انا شايف ان مصر دى عامله زى الام اللى خلفت عيال كتير يجى عشره و ربيتهم و تعبت فيهم لحد ما كبرو و ربنا كرم كل واحد فيهم بنعمه اللى بئه غنى و اللى بئه عالم و اللى محلتوش اللضا بس يمكن احن واحد عليها و ف يوم تعبت الام و اغمى عليها ف رجعولها ولادها بسرعه كله خايف عليها طبعا بس للاسف بدل ما يشوفو فيها ايه قعدو يتخانقو اللى يقول نتصل بالاسعاف و اللى يقول نجيب دكتور و اللى يقول ننقلها المستشفى بالعربيه و اللى يقول دى زى الفل و هتقوم دلوقتى
احنا كدا او بمعنى اصح الساسه بتوعنا كدا كل واحد باصص من وجهه نظره الضئيله و ناسى مصير الشعب اللى كل يوم بيسوء و يتنيل
المهم انا رايى ان الحل الوحيد كل السياسين الحلوين بتوعنا يقعدو مع بعض بعيد عن كاميرات الفضائيات و بعدي عن اميركا و يتفقو على حاجه واحده بس مصر فوق الجميع فوق اى بنى ادم مهما كان
|
06-02-2012, 04:36 AM
العرض المتطور
