مش عارف احط الموضوع دة فين بس لازم تقولى اعمل اية

[daye3]

تأجله ازاى ؟ انا برضو ضايع زيك كدة
لو ينفع من غير ما يبوظ المجموع يبقا انا كمان حاعمل كدة ومش مهم عندى لو خدت السنة الجاية المانى وفرنساوى مش بس فرنساوى اهم حاجة السنة دية تعدى على خير

على العموم انا رائيى تستبعد الحل دة لحد ما تتأكد منه وان كان ممكن يبقا خير وبركة واهو اللى حتذاكره حينفعك السنة الجاية وان كان مش ممكن ( واعتقد انه مش ممكن للاسف ) يبقا عملت اللى عليك والباقى على ربنا وربنا مش بيضيع تعب حد

اهم حاجة دلوقتى تنسا فكرة ان الفرنساوى صعب لان من الاخر دة بقا امر واقع علينا ولازم نتعامل معاه وربنا معانا

بالنسبة لى انا حاركز على حفظ كلمات الوثيقة الكبيرة + ابواب الجريدة + الشخصيات والمواقف
( ولو فية وقت حاحفظ كلمات الدروس )
بالنسبة للجرامير لو مقدرتش اخلصه كله حاحاول اشوف انهى اهم القواعد واركز عليها واهو بالتكرار والحل اكيد ان شاء الله القواعد حتبقا كويسة معايا
بالنسبة لسؤال الانتاج اهو دة اللى ربنا يستر انا معرفش عنه اى حاجة

ان شاء الله حتتظبط وبعد كدة حامسك دليل التقويم بتاع الوزارة واحله وان شاء الله الامتحان ميطلعش منه ولو انى عارف ان دية لغة واللغات مش بتيجى بالنص من كتب المدارس

على العموم دة اللى انا بعمله وياريت تقولى انت كمان حتعمل اية ونساعد بعض