حكاية ومثل شعبى ونصيحة

[أ/رضا عطيه]

السلام عليكم

كيف الحال ؟

طبعا فل وعال

واللى حاله مش ولابد ربنا قادر يصلح لنا كل الأحوال

موضوعنا هو

1- حكاية
الضيف الأول يكتب لنا حكاية من الواقع وتكون قصيره على قدر الإمكان
2- مثل شعبى
الضيف الثانى تكتب لنا مثل شعبى ينطبق علي الحكاية اللى كتبها لنا اليف الأول
3- يكتب لنا نصيحة للتصرف فى هذا الموقف أو رأيه فيه وتصرفه هو لوكان فى هذا الموقف

خلونا نستمد الخبرة من بعض او حتى نجعلها بفائدة

بسم الله الرحمن الرحيم

حكاية

وأنا راجع من العمل بالأمس وجدت مشاجرة جامده بين إتنين
دخلت أخلص مابينهم ونجحت والحمد لله ولكن بعد ماالقميص إتقطع وكان حالى له العجب
فقلت لنفسى على رأى المثل ------------------------------------------------------------------فى انتظار المثل

[عاشقة الطفولة]

المثل

خيرا تعمل شرا تلقى

بس لو مثلي انا يبيقى كان مالي بدخل اقطع هدومي

جميل الموضوع ده

[.. New life recharge]

المثل مناسب جداً للموقف .. شطوره عاشقه
..

لو مكان حضرتك أكيد مش هخلص ما بنهم
عشان كدا أنا هتفرم

....
لكن لو ولد
ف أكيد هخلص وعوضي ع الله ف القميص
..
النصحيه
أكيد نقدم الخير لوجه الله حتي لو حصل لينا حاجه
.. ربنا أكيد هيعوضنا مكانه
نفعل الخير مهما كانت النتائج


مشكور أ\رضا ع التوبيك
جزاكم الله خير

[أ/رضا عطيه]

شكرا لكما وسعدت بمروركما وكلامكما الطيب

وفيه كمان مثل بيقول ( ماينوب المخلص غير تقطيع هدومه )





الحكاية

لى صديق بيعرف فى كل شىء مفيش حاجة إلا ويدخل فيها ويقوم بيها صح الصح وكأنه مهندس فى كل صنعه
وشاطر جدا فى ييجى كدا سبع صنايع
لكنه للأسف بخته وحظه مش ولابد

فى انتظار المثل والنصيحة

[نور الندى]

شكرا لموضوعك أ / رضا

المثل
سبع صنايع والبخت ضايع

[أ/رضا عطيه]

شكرا على مرورك والمشاركة الطيبة

وفى انتظار النصيحة

[.. New life recharge]

النصحيه
ممكن ..
إننا نجتهد ف كل حاجه ونعرف حاجات كتير حتي لو مش تخصصننا
ونسيب الباقي لربنا
والحظ بقدره ربنا عز وجل وأكيد خيرها ف غيرها
وربنا هيعوضنا ف حاجات تانيه
المهم تكون فيه نيه واحنا بنعمل الحاجه دي
عشان ناخد ثوابها

[مروه]

حلوه اوى فكرة الموضوع وجديده

بس انا مبعرفش فى تأليف الحكايات

هخلينى فى الأمثال