|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
27-03-2012, 04:49 PM
|
|||
|
|||
ممكن حد يساعدنى برايه
باختصار انا انسان محبط جدا بسبب اللى عملته فى نفسى اهملت فى دروسى لحد ما تقريبا المنهج كله فوق دماغى دلوقتى والمصيبة انى انا علمى ويوم ما فكر اذاكر الاقى دروس ملهاش عدد عاوز اخلصها ومفيش وقت انا فكرت من زهقى انى احول ادبى بس مش عارف هيبقى قرار صح ولا والنبى ياريت حد يقولى اعمل ايه ويريحنى بالهم اللى انا فيه يااااااااااااااااااااااااااااااارب نجحنا ووفقنا الى ما تحبه وترضاه يارب العالمين 
|
|
#2
27-03-2012, 04:55 PM
|
||||
|
||||
|
اقتباس:
أنا مش عارف أساعدك إزاى قولى عليك كام درس متأخر ف كل ماده وأنا إن شاء الله ححاول أساعدك
__________________
<( If You Can Dream It ,, You Can Do It )>
|
|
#3
27-03-2012, 05:24 PM
|
|||
|
|||
|
انآ زي حضرتگ ..
بس تقدر تچيب الـ 99٪ .. ببساطه إنگ تآخد مع مدرس مراچعة وذاگر درس بدرس گويس .. وگل شوية راچع مع نفسگ .. وحل اسئلةٰ گتير .. وخلي حياتگ ف الشهرين دول [ صلاة + نوم وأگل + مذاگره ] ابدأ من النهاردة أي مادة بتحبهآ .. وشوية شوية هتلاقي نفسگ تمام .. أستعن بالله ولآ تعچز .. ( أهم حاچة ) أبدا من دلوقتي اصصٰل خلاص شهر 4 وصٰل اههُ .. وبالتوفيقٰ =)
|
|
#4
27-03-2012, 05:44 PM
|
|||
|
|||
|
انا مش شايل هم العربى والفرنساوى والانجلش دول كلهم حفظ انما الرياضة والكميا هما اللى عاوزين شغل جامد والوقت اللى جى ميكفيش انى ازاكر رياضة وكميا والحق اخلصهم ومش عارف اعمل ايه انا مليت والله
|
|
#5
27-03-2012, 05:50 PM
|
|||
|
|||
|
يگفي ي أخي ..
بس حضرتگ توگل ع الله وخد مع مدرس ورگز معاه وأفضل حل وذاگر المادتين دول بعد الفچر مباشرةً .. وبعدين حتّى لو مش گفّى هتسيب المادة لأ حضرتگ ذاگر گويس واستعن بالله .. ولو مش لحقت يبقى نص العمى ولآ العمى گله ويمگن ربنآ يگرمگ ويجي من اللي حضرتگ ذاگرته ..
|
|
#6
27-03-2012, 06:25 PM
|
||||
|
||||
|
على فكرة انت تقدر تعمل حاجات كتير فى الشهرين دول
انا كنت زيك كده تقريبا لما كنت فى تانيه ثانوى كنت بالاخص الكيميا ما بعرفش عنها حاجه و مهمله فيها لابعد درجه يعنى لو كنت امتحنت و انا بمستواى فيها ساعتها كنت ما كملت 30 من 50 لكن الحمدالله اخدت مع مدرس كويس فى اول شهر اربعه ذاكرت معاه المنهج كله و الحمدالله جبت 48 من 50 و الدرجتين كمان نقصتهم من كتر توترى من الامتحان و القلق يعنى شهرين من التعب فى المذاكرة هيفرقوا معاك كتير و هتحس انك ضميرك مرتاح وبلاش التفكير فى انك تحول ادبى دى اصرف نظر عن الموضوع ده وابتدى بجد و ان شاء الله ربنا هيوفقك
__________________
 [G]
|
|
#7
27-03-2012, 07:50 PM
|
||||
|
||||
|
اقتباس:
__________________
|
|
#8
27-03-2012, 08:47 PM
|
|||
|
|||
|
اتمنى اساعدك بس الكلام ده حيفيدك
وهو للعضو Dr.Mohamed Taha نصيحة لطلاب الثانوية العامة شهرين = مستقبل والحدق يفهم على فكرة أقسم بالله في شهر 5 كنت بتمنى السنة ترجع تاني عشان مضيعش ثانية من المذاكرة انت معاك وقت كبييييييييييييييييييير لسه والله هتقدر تخلص بسرعة وتحفظ بسرعة انت طالب ذكي انت عقلك حلو جداً وبتفهم والله خلي عندك ثقة بنفسك خلي عندك أمل في الله خلي عندك ايمان بالله إن الله لا يضيع أجر من أحسن عملا دا اسلوب توكيد من الله وهو الذي لا يحتاج لتأكيد كلامه سبحانه فبيده كل شئ وهو خالق كل شئ بالله عليك مضيعش وقت عشان تفرح طول عمرك بدل ما تدخل حاجه انت مش عايزها وتعيش حياتك مضايق طب لو مش مصدقني أنا مضطر أقول عشان تصدقني اللي بكلمك دلوقتي ده اللي هو أنا يعني  عارفين الحكاية دي ولا لأ ؟ عموماً عمره ما تخيل نفسه انه في هندسة ولا كان عايزها أصلاً بس الحمد لله على كل حال خير وبركة لكن مازلت بتعلم طب اللي عايز يصدق يصدق براحته ... بس انا طول عمري شايف نفسي طبيب لكن ربنا أراد شئ تاني خااااااااالص وهو مجال الهندسة والحمد لله الذي هدانا لهذا وما كنا لنهتدي لولا أن هدانا الله الشاهد من كلامي : انفخ نفسك واعصر شجرة لمون على نفسك قبل ما تدوق المرار الطاااافح وفي الختام أذكرك بأن الله قال : وقال ربكم ادعوني أستجب لكم ..
|
|
#9
27-03-2012, 08:50 PM
|
|||
|
|||
|
ودى كلام من المشرف highlight
ايـــــــــــــــــــــــــه؟؟ ازيكوا؟؟ عاملين ايــــــــــــــه؟؟ كله تمام ولا مش تمام؟؟  انا عارفة ان كله قلقان من الثانوية العامة لانها هى اللى هتحدد مستقبل كل واحد و يبقى مكانته فى المجتمه و مش المجتمع والاسطوانة اللى كل شوية تسمعوها  وودانكوا اتخرمت منها و نفسكوا تولعوا فى اللى بيقولها  انا كانت اكتر حاجة تضايقنى ان ماما كانت كل شوية قومى ذاكرى...قومى افتحيلك كتاب.. والله ما انتى نافعة.. اخرتك معهد سنتين..من السرير للتليفزيون للكمبيوتر... هتشمتى الناس فينا...ربنا يحرق الكمبيوتر على التليفزيون... هو ده اللى انت فالحة فيه , النوم... واكتر كلمة كنت بسمعها.. اقفلى الزفت و قومى شوفى اللى وراكى  نفسى اعرف ايه شوفى اللى وراكى دى ومين اللى اخترعها...عايزة اشكره  ياااااااااااااااه كانت فضحانى مع المدرسين  انهاردة عيد الام.... هلم نفسى شوية المهم بقى انا قولت عشان الامتحانات قربت للاسف  ربنا معاكوا يا رب كلكوا قولت افيدكوا بشوية معلومات من راى انا اكيد كله قرب يخلص مناهج و هيبدا يراجع وكل مدرس هيحطله 80 درس يذاكره فى اليوم والمدرس اللى وراه و كده بس اول نصيحة للناس اللى بتنسى كتير  يا اما تفكك من المراجعة و تعتمد على نفسك مذاكرة و حل امتحانات وتاخد مراجعات المدرسين و تحلها مع نفسك و تسال فيها عشان المراجعات هترهقك على الفاضى و فى الاخر هتتعب و مش هتقدر تذاكر تانى  انا عن نفسى كنت بعمل كده  او تروح المراجعات لو شايف انك ممكن تقصر لو بقيت لوحدك  عشان تبعد عن ملل المذاكرة بقى شوية نصايح كنت انا بعملها و بجد ارتحت فيها 1_ اوعى تفضل طول اليوم تذاكر فى مادة واحدة ..على الاقل مادتين تلاتة .  ....... 2_كل يوم ذاكر فى مكان غير اليوم الى قبله ..يعنى انهاردة فى اوضتك بكرة فى الصالة ...عشان ميجلكش شلل ........... 3_متذاكرش لوحدك ابدا ... عشان متسرحش ومتذاكرش مع ناس كتيير عشان افكارك متتشتتش ولو مش بتعرف تركز و فى حد جنبك..زى حلاتى بردو... يبقى انت فل كده و تركيزك عالى اوى ........ 4_بعد ما تحفظ وتذاكر لازم تحل اسئلة على الى ذاكرته عشان بتثبت فى القفل اللى فوق ده....قصدى دماغك ويا سلام لو تلاقى حد يسمعلك اللى انت ذاكرته .......... 5_ذاكر المواد الى بتسترخمها فى اول اليوم وسيب المواد الى بتحبها فى الاخر عشان مش هتقربلها انا عارفة الشعب المصرى انا عارفاه  .......... 6_ اهتم بالكم والكيف  ......ايه مش فاهم ...هبسطهاااااالك يا نصة يعنى يبقى عدد ساعات مذاكرتك قليل وميقلش ولا يكتر عن 3 ساعات ولكن تكون المدة دى مركزة يعنى التركيز فيها يبقى عاااالى عشان تخلص بقى ومش تقعد طول اليوم بتذاكر فى صفحة ........... 7_وطبعا بقى لازم النية تكون موجودة ..يعنى تكون عارف انت بتذاكر ليه وعشان توصل لايه  ................ 9_ كل شوية تقوم تاكل حاجة فيها سكر و اشربلك عصير عشان تعمل ريفريش لدماغك عشان متقفش...عشان كده كله بيطلع من الثانوى 100 كيلو  فى الكلية يبقى 10 بس.............. 10_ المواعيد اللى بتذاكر فيها دى تعتمد على حالتك النفسية و انت متعود على ايه... فى ناس تقولك انا بحب اذاكر الفجر او اذاكر بليل...شوف انت مرتاح فى ايه عشان متتعبش و متلعبش فى برمجة مخك....  10_ نصيحة من ندمان....ابعد عن الشئ اللى اسمه كمبيوتر ده خالص...و ياريت لو تقطع النت عندك لو من النوع المدمن...عشان الكمبيوتر بيضعف التركيز جدااا و الذاكرة كمان للاسف لانه بياثر على المخ  ...................... 8- واهم حاجة بقى من كل دووووووول ولو معملتهاش يبقى مش نافعلك مذاكرة ولا بتاع وهى انك تلتزم بالصلاة والدعا عشان ربنا يوفقك ويباركلك  ملحوظة رفيعة... لو ماخدتش بالك من ترتيب الارقام ادخل نام احسنلك بالتوفييييييييييييييييييييق يا رب ليكوا كلكوا و تدخلوا الكلية اللى نفسكوا فيها و تفرحوا اهلكوا بيكوا و يعينكوا على الثانوية النفيخة دى و اوعى محدش يجيبلى حلاوة نجاحه استغلال بقى  تابعونى فى سلسلة نجحنى شكرا فى رعاية الله 
|
|
#10
27-03-2012, 08:56 PM
|
||||
|
||||
|
الكيميا أهم حاجة فيها الحل يعني المراجعة دي هي أهم حاجة و لو ما بدأتش من أول السنة فقدامك أهم فرصة و هي المراجعة
روح للمدرس و قوله إنك عايز تبدأ دة لو المدرس هيشجعك إنما لو مش هيشجعك روح لواحد تاني و ابدأ عنده مراجعة و يقسملك المنهج و تذاكر و تمتحن و لسة قدامنا شهرين يعني كتير الحمد لله و هما 9 فصول و حتى لو طوال بس لو قعدت علشان تخلصهم هتخلصهم و بالنسبة للرياضة أنا السنة اللي فاتت سبتها لآخر شهر بدأت أقسم يعني كل يوم أراجع على قد ما أقدر من كراسة الدرس و على كل حاجة أحل مثال واحد بس أهم حاجة التركيز و بعدها بقيت أحل امتحانات شاملة و الله كنت بحلها مع العربي في الكام يوم اللي قبله و الحمد لله جبت 50 يعني الرياضة لو اخدت كل يوم جزء صغير مع المواد التانية مش هتاخد وقت خالص بالعكس دي بتبقى ممتعة جداً و بتنشطنا للمذاكرة و كل المواد التانية برضو لو مشيت بنظام مراجعة مع المدرس أكيد هتلحق بإذن الله و كمان درجات نهائية أهم حاجة الإصرار على النجاح و الثقة بربنا و بعدها بنفسك و الدعاء مهم أوي و تأكد إن ربنا سبحانه و تعالى بيستجيب لدعائنا و كمان النية للمذاكرة و النجاح و إنك عايز بنجاحك دة تخدم دينك و بلدك دة بيخلي الواحد حاسس إن فعلاً دعاءه مستجاب و إنه بإذن الله هيحقق أهدافه و ياريت كل يوم تقرأ حتى صفحة من القرآن بس بتركيز و دايماً قبل ما تذاكر تقعد 10 دقايق تتخيل إنك حققت أهدافك و تخيل يوم النتيجة و لما تظهر و أهلك يكونوا فرحانين و كدة بس دة ما يأثرش على وقت المذاكرة بس الموضوع دة بيحفز جامد أوي آسفة على الإطالة و ربنا يوفقنا جميعاً و نجيب مجاميع عالية و ندخل الكليات اللي إحنا عايزينها .
|
|
#11
28-03-2012, 01:21 AM
|
|||
|
|||
|
اقتباس:
الارقام دى...انا مخدتش بالى منها وشكلى هقوم انام فعلا  وحلاوة النجاح محفوظه ان شاء الله ( لو نجحنا يعنى  )
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:10 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
