كل اللى أمتحن النهاردة يحكلينا عمل ايه ( هنا وبس ) بلاش موضوعات تانية

[شريف حسن .]

االسادة المعلمين الأعزاء

نظرا للمصلحة العامة تم انشاء هذا الموضوع لخدمة جميع المعلمين

يا ريت كل اللى أمتحن يتفضل يحكى اللى حصل معاه بالظبط فى الاختبار

من بداية دخوله الأختبار حتى خروجه كى تعم الفائدة للجميع ان شاء الله

وما ينساش كل واحد فينا يكتب تخصصه اللى امتحن فيه

ولى طلب صغير بلاش أى حد يكتب موضوع أخر يحمل نفس المضمون ( سيتم حذفه )

لانه امبارح كانت فى موضوعات كثيرة جدا تحمل نفس الموضوع فياريت بلاش

سيتم ان شاء الله تثبيت الموضوع حتى يوم الخميس على ما أعتقد أخر يوم للأختبارات

ربنا يوفقكم جميعا ان شاء الله وبالنجاح والتوفيق بأذن الله
__________________

[boghoo]

مشكور استادي

[شريف حسن .]

المشاركة الأصلية كتبت بواسطة boghoo

مشكور استادي

شكرا لحضرتك

[هيثم كناريا]

برجاء الافادة ياجماعه انا مش عارف اجيب اي امتحانات او نماذج للكادر
انا معلم فصل
ياريت حد يساعدني

[عصام الباز]

المشاركة الأصلية كتبت بواسطة هيثم كناريا

برجاء الافادة ياجماعه انا مش عارف اجيب اي امتحانات او نماذج للكادر
انا معلم فصل
ياريت حد يساعدني

بالنسبه لامتحان مهارات اللغه الانجليزيه اللى امتحان من الملفات ام من خارجها بالله عليكم افيدونا

من فرج عن مؤمن كربه من كرب الدنيا فرج الله عنه كربه من كرب يوم القيامه

[محمود يوسف محمد]

متي نتيجة الامتحان ؟؟؟؟؟؟؟؟؟ارجو الرد ممن لديه الاجابة

[عبدالعزيز عايد]

الصفحة الثانية اتشالت ليه استاذ شريف

[علاء انور بيومى]

والنت فصل فى اسوان ولا مجموعة امتحنت

[marwa elminia]

الشيكه كانت امبارح زباله والامتحان اتلغى للاسبوع الجاى

[dfghhhhh]

اقسم بالله هذا حصل / انا تخصص خدمة اجتماعية اخصائى /الى بيحصل مهزلة فى التعليم انا دخلت امتحن فترة ثالثة من الساعة 2الى 4 ، ولكن دخلت الساعة 12 الى حصل ، اول ما دخلت على الجهاز رأيت اجهزة تكهن ، وليست للأمتحانات ، المفاجأة ان انا معدل الكفاءة ابتدائى المفاجأة رأيت على الصفحة معدل الكفاءة ثانوى ، والنبى مش حرام !والى بيراقب لمل سألناة اقل أذهبوا الى الأكاديمية غيروا معدل الكفاءة قبل اسبوع من دلوقتى نعمل آه فى التهريج ده ومتعرفش الفنان الى حط التخصص والتربوى فى الخدمة الأجتماعية هو متعقد من الخدمة الأجتماعية لية هههههههههههههههه هو نفسة فى اه والله احنا بشر نتصف بالصبر ، بس خلى بالك يالى عامل فيها فلعوص وعملت الأمتحان هتروح من ربنا فيييييييين الله ينتقم منك يبعيد ، ده بيخترع امتحانات ، هى البلد بيخربوها مش عاجبهم كمان ياأخى اتقى الله انت وأمثالك ، هوه ده امتحان كادر ياظالم ، ولا امتحان ماجستير فى العلوم السياسي ، لامؤخذة بهذا الشكل هتولعوا البلد يا ألى فى بالى آه آه آه آه آه على الحزن أبكى ولا أعمل آه من الظلمة

[امجد خفاجى]

ربنا يسترها علينا ان شاء الله
والله الواحد مش خايف من الامتحان كدا ما هو خايف من النتيحة لما تطلع
هتلاقى فلان نجح والتانى نجح وتلاقى نفسك راسب شعور مخيف جدا
ولا ايه رايكم يا سادة يا كرام

[محمد شعبان الاول]

انا كنت فى الشيخ زايد امبارح الفترة الاولى النت فصل وجاة اميل من الوزارة بتاجيل الامتحان بعد انتهاء كل المعلمين من الامتحان
فسالت الاستاذة المسئولة نجى امتى قالت مش عارف
والله الناس اللى موجودين فى الوزارة مش فارقة معاها الحوار كلة
والله اهانة واذلال للمعلم بشكل مقصود

[محمد شعبان الاول]

انا كنت فى الشيخ زايد امبارح الفترة الاولى النت فصل وجاة اميل من الوزارة بتاجيل الامتحان بعد انتهاء كل المعلمين من الامتحان
فسالت الاستاذة المسئولة نجى امتى قالت مش عارف
والله الناس اللى موجودين فى الوزارة مش فارقة معاها الحوار كلة
والله اهانة واذلال للمعلم بشكل مقصود
ياريت اى حد يعرف اى معلومة عن المتحان بعد التاجيل يقول

[biba200577]

مش قلت لكم عمالين يجربوا فينا ويحرقوا فى دمنا بجد ياجماعة لازم يكون فيه حل ويلغوا الامتحانات دى خالص

[محمد شعبان الاول]

الفكرة مش فى الامتحان ولا فى التدريب الفكرة ان المعلمين معندهمش دم ولا كرامة
المدرسون لو اتحدوا هياخدو حقهم واحنا عايزين حقنا بس مش اكتر