استاذ دكتور هشام ... والدى صوت الحق عذرا ان عزف الكروان اللحن الحزين

[فتى الأزهر]

بسم الله الرحمن الرحيم

بصوا يا جماعة أنا كنت ناوى انى مردش على موضوعات بعد كده وأتصفح المنتدى وخلاص علشان لو فيه حاجة مفيدة وأتفرغ للمذاكرة شوية بس نظرا لأهمية هذا الموضوع أنا هرد وأقول وجهة نظرى وياريت محدش يزعل
بس أنا هقول اللى أنا مقتنع بيه
سعيد: غلطان لأنه كان عصبى شوية فى بعض الردود لكن يأخذ له إنه مش عايز يشتت الطلبة بموضوعات خارجية ولا تمت للمنهج بصلة.
والكروان : غلطان لأن الموضوع ده شديد اللهجة شويتين وكان ممكن يكون أحسن من كده فالموضوع ده كان ممكن يكون للصلح بين الليمبى وسعيد بأسلوب أحسن من كده يا كروان
والليمبى: غلطان لأن فى بعض الردود اللى قرأتها له كان أسلوب الكلام والرد مستفز شويتين وياريت يكون أحسن من كده يا ليمبى كلنا اخوة .
وياريت محدش يسيب المنتدى إلا لو كان عايز يتفرغ للمذاكرة أكتر.

يا جماعة زى ما قال الكروان فى بداية موضوعه كلنا اخوة واجتمعنا هنا للتعلم والإستفادة
ايه لازمتها المهاترات والردود الخارجية
اللى عايز يكتب موضوع فيه حاجات خارجية عن الأحياء مفيش مشكلة بس الأهم يكون متأكد من صحتها ويكتب مصدرها وينوه فى العنوان بأنها حاجات خارج المنهج اللى عايز يدخل يستفيد حاجة جديدة أو شئ من هذا هو حر واللى مش عايز يضيع ووقت ويلتزم بالمنهج بس هو حر.

بلاش يا جماعة نضع قيود على أيدى الناس ونكمم أفواههم وبلاش الإتهامات المتبادلة دى
كل واحد فينا غلط أنا غلط وغيرى غلط ومحدش معصوم من الخطأ فبلاش نتربص لبعض ونعلق المشانق لبعض.
مش كل واحد حد رد عليه رد مش عاجبه يسيب المنتدى أو يرد عليه برد أسوأ
ليه متردش عليه برد محترم يحرجه ليه متكونش انت الأحسن

ياريت يا جماعة من هذا الموضوع نفتح صفحة جديدة مع بعض وكلنا اخوة وأصدقاء فى بيتنا الثانى منتدى الثانوية وأخص بالذكر قسم الأحياء
ياريت كلنا فى الموضوع ده نعتذر لبعض حتى لو مكنتش عملت حاجة

وأنا أول واحد

أعتذر لأى شخص كان فى المنتدى جرحته بكلمة أو رد أو حتى بتجاهل منى
أنا متأسف جدا فقد كان من غير قصد منى

[postan algana]

استهدو بالله
بقولكم ايه دي فترة امتحانات
مش عايزين توتر
المفروض نركز في المذاكره وبس
وننسا اي خلافا وننتبه لمستقبلنا
=========
ياجماعه مفيش وقت للعب العيال دوت
=========
استهدو بالله

=============
وكلنا هنا اخوات
وننسا اللي حصل
واللي فات مات

[صوت الحق]

بسم الله الرحمن الرحيم
المتحث هو صوت الحق الأب الذى يخاف على ابنائه وليس صوت الحق مدير المنتدى
ابنائى الاعزاء دقيقة واحدة هدوء وتفكير بالعقل
أولا ما يدور الان موضوعات جانبية تشتت الفكر والذهن وهذا عير مستحب الان
ان اليوم 27/5/2008 يعنى باقى شهر واحد فقط لا غير على جنى الثمار لمن زرع وانتم زرعت مجهود 11 سنه مذاكرة وجهد وجد وعرق وسهر وارهاق ونائتى فى هذه الايام نتكلم عن موضوعات فرعية لا قيمة لها نهائيا فى هذا الوقت العصيب الكل اعصابة تشد ولا يتقبل اى كلمة من شقيقة حتى ولو بحسن نيه وحتى فى المنزل الكل زهقان ومتوتر لماذا
المطلوب الان هدوء الاعصاب نهائيا والبعد كل البعد عن اى موضوعات جانبية ونتقبل اى كلمة بصدر رحب لانكم اخوه تحب بعضها البعض ولا شيء غير ذلك
من يترك المنتدى فى هذا الشهر هو الخاسر وليس المنتدى لانى المدرسين موجودين ويبذلوا كل الجهد لكم
ياريت ننسى كل هذه الموضوعات الهامشية ونفتح صفحة جديد
واتمنى من الجميع ان يحافظ على اخيه حتى فى الرد وخصوصا هذا الشهر ونشترك جميعا فى نقاشات تعليمية مفيده ومجزية
والكل يمد يد العون لكم
كلم اخطائتم لانكم تركتم لاعصابكم ان تتحكم فيكم وفى رد الفعل ولهذا انا ادعوكم الى الاتحاد والتنافس الشريف بينكم ولكى تكافؤ من سهر فى خدمتكم من المدرسين والمشرفين والعبد لله
ولهذا قررت قفل هذا الموضوع وسوف انقله كائة لم يحصل بعد مده وياريت نلتفت الى الاهم وهو المستقبل الباهر الذى ينتظركم ومكافئتى منكم
اليس لى حق عليكم واقله ان تسمعو كلامى فانتم ابنائى الذين اخاف عليهم من اى سوء
ونقراء الفاتحة ونستعذ بالله من الشيطان الرجيم ونبدأ صفحة جديدة من اليوم
الفاتحة بالهداية والتوفيق للجميع
الوالد
عصام على
صوت الحق