لمن يجرؤ فقط

[LoOoLy El Treikawya]

ايه دا اشمعنى انتو مش بتخافو

وانا عادي مش خايفة دلوقت بس الواحد ممكن يتخض شوية

طب شوفو الحكاية دي كمان حقيقية بجد وعمري ما هنساها كنا صغيرين بردو

اليوم دا ماما جابتلنا لعبة اللي هي عدة الظابط والحرامي (الكلبشات والمسدس وسلسلة ومش فاكرة حاجات تاني) المهم انا واخواتي وعيال عمامي قررنا هنلعب عسكر وحرامية في مدخل البيت

أحمد ابن عمي هو كان الحرامي ومستخبي واحنا ندور عليه فجه في بالنا انه خرج برة البيت وطلعنا وكدا وبعدين كان فيه مدرسة حكومية جمب بيتنا لما مش لقيناه راحت سارة وادهم دخلو يشوفوه جوا جنينة المدرسة ((الكلام دة كان فى اجازة الصيف وبالليل مش بالنهار))

المهم هم شافوه من بعيد فجريو نحيته وقالوله خلاص عرفنا مكانك بس هو كان قاعد مقرفص ومخبي وشه في دراعاته كدا وهم بيكلموه مش بيرد عليهم وبعدين سارة جت تقرب منه راح ادهم زعق وقال دا مش احمد وخافو هم الاتنين وجم يحكولنا اللي حصل

اسلام اخويا قرر يروح يشوف فيه ايه فى المدرسة وادهم وسارة خافو يروحو معاه رجع قاللنا ملقتش حاجة غير شوية كركبة وجلاليب مرمية وعجل في وسط الشجر والزرع
سارة وادهم قالوا ان مكنش فيه كدا اصلا

وادهم ساعتها فضل يعيييط ويقوول اخوييييياااا ماات طلع عليه وحش وموته ويعيييط آااه ياخوياااااا انا عاوز اخويااااا ههههه المهم اسلام فضل ينادي ويقول يا احمد ارجع اللعبة اتحرقت لحد ما لقيناه نازل من البيت يقوللنا فيه ايه انا كنت باكل فوق قلناله ازاي دول شافوك فى المدرسة
احمد استهبل علينا وقال ايوة انا كنت مستخبي هناك بس ادهم وسارة قالو بس مكنش دا لبسك قاللهم لاء انا كنت هناك وغيرت رحنا قلناله طب تعالى ورينا كنت فين بالظبط

وروحنا تاني كلنا اول ما جينا ندخل كان فيه شوية نور راح طفى خفنا ورجعنا وبعدين قالوا لاء هندخل مفيهاش حاجة انا بقى مش رضيت ادخل تاني معاهم ووقفت عند الباب اشوفهم

احمد بقى مكنش عارف المكان كل ما يقول على مكان يطلع غلط لحد ما جت سارة وادهم يشاورو على المكان اللي شافوه فيه لسة هتشاور راحت لقيت عنين مبحلقالهم

وكلهم صوتو وجريو وانا شفتهم بيصوتو بس معرفش هم شافو ايه جريت معاهم ((طول عمري شجاعة))

هههههه بس وبعدين احمد اعترف انه اصلا مكنش هناك وكان يضحك علينا