تعالوا كلنا ننقل محافظة الشرقيه ونأخذ250%

[رزيق محمد]

تعالوا كلنا ننقل محافظة الشرقيه ونأخذ250% مثل الاداريين وربنا يعوض على المعلمين او حل اخر محافظ الشرقيه يمسك كل المحافظات البلد لافيها ظابط ولا رابط وكل واحد شغال بمزاجه

[metro55]

اه والله شغال بمزاجو ولا فى رقابه ولا فى اى حاجه والتزوير والرشاوى ماليه البلد

[ali14855]

بكره يتحاكم على اهدار المال العام

[metro55]

معتقدش انه ممكن يتحاكم لان الفتره دى فترة فوضه والى نفسو فى حاجه بيعملها بالاضافه لعقود المتظلمين الى كلها بالرشوه والمحسوبيه لناس مكنتش بتشتغل قبل كده واستلمو وهما مؤهلات غير تربويه من خريجى كلية الحقوق والتجاره وغيرها على امل التعيين فى الميزانيه الجديده وسلملى على خريجى كلية تربيه الى قاعدين فى الشارع

[m_salam]

فين يا عزازى حوافز المعلمين اللى بتنزل بالقطاره والا لهفهم الاداريين

[رزيق محمد]

هى مرات المحافظ اداريه ولا ايه

[توفيق رفعت عجيز]

شكلك متغاظ اوي يا صفصف ربنا يزيدك غيظ لغايه ما تطق

[رزيق محمد]

العيب مش عليهم العيب على الى مش فاهمين حاجه فى الحكومه

[metro55]

ياريت والله يتعمل مسابقه جديده للمتظلمين ويعيدو تقديم من الاول حسب احتياجات المحافظه ويبقى فى لجنه تشرف على كده منعا للتزوير كفايه بقى خراب فى التربيه والتعليم انا حاسه ان الى مش لاقيلو شغلانه بيشتغل مدرس

[*قطرة الندى*]

المشاركة الأصلية كتبت بواسطة metro55

ياريت والله يتعمل مسابقه جديده للمتظلمين ويعيدو تقديم من الاول حسب احتياجات المحافظه ويبقى فى لجنه تشرف على كده منعا للتزوير كفايه بقى خراب فى التربيه والتعليم انا حاسه ان الى مش لاقيلو شغلانه بيشتغل مدرس

هى العقود الجديده اللى اتعلمت للخريجين فى محافظه الشرقيه حقيقيه ولا يعنى الناس اشتغلت فعلا

[*قطرة الندى*]

المشاركة الأصلية كتبت بواسطة metro55

معتقدش انه ممكن يتحاكم لان الفتره دى فترة فوضه والى نفسو فى حاجه بيعملها بالاضافه لعقود المتظلمين الى كلها بالرشوه والمحسوبيه لناس مكنتش بتشتغل قبل كده واستلمو وهما مؤهلات غير تربويه من خريجى كلية الحقوق والتجاره وغيرها على امل التعيين فى الميزانيه الجديده وسلملى على خريجى كلية تربيه الى قاعدين فى الشارع

يعنى العقود الجديده بتاعه الخريجين فى محافظه الشرقيه معطوهاش لبتوع تربيه واداب وعطوهم لحقوق وتجاره ولا ايه

[metro55]

مفيش عقود جديده اتعملت السنه دى كله كلام فى الهوا لحد دلوقت لكن الى نعرفه ان عقود المتظلمين استلمو عمل بالفعل بعقد مكافأه شامله ومعظمهم مش من حقهم يتعينو ا الا من رحم ربى الى كانو اشتغلو بالفعل لكن فى ناس كتير دخلت بالكوسه والرشوه وسط المتظلمين مكنوش اشتغلو قبل كده ولا يوم فى التربيه والتعليم من خريجى الدبلونات ومؤهلات اخرى وبتوع تربيه قاعدين فى الشارع يبقى الاولويه كانت ليهم احنا لاحاقدين على المتظلمين ولا حاجه ربنا يوسع على الجميع لكن الظلم وحش انا ليا اخواتى خريجين تربيه دفعة 2008 ودفعة 2009 ومش عارفين يشتغلو وبتوع الدبلونات دفعو رشوه واشتغلوا

[*قطرة الندى*]

حسبنا الله ونعم الوكيل