هاااااااااااام

[eng.mahmoud zenhom]

-السلام عليكم ورحمة الله وبركاته
-عاملين ايه ؟ كويسين.
-طب عاملين ايه فى المذاكرة ؟ اهى ماشية.
-طب انتوا متضايقين كده ليه ؟ يعنى انت عاوز واحد فى ثانوى يبقى عامل ازاى.
-واحد فى ثانوى ! فيها ايه يعنى الثانوية ؟ فيهــــــــا كتير.
-منا عارف ان فيها كتير بس مش كتير عليكوا صح ؟ لا مش صح.
-مش صح ليــــه؟ ليه !!! عشاااان كتير
-خد عندك يا سيدى :-
-العربى ده هم مايتلم.
-والانجليزى يعنى ماشيين فيه.
-والفيزياء كل ماجى اذاكرها انساها.
-والرياضة 2 ست فروع.
-والاحياء كبيرة اووووى.
- شفت مش كتير ازاى
-لا كتير بس انتوا لازم تتعبوا ولا انتوا عايزين تدلعوا
تدلعوا !! ماتغلطش.
-والله مادام زعلت اوى كده بتقول ان المنهج كبير ليه
والناس اللى دخلت طب وهندسة عندهم مخ وانت عندك طبق سلطة !! بص هايغلط تانى.
-طب يا سيدى مادام زعلت تانى بتقول المنهج كبير ليه
-هو مش كبير اوى يعنى
-والله دلوقتى مبقاش كبير لا هو كبير بقى
-حاجة غريبة انت لا عجبك كده ولا كده بص هو المنهج بين البينين
-ماشى يا سيدى
- المهم بقى اللى واقف قدامه حاجة من اول المنهج لحد ما انتوا واقفين يضعها هنا
وان شاء الله من اول يوم 22 هانحل كل الاسئلة اللى واقفة قدامكوا
انا عارف انى رخمت عليكوا بس كنت بفك عنكوا شوية
بالتوفيق يا شباب وآسف للآطالة

[د / الشيماء]

المنهج فعلا كتيــــــــر

بالنسبة للفيزياء هيا حلوة بس مبتخلصش وكل ما ندخل فيها تبقى اصعب من الاول خاصة المغناطيسةيا حوستى عليها

[Mechanical Flower]

انا كمان بصراحه حاسه انى محتاسه شويه في الكهربيه لكن لسه بصراحه مذاكرتهاش بضميير عشان عندى امتحانات وكده .. والرياضه كترت اوووووى فعلاً بس بصراحه ممتعه جدااااااااا خاصة الميكانيكا

[منة التلاوي]

بصراحة ربنا معانا كلنا هو كلهم مش بيتلموا بسهولة بس ان شاء الله هيتلموا هيتلموا يعني هيروحو منا فين بس فعلا شكرا كتير ع اهتمامك

[eng.mahmoud zenhom]

يلا بقى يا شباب فين الاسئلة

[د / الشيماء]

المشاركة الأصلية كتبت بواسطة eng.mahmoud zenhom

يلا بقى يا شباب فين الاسئلة

ممكن تشرحلى تحديد الاتجاهات فى المغناطيسية يتلغبط فيهم

خاصة السلك اللولبى والقوة والعزم

[eng.mahmoud zenhom]

السلام عليكم ورحمة الله وبركاته
تحديد اتجاه المجال المغناطيسى فى كلا من :- سلك مستقيم - سلك دائرى - سلك لولبى
السلك المستقيم : عن طريق وضع ابرة مغناطيسية فيدل اتجاه قطبها الشمالى على اتجاه خطوط الفيض المغناطيسى
او عن طريق قاعدة اليد اليمنى لامبير : عندما نقبض على السلك باليد اليمنى فيشير اتجاه الابهام الى اتجاه التيار اما باقى الاصابع تشير الى اتجاه خطوط الفيض المغناطيسى
السلك الدائرى : عن طريق قاعدة اليد اليمنى لامبير : عند لف اصابع اليد اليمنى فيشير اتجاه الابهام الى اتجاه التيار اما باقى الاصابع تشير الى اتجاه خطوط الفيض(مثل السلك المستقيم )
يمكن ايضا تحديده عن طريق وضع ابرة مغناطيسية ( مثل السلك المستقيم )
السلك اللولبى : عن طريق قاعدة اليد اليمنى لامبير : عندما لف اصابع اليد اليمنى فتشير الاصابع ما عدا الابهام الى اتجاه التيار اما الابهام فيشير الى اتجاه خطوط الفيض المغناطيسى

المشاركة الأصلية كتبت بواسطة الشيماء22

ممكن تشرحلى تحديد الاتجاهات فى المغناطيسية يتلغبط فيهم

خاصة السلك اللولبى والقوة والعزم

[كمال قرنى]

يا ريت ايام ثانوى ترجع تانى والله الواحد كان مدلع اخر دلع

[eng.mahmoud zenhom]

فين الاسئلة

[اسراء شعبان]

انا عايذة مسائل على قاعدة ارشميدس وبحس ان انا مش بذاكر النظرى كويس لكن المسائل كويسة جدا

[Tam top]

لوسمحتي انا عايزه اسم موقع يبقى فيه فيديوهات عن تجارب الفيزيا وشرح القواعد عملي احسن حكاية الرسم على السبوره بس مش بتخليني افهم اوي واتخيل و اعييش مع الفيزيا ... وكدا تبقي عملتي فيا خيييير اوي وشكرا ^^