ال بيقول" يا معلمين " استنو واستحملو شوية احب اقوله " ياريت نخلى عندنا شوية دم " !!

[فداك يارسول الله]

المشاركة الأصلية كتبت بواسطة zeyadmaya

نحاول ؟لا دا هو المهان فى هذا الوطن
المعلم مش محصل فراش فى الكهربا او الاتصالات او هيئة قناة السويس او الضرائب او ........

عندك كل الحق

[قلب صغير2]

يا ريت كانت المظاهرات عشان كرامه المدرسة
لكن دى عشان الفلوس
يعنى لو فى المظاهره طلع الوزير وقال هتزيدو كل واحد الفين جنيه
المظاهره هتمشى ويا عينى على المدرسة
لو فعلا دى المسأله كرامة يبقة نطلع يوم 31 وانا معاااااااااكم
طبعاااااااااااااااااااا
بس نقول
المظاهره للكراااااااامه بس
ساعتها الكل هيحترمنا
الكرامه قبل الفلوس
عسكرى امن على كل مدرسة
او مسؤل امن
مش مدرس صيانه
ولا مسؤل صحافه
ولا اخصائى اجتماعى يعد على البوابه ويمشى بعد الفسحه ويسبها زايطه
مشرف متفرغ بس للاشراف اليومى
ده لو عاوزين كرامه ومحدش يقولى
مهو ده دجنب ده
لا
مش صحيح
وعموما اهو الوزير والوزاره كلها ماشيه
واى تهديد من معلم بالامتحانات خيانه
بقولها وانا معلم وتعبان ومرتبى 850 جنيه
وطالع عينى
بس
مش هبيع دماغى لناس مش هدفها التعليم ويمكن حتى مش الفلوس
مهو مين عاقل يقول ان ناس تطالب بكل حقوقها دلوقتى
يا ريت بس محدش يقول ان كل المعلمين بالدماغ دى

[أ/رضا عطيه]

المشاركة الأصلية كتبت بواسطة koko20062000

اذا كانت نوعية الناس التى تنظر الى المعلم بهذه النوعية فانكم تستحقون ما يحدث لكم ويارب يزيدكم كمان وكمان
والله العظيم انا قرفت كل واحد عامل فيها مصلح اجتماعى وينصح غيره ولو كان فى مكانه هايلعن اليوم اللى اتولد فيه
والنبى يا اخوانا كل واحد يخليه فى حاله مش كل زفت ما يعرفش حاجه ييجى يتكلم على المدرسين وينصح مره ويشتم مره
انتوا ايه بتبصوا للمدرس والدروس الخصوصية عايز واحد فيكم صادق مع نفسه يقولى انه مش بيدى دروس لاولاده ولا هايدى دروس ليهم
اولياء الامور اللى بيتكلموا دول هم اول ناس بيشجعوا على الدروس
وعلى فكره عمرنا ما هاينصلح حالنا عارفين ليه
لان كل واحد بيتكلم وبينصح هو اكبر منافق
الاساتذة الجهابذة اللى بيتكلموا على موضع رفع المرتبات للمعلمين ياريت ييجوا ياخدوا مرتبى ويصرفوا منه على وعلى بيتى
مع العلم انى متزوج وعندى طفله وايجار شقتى 400 جنيه ومش هاقول على باقى مصاريفى ومرتبى 353+246 يبقى المجموع 599
عايز جهبذ من الجهابذة اللى بيتكلموا يلموا نفسهم شوية من الكلام ويحلوا المعادلة دى

أولا :الكارثة الكبرى أن يكون هذا حوار مدرس
ثانيا : لو فى منتدى أخر وبيدخله كل موظفين الدولة كنت لقيت ناس بتحسدك على هذا المرتب وربما فى نفس ظروفك وأكثر
ثالثا : نصيحة تقبلها أولاتقبلها فهذا أمر يعود لك
جرب تبذل نفس المجهود الذى تبذله فى الدروس الخصوصية داخل الفصل وشوف برهان الخالق سبحانه وتعالى فى كل حياتك
رابعا : بيقولوا فى المثل إيه اللى رماك على المر قال اللى أمر منه وهذا حال أولياء الأمور
لو هناك نصف إخلاص داخل الفصل الدراسى مالجأ أولياء الأمور للدروس الخصوصية

خامسا : تعليقا على صفة النفاق التى لاتعلم قدرها ومرارها والتى ألصقتها بعباد الله وكأنك مطلع على قلوبهم! -
عليك أن تتأمل معاملة الطالب وولى الأمر مع مدرس الدروس الخصوصية والمعلم النقى الذى يخلص عمله لوجه الله مع أولاد الناس داخل الفصل - هنا ستجد ردا واضحا على أين ذهبت الكرامة ؟

سادسا : الإصرار على هذا الزحف فى كل القطاعات تحت شعار الأن ليس طبيعى ولاهو لوجه الله ولابحثا عن الكرامة ولا زيادة مرتب ---- تصدق أولاتصدق -- إنت حر
لكن عندما يأتينا حين الندم الجماعى لاقدر الله - أرجوك أن تذكر العبد بالله بكلمة طيبة لوجه الله

كلنا فى قرف ولست وحدك

ولن نموت لونتحمل بعض الشهور - وما رفضت الحق لأنى لى فيه أكثر بكثير من الكثيرين - ولكن ماطلبته صبرا
فهل خرجت عن النص ؟!

فمن يراه تجبر ورفاهية فلن أشكوه إلا لعالم الغيب والشهاده - فهو العالم بحالى والغنى عن سؤالى
ما أردت إلا الخير للجميع

فليتقبل من يتقبل ومن يساهم فى إرتقاء بعض النخب لمنصب مستخدما أوجاع خلق الله
فلاحساب له عندى فحسابنا جميعا بأمر الواحد القهار

هذا كان رأيى فلنأخذ منه مايصح ويتفق ونترك مالنفسى حق الرأى

كونوا كراما بحوار بالحق وليس دفاعا عن باطل

فالمطالبة برفع المرتب حق
ولكن استخدام أوجاع الناس للضغط على وطن يحتضر فهذا هو الباطل بعينه

والدروس الخصوصية المرض الحقيقى للتعليم
فليخجل من يدافع عن سرطان الوطن