افيدونى عقدى سوف يفسخ باجراء تعسفى

[demotax]

[QUOTE=demotax;4311173]برجاء مساعدتى فأنا فى ورطة ومطلوب الرد بسرعة بعد إذن حضرتكم انا معلم متعاقد جديد دراسات 1/9/2011وكان جوابى اساسى على المدرسة اللى انا موجودة فيها ولى زميلة اخرى معى لكن جوابها طلع من التوجية اساسى فى المدرسة اللى انا فيها ولكن انتداب الى مدرسة اخرى وفجاة وبعد مرور 6اشهر على العقد وباجراء تعسفى تم تحويل جوابى الى انتداب وزميلتى الى اساسى ودة طبعا شغل التوجية وعندما اعترضت هددنى الموجة بفسخ عقدى لو لم انفذ امر الانتداب بدل من زميلتى بحجة انها اقدم منى فى التخرج رغم اننا عقد واحد وانا استلمت قبلها فى المدرسة ومطلوب منى الموافقة او فسخ عقدى افيدونى اشتكى ولا اعمل ايه واشتكى فين بالضبط.

[محمد حسين الشربينى]

يا حبيب قلبى مش للدرجة دى
انت خايف على أيه بالظبط
المفروض تقول عليا وعلى أعدائى
توجيه ايه يعنى
روح قدم شكوى بالادارة التعليمية وشكوى بالمديرية التعليمية و شكوى بالنيابة الادارية ضد الموجه ده وشكوى لوزير التربية والتعليم وكركب الدنيا فوق دماغه وعموماً انت موقفك أقوى بكتير جداً
عشان زملائنا اللى كشفم عن تزوير فى العقود
وده تم فى اكثر من محافظة ودى فرصة لأإخراج الفاسدين من بيننا
وتأكد طالما معك الحق فلن يضيعك الله ابداً

[elbass]

المشاركة الأصلية كتبت بواسطة محمد حسين الشربينى

يا حبيب قلبى مش للدرجة دى
انت خايف على أيه بالظبط
المفروض تقول عليا وعلى أعدائى
توجيه ايه يعنى
روح قدم شكوى بالادارة التعليمية وشكوى بالمديرية التعليمية و شكوى بالنيابة الادارية ضد الموجه ده وشكوى لوزير التربية والتعليم وكركب الدنيا فوق دماغه وعموماً انت موقفك أقوى بكتير جداً
عشان زملائنا اللى كشفم عن تزوير فى العقود
وده تم فى اكثر من محافظة ودى فرصة لأإخراج الفاسدين من بيننا
وتأكد طالما معك الحق فلن يضيعك الله ابداً

كلام سليم
مع العلم ان الموجه لا يستطيع ان يفسخ عقدك ابداً
لأنها مخالفة للقانون
ويجب عليك فوراً ان تشتكية بدون تفكير ولا تعمل له اى حساب

[demotax]

شكرا على الرد والمساعدة

[رهوفه]

شوف حضرتك انا اللى اعرفه انه طالما انت دخلت المدرسة قبلها واساسى فيها فالموجه يخبط دماغه فى الحيط لو ندب يبقى هى اللى هتخرج والمهم انك ما تسيبك حقك ولو عملت شكوى فى النيابة الادارية هتلاقيه هو بيلف حولين نفسه اصمد وخد حقك لا تخاف طالما الحق والقانون معاك وباذن الله خير

[محمد حسين الشربينى]

المشاركة الأصلية كتبت بواسطة نومنوم

اقولك تعمل اية تروح التوجية تلسعة كفين علي قفاة وقولة لو وقفت علي حواجبك متقدرش تفسخلي عقدي اوك
ع فكرة انا جايب للموجه بتاعي شهر جزا من النيابة الادارية وكان هيتحول للمحكمة التاديبية

مش للدرجة دى شكوه تعمل اكتر من أى كلام طالما انت معالك الحق
والحق أحق أن يتبع

[enas877]

انا كنت مستلمة فى اشمون تبع محافظة المنوفية وبعد شهرين انتدبت الى مركزى بركة السبع والموجه اعدنى 3ايام فى مدرسو 2ندب فى اخرى وكلهم بعيد عن القرية التى اسكن بها وانتم تعرفون المرتب كام وبعد اسبوع من ندبى الى المدرسة الاخرى بيومين افجأ بالغاء الندب والرسالى الى مدرسة اخرى اعدادى بعيدة وانا عقدى ابتدائى ويقول انتى الجديدة ويخوفنى من انى اشتكية احسن فى تقرير بيكتبة يساعد فى التثبيت حد يعرف حل يقول لى

[marwasamy]

ياجماعة انا التقارير دى صورية كلة ورق والتوجية ما يقدرش يفسخ عقد دى مش سهلة ومالوش فيها

[ايهاب90]

لا خوف اطلاقا

[elbass]

من باب العلم بالشىء انت لست عماله مؤقتة انت تعتبرعمالة مثبتة بحكم قانون 155 ولا يستطيع فسخ عقدك ابداً لان اسمك مدرج فى قواعد بيانات الوزارة وعندها علم بأنك موظف عندهم تتمتع بكامل حقوقك القانونية
بعكس العمالة المؤقتة فهى تتبع المحافظة فقط

[ahmed_khater]

ليس من حق التوجيه او حتى المديرية فسخ التعاقد
المحافظ فقط هو الى له الحق فى ذلك