دعوه لتحويل عقود المكافاه الشامله 115 جنيه الى عقود مميزه

[mga2005]

تمام فعلا كل محافظة مرتبها مختلف عن التانية
يعني انا بردو بالمكافأة الشاملة لأني كنت منقطع ورجعت
الراتب للمؤهل العالي 180 جنيه والمؤهل المتوسط 160 جنيه الكلام ده بالنسبة لمحافظة كفر الشيخ
ياريت يا جماعة يبقي فيه حل
يعني مثلا اللي كمل المدة اللي هي 27 شهر بما فيهم المدة السابقة للانقطاع يتثبت ... واللي ما كملش المدة يتعمل له عقد لغاية ما يكمل
ياريت ده يبقي مطلبنا الأساسي والوحيد
في انتظار الردود

[eyad2009]

انتوا تحمدوا ربنا على مرتباتكم دى انا متعاقد من المنوفية 1/10/2011 ومرتبة 179 جنية بعد الخصم اصلى المرتب الاصلى فى العقد 200 جنية الحكومة لقتة كتير علينا فقالت 179 جنية احسن متفتروش

[هشام جيل]

هناك جرو ب على الفيس بوك اسمه المتعاقدون الجدد في التربية و التعليم newteachers

[ahmedmayz]

انا اعمل بالعقد في الشرقية ولم اتقاضي أي مرتب رغم انتهاء الترم ولا اعرف اي شئ عن المرتب حتي العقد الي الان لم يتم اعتماده ومش عارفه مصيرنا ايه اهو شغالين وخلاص

[القلوب النيره]

انا قرات ان التعاقد بالنسبه لمدرسى الحصة بالدقهليه اصبح سلطه بيد المحافظ يعنى لازم نقابل المحافظ ونشوف انعمل ايه ............................وعلى فكره انا مثلكم لسه مامخدش ولا مليم من اول مشتغلت فى شهر 10

[القلوب النيره]

ويا ريت بجد الى عنده اخبار جديده عن مدرسى الحصه فى الدقهليه يقولها ضرورى ..................وجزاكم الله خيرا

[عوف شاذلى]

وقفه سوهاج يوم 22 / 1 /2012 برضه مع الشرقيه

[المكاوية]

ثورة معلمى الحصص والمكافاه يوم 22/1/2012 القادم للتثبيت
اعلنت محافظة القليوبيه والشرقيه واسوان وقنا والدقهليه والقاهره وكل محافظات مصر ان شاء الله الخروج فى 22/1/2012 القادم من اجل التثبيت وليس التعاقد ولم نرجع ولم نترك اماكنا امام دوواين عام المحافظات حتى يتم اصدار قرار فورى بالتثبيت وصرف جميع مستحقاتنا لاننا شباب مصر معلمى الحصص على مستوى الجمهوريه
ومن يمتنع من معلمى الحصص من النزول فهو ليس مصرى ولا يستحق ان يصبح معلما لان هذا حقنا
لان هذا حق معلمى مصر بالتثبيت
التثبيت التثبيت التثبيت التثبيت التثبيت ولا للتعاقد المميز

[mga2005]

انا عاوز حد يرد عليه ويفهمني
مش المدرسين اللي كانوا منقطعين ورجعوا بينطبق عليهم بردو انهم بالحصة ولا ايه بالظبط
ولا انتم بتتكلموا علي ناس تانية ولا ايه
ياريت التوضيح يا جماعة بعد اذنكم

[mga2005]

المشاركة الأصلية كتبت بواسطة eyad2009

انتوا تحمدوا ربنا على مرتباتكم دى انا متعاقد من المنوفية 1/10/2011 ومرتبة 179 جنية بعد الخصم اصلى المرتب الاصلى فى العقد 200 جنية الحكومة لقتة كتير علينا فقالت 179 جنية احسن متفتروش

متعاقد ازاي من 1-10-2011
ولا انت قصدك كنت منقطع عن العمل ورجعت من 1-10-2011