هي دى الثورة اللى بجد

[حميد بدوى]

هى دى الثورة اللى بجد

واللى يشيل مبارك يشيل أى حد

لسه بينا وبين البلد الف حيطة سد

لحد أمتى هتفضل الدولة بتحارب الشعب

المشير زى مبارك كلهم

صورة طبق الاصل من بعض

ياترى مصر بلدنا ولا تهيأت

ولا اللى ماتوا دول ولادنا

ولا ملعون أبو اللى مات

ياترى فرض علينا نرضوا

زى ما فرضوا علينا

سنين الخوف والقهر والسكات

أمتى هيتعدل حالك يابلد

كل أما نقلبوا صفحة

نلاقوا نفسنا لسه فى اللى فات

هو أنتى بلدنا بجد ولا تهيأت

هو انتى بلدنا بجد ولا أشاعات

الشاعر
عبد الحميد بدوى