح ولا غلط انا بنام الساعة 9 بليل وبصحى الساعة 2 واقعد ازاكر مش عارف بقى بكدة ممكن اعوض اللى فاتنى
ربنا هو الموفق
ياااااااااااااااااااارب نجنا ووفقنا الى ما تحبه وترضاه معلش طولت عليكم

[elmadany]

وانا برده والله باذن الله نحاول نخلص لانى برضة بداة مذاكرة متاخر اوووى انا مكنتش بذاكر وربنا يستر يااارب ويعدى الامتحانات والفيزيا على خير و
ان شاء الله نخلص ونراجع ونطمن ياااااااااااااااااااااااااارب

[elmadany]

باذن الله هتقدر تخلص وتعوض كل اللى فاتك

[حسونة بيه]

انته كمان فى تالتة وبدات متاخر بس انته كنت بتذاكر الكميا ازاى بجد بحس انها مادة تقيلة على قلبى اوى مش عارف ليه

[doha94]

واللهى انا كمان قلقانه اووى
السنه دى الاهتمام قل على السنه اللى فاتت وبادئه متأخر برده
بحاول اخلص المواد فى الكام يوم دوووول علشان ابدأ مراجعه والباقى على ربنا
ان شاء الله نجيب مجاميع عاليه وربنا يوفقنا كلنا يارب

[حسونة بيه]

امين يارب يا ضحى بس انا مشكلتى انى بنام تقريبا بذاكر 16 ساعة فى اليوم وبنام قليل جدا حوالى 4 ساعات ممكن دا ياثر على دماغى ويخلينى مش مركز ولا ايه ؟؟؟؟؟؟؟؟

[doha94]

المشاركة الأصلية كتبت بواسطة حسونة بيه

امين يارب يا ضحى بس انا مشكلتى انى بنام تقريبا بذاكر 16 ساعة فى اليوم وبنام قليل جدا حوالى 4 ساعات ممكن دا ياثر على دماغى ويخلينى مش مركز ولا ايه ؟؟؟؟؟؟؟؟

اااااااااااه طبعا ده بيأثر وحتى هتلاقيك فى اول ساعتين تلاته مركز
وبعد كده اكنك بتقرا الكلام

بص انت اعمل حاجه حلوه اصحى الفجر صلى وذاكر لغايه الساعه 12 الضهر كده وادخل نااام شويه
واصحى العصر ذاكر لغايه الساعه 10 وادخل نام تانى
كده هتكون ذاكرت 14 ساعه

[حسونة بيه]

جميل اوى الجدول ده اوعدك انى همشى عليه بس انا اللى جالى جالى فى الكميا مدبتش فيها قلبم لحد دلوقتى وبصراحة كل ما افتها يجيلى اكتئاب بما انك ماشية بنظام قووليلى اعمل فيها ايه البلوة دى

[doha94]

المشاركة الأصلية كتبت بواسطة حسونة بيه

جميل اوى الجدول ده اوعدك انى همشى عليه بس انا اللى جالى جالى فى الكميا مدبتش فيها قلبم لحد دلوقتى وبصراحة كل ما افتها يجيلى اكتئاب بما انك ماشية بنظام قووليلى اعمل فيها ايه البلوة دى

انا ادبى واللهى مش علمى
انا بدلت نظام مذاكرتى لاانى بعتمد على ماده واحده يجى اسبوع اخلصها بس كنت بزهق وفى حاجات بوقعها
فالاسبوع ده واللى بعده هخلص اللى مذاكرتوش قبل كده
ونظام المراجعه عديت صفح كل ماده
وناتج صفح الماده الواحده بقسمه على 20 يوم
بس مش مدخله العربى فى الحسبه
الاربع مواد التانين طلعلى انى اذاكر 22 صفحه فى اليوم يعنى 11 صفحه الصبح و 11 بليل للاربع مواد كلهم
ويعدى 20 يوم لو مشيت على كده اكون خلصت اربع مواد ومعايا وقت كمان اذاكرهم تانى
شوف كده النظام ده يناسبك ولا ايييه !!!
وانا لما بكون زهقانه من ماده بقراها الاول وبعد كده اذاكر
انت بس علشان مفتحتهاش خالص فمسترخمها حاول معاها واحده واحده لسه معاك وقت

[حسونة بيه]

والله نظام جامد جدا هجربوا كام يوم كدة ربنا يوفقنا جميعا قولى امييييييييين

[خالد مصطفـى]

لازم تآخد وقتك ف النوم
يعني مش يقل عن 6 ساعات

وي أخي مش تقلق ولا حاجة
حضرتك أعمل م عليك والتوفيق من
الله


وبالتوفيق =)

[lolo cat]

المشاركة الأصلية كتبت بواسطة حسونة بيه

انته كمان فى تالتة وبدات متاخر بس انته كنت بتذاكر الكميا ازاى بجد بحس انها مادة تقيلة على قلبى اوى مش عارف ليه

ا نا اسفة بجد انا اكتشفت ان اخويا كان عامل ريميمبر مى فدخلت من اكونتهelmadany

انا اكتر انا السنة دى كيميا وفيزيا علشان خدت الاحياء فى تانية
وبجد والله مش عارفة اعمل ايه فى الفيزيا واكيميا بنساها بسرعة اوووى والعضوية ربنا يسترها بجد غبيهه
الكيميا لازم اننا نرجعها اول باول علشان متتنسيش بس ممكن حد يقولى اذاكر العضوية ازاى؟
والله العظيم انا السنة دى بادئة مذاكرة متاخر ااووى بس ربنا يساعدنا يارب ونقدر نخلص ونراجع ونطمن يااااااااااااااارب