"التعليم": التعاقد مع 17 ألف معلم بمحافظتى الشرقية والبحيرة

[شريف حسن .]

أكد جمال العربى، وزير التربية والتعليم، أن وزارة المالية وافقت على طلب محافظى الشرقية والبحيرة بشأن التعاقد مع 17 ألفاً و 403 معلمين فى كلتا المحافظتين لسد العجز فى وظائف التدريس بمدارسهما.

وأوضح "العربى"، فى تصريحاتٍ صحفية اليوم السبت، أن وزارة المالية وافقت على اعتماد مبلغ 7 ملايين و 680 ألف جنيه للإعلان عن شغل عدد 8 آلاف وظيفة من وظائف التدريس بمحافظة الشرقية لسد العجز بها وذلك بنظام التعاقد على بند 2/3 أجور موسميين بالباب الأول من الميزانية "الأجور وتعويضات العاملين".

وأضاف أن "المالية" وافقت اعتماد مبلغ 13 مليوناً و 540 ألفاً و 320 جنيه لصرف أجور لـ 9 آلاف و403 معلماً تم التعاقد معهم بالحصة على بند 2/3 أجور موسميين بمديرية التربية والتعليم بمحافظة البحيرة بالباب الأول "الأجور والتعويضات" بموازنة السنة المالية الحالية لسد العجز بوظائف التدريس فى مواد الرياضيات، والتربية الموسيقية ورياض الأطفال، وغيرها من المواد التى يوجد بها عجز، حرصاً على انتظام العملية التعليمية بكافة المدارس بدائرة المحافظة.

http://www3.youm7.com/News.asp?NewsI...97&IssueID=168

[mr hima]

امتي استلام العمل والعقوم هتنزل امتي

[هاله123]

السلام عليكم ورحمة الله وبركاتة
ممكن حد يعرفنى معنا الكلام دة اية
هل الكلام دة يخصنا العقد المحلى

[ايمان خالد2008]

لا اله الا انت سبحانك انى كنت من الظالمين

[شريف حسن .]

[quote=هاله123;4238345]السلام عليكم ورحمة الله وبركاتة
ممكن حد يعرفنى معنا الكلام دة اية
هل الكلام دة يخصنا العقد المحلى[/quote

معناه انه فى 8 الاف وظيفة هيعلنوا عنهم فى الشرقية

وفى البحيرة اعتماد 13 مليوناً و 540 ألفاً و 320 جنيه لصرف أجور لـ 9 آلاف و403 معلماً

من اللى شغاليين بالحصة يعنى خير ان شاء الله

شوفى حضرتك محافظة ايه وايه اللى يخصك فى الكلام ده

[sasome]

يا عم دى المدرسة اللى انا شغال فيها فى ادارة غرب الزقازيق فيها زيادة فى عدد المدرسين لدرجة ان نصاب المدرس حصتين اسبوعيا والمصيبة بيقبض فوق ال 1500 حنيه وفيه مدرسين بيقبضوا فوق 2700 وقاعدين ما بيشتغلوش قال ايه تعبوا زمان

[sasome]

اصحى وفوق يا دكتور عزازى وانزل وشوف المدارس فيها ايه

[هشام جيل]

هام جدا لقد تم الاتفاق بالامس يوم الاحد الموافق 22/1/2012 على اننا نجتمع غدا يوم الثلاثاء الموافق 24/1/2012 الساعه التاسعه 9 صباحا امام المديريه لمقابله السيد وكيل اول الوزارة محمد حسيب وعرض كل المشكلات التى قابلتنا فى المديريات التعليميه وشكرا
ادارة ثورة معلمين التعاقد

[metro55]

والله عزازى ده ناوى على خرابها والمدرسه الى انا شغال فيها برضو فيها 7 مدرسين كمبيوتر و2 اخصائى تطوير و3 فنى تشغيل لكو ان تتخيلو ان جهاز واحد بس الى شغال فى المدرسه وعمالين يقولو عجز طب ماتاخدو من المدارس الى فيها زياده وسدو العجز حتى لو كان المدرسه بعيده عن محل الاقامه ممكن يتغلبو عليه ببدل تنقل حقيقى للمدرس لكن احنا مبنفكرش وعمالين يقولو عجز عجز فين العجز المدارس كلها متكتله

[metro55]

وبعدين المحافظ كده بيزود فرص التزوير والوسطه والرشاوى والمحسوبيات وبكره العقد يتباع بدال 2000 و3000 يبقى ب8 و1000 الاف جنيه وسلملى على المحافظ عزازى

[ام اميره]

وربي انتو شعب غريب مش بيعجبكم شئ

[ام اميره]

اتمني اتوفيق للجميع واعلمو لو ليك رزق في حاجه هتاخدها وحب لاخيك كما تحب لنفسك

[القلوب النيره]

طيب وايه اخبار مدرسى الحصه بالدقهليه مفي حاجه عنهم يا استاذ شريف

[شريف حسن .]

المشاركة الأصلية كتبت بواسطة القلوب النيره

طيب وايه اخبار مدرسى الحصه بالدقهليه مفيش حاجه عنهم يا استاذ شريف

والله مش عارف حاجة غير فى موضوعات هنا بالمنتدى

بتطالب بالاعتصامات

ربنا يوفكم ان شاء الله

ولو فى جديد بأذن الله هبلغك

[ام اميره]

يا جماعه ------------------- ياريت لو حد يعرف نتي يتم تنفيذ الكلام ده يقول لينا ولا هوا كلام في الهوا وخلاص