ازاى تضمن كلية هندسة حتى لو مجموعك مجابهاش

[bahaaeldeen]

طبعا متقوليش انك هتقدم فى كلية خاصة لانهم هياخدوا فلوس كتييييييييير فيه حل كويس جدا بجد انك تدخل فى كلية الفنون الجميلة هتقولى طب ماهى رسم وحاجات ملهاش لازمة وكلام فاضى هقولك كلية فنون جميلة فيها قسم عمارة ودة تبع نقابة المهندسين ويعتبر احسن من هندسة عمارة نفسها لانك بتدرس نفس حاجات هندسة زائد الجانب الجمالى الفنى يعنى شغلك بيبقى احسن دة غير ان في قسم عمارة عددكوا 100 طالب بالكتير اوى وبتعرف تعمل كل حاجة وشهادتك بكالريوس هندسة عمارة يعنى نفسها يمكن احسن كمان وبالنسبة للقسم دة بياخد اقل من هندسة ووصل لحد 93 ونص تانى حل قسم الديكور ودة فيه تخصصين عمارة داخلية وفنون تعبيرية وبتدرس حاجات هندسة عمارة بجانب انك بتدرس عمارة داخلية يعنى ديكور كله ع كله زائد هندسة عمارة كمان وبالنسبة لتخصص فنون تعبيرية دة لو عايز تطلع مهندس ديكور بس واضاءة وازياء وكدة اكيد ديكور شغلها جامد جداااااااااااااا برة مصر وجواها وفى كل حتة طبعا علشان تدخل لقسم عمارة لازم تمتحن قدرات وتنجحها وعشان تدخل فنون لازم تنجح فى امتحان قدرات فنون طب وازاى وانا معرفش حاجة هقولك متخافش انت بس شاركنا فى القسم دة وهتعرف كل حاجة عن الكورس البسيط جدا وعن الكلية وعن شغلها برة دة قسم كلية الفنون الجميلة هتلاقى فيه اول مواضيع مثبتة مفيدة جداااااااااا اللينك اهو http://www.thanwya.com/vb/forumdisplay.php?f=1015 مستنيكوااااااااااا تلتحقوا بالكلية باذن الله والكورس

[eng.mahmoud zenhom]

ماتعقدش ان كلية الفنون الجميلة احسن من قسم عمارة لان قسم عمارة بتتعمق اكتر وشغل تانى غير كليه الفنون الجميلة

[bahaaeldeen]

خش على موقع ويكيبديا واكتب عمارة وشوف كل حاجة

[bahaaeldeen]

المشاركة الأصلية كتبت بواسطة eng.mahmoud zenhom

ماتعقدش ان كلية الفنون الجميلة احسن من قسم عمارة لان قسم عمارة بتتعمق اكتر وشغل تانى غير كليه الفنون الجميلة

رد على كلام حضرتك من موقع ويكيبديا

• مدة الدراسة في كلية الفنون الجميلة بقسم العمارة خمس سنوات منها سنة إعدادية لتخصص العمارة، بينما مدة الدراسة في قسم العمارة بكلية الهندسة أربعة سنوات منها سنة رابعة للتخصص في أحد الأقسام التالية : المباني العامة - الإسكان - التصميم الحضري. وأن مدة الدراسة بكلية الهندسة خمس سنوات منها سنة إعدادية عامة لجميع تخصصات كلية الهندسة ويتم بعدها اختيار التخصص بناءً على تقدير السنة الإعدادية.
• مشروع التخرج في كلية الفنون الجميلة قسم العمارة حر ويمكن عمل مشروع التخرج في أي من الشعب الثلاثة لقسم العمارة في كلية الهندسة ,بينما في كلية الهندسة مشروع التخرج محدود بشعبة واحدة من قسم العمارة سواء تصميم حضري أو إسكان أو مباني عامة.
• في كلية الفنون الجميلة تتم دراسة الفن بجانب دراسة الهندسة المعمارية أي أن كلية الفنون الجميلة تدرس العمارة من ثلاث جوانب (فني - هندسي - تطبيقي) بينما في كلية الهندسة والفنون التطبيقية تتم دراسة العمارة من جانبين (هندسي - تطبيقي).
• اللقب الوظيفي واحد للكليتين وهو : مهندس معماري والنقابة واحدة وهى : نقابة المهندسين.

[albediwy]

فكرة جمييييييييييييييييييييييييييييييييييييله