|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
25-12-2011, 06:23 PM
|
|||
|
|||
لسه الفساد موجود للشاعر المصري / رشاد هويدي ( شاعر الوادي )
لسه الفساد موجود !!
للشاعر المصري / رشاد هويدي شاعر الوادي ///////////////////////////////// هو الفساد انتهى وخلاص قضينا عليه ؟! سقط النظام بصحيح ولاّ كان تمويه ؟! ******************* قلنا الحكومة السبب كانوا كلهم فاسدين واهو النظام اتقلب ليه في الفساد عايشين ؟! يبقى احنا منا السبب مش بس م التانيين !! ******************* أصل فساد النظام ما ظهرش فجأة فساد دا كبر مع الأيام كان كل يوم بيزداد !! وسكتنا ع الإجرام بقى الكلاب أسياد !! ******************* أصل احنا بإيدينا نبني تاريخ وأمجاد واحنا اللي بإيدينا يحكمنا تاني فساد !! ******************* قلنا الفساد انتهى بعد النظام ما انزاح بس الجذور كلها مادة في قلوبنا جراح ولسه ياما كتير رؤوس من الفاسدين وفسادها صعب خطير وأكتر من التانيين !! ******************* هو الفساد كان بس في حكومة ولا نظام ؟! خاين وظالم . لص وبيعشق الإجرام ؟! وكمان عديم الحس بالفقرا والأيتام ؟! ******************* لسه الفساد مو جود !! دور عليه تلقاه جوه القلوب السود اللي ناسية الله دور هتلقى كتير في معظم المجالات فيه كم رئيس ومدير وكتير من القيادات واخدين حقوق الغير بلا علم ولا شهادات بالواسطة والتزوير وشغل التلات ورقات ولا خبرة ولا تفكير وبيفهموا بالكاد !! مش يبقى برضه فساد ؟!! *********************** وموظفين ينصرفوا قبل ما يمضوا حضور !! وناس المواني يعترفوا برشوة المأمور واللي أبوه مسئول يبقى ليه تفضيل !! تقديره كان مقبول وبقى للنيابة وكيل !! والأول عليه على طول يبقى بعد الديل !! وابن الكبير مسئول لو حتى جايب ضاد !! مش يبقى برضه فساد ؟!! *********************** وأما المدرس ينام في الفصل لأجل الدروس !! ونرفع الإجرام ونطاطي ليه الرووس !! واللي يبيع البلد ببانجو ولا حشيش !! ويحرق تاريخ البلد ويضرب رجال الجيش !! يقولوا عنه أسد والناس وراه تنقاد !! مش يبقى برضه فساد ؟!! *********************** وأما بتوع إعلام يروجوا أكاذيب وحرامي يبقى إمام !! وعميل زعيم وخطيب !! وسفيه يكون قدام !! والعلم أهله بعاد !! مش يبقى برضه فساد ؟!! *********************** وأما الطبيب تلاقيه في الكشف ما بيفيد واللي بيفكر فيه إن الفزيتة تزيد !! ومقاول جميع مبانيه ما تلاقي فيها حديد !! وموظف يمد إيديه ويزور عطا ومزاد مش يبقى برضه فساد ؟!! *********************** وأما بتوع الاسعاف بيجوا بعد الموت !! وناس حقيقي نضاف ينضربوا بالشلوت !! ومسئول كبير بيخاف من كل عالي الصوت !! والناس يكونوا لطاف بس مع الأسياد !! مش يبقى برضه فساد ؟!! *********************** وأما رغيف العيش نموت عشان نلاقيه !! وغاز بلدنا ما فيش !! ولإسرائيل نهديه !! ومراقب التفتيش مكسور إيديه وعينيه !! واحنا ننام ع الخيش وكلاب تدوس سجاد !! مش يبقى برضه فساد ؟!! *********************** وأما بتوع الكورة يتقيموا بملايين !! وفي الجامعة دكتورة ظروفها زي الطين !! ورقاصة مشهورة تفتي في سياسة ودين !! وبنت تبقى فخورة عريانة وسط ولاد !! مش يبقى برضه فساد ؟!! *********************** لو جزارين يدبحوا ميتة ووقيع !! والفنادق يفتحوا لخمور وكل خليع !! وأما الشواذ ينصحوا !! ويحددوا التشريع !! ولما ناس يفرحوا في ساعة التوليع !! يقفوا كمان ويتنحوا !! لأجل اللهيب يزداد !! مش يبقى برضه فساد ؟!! *********************** وأما تلاقي اتنين بنفس الشهادات ونفس تاريخ تعيين والسن والخبرات واحد ياخد له ميتين والتاني بالألوفات !! وناس المرور نايمين والسواقين مزاجات !! وأهل البلد ناحتين وخيرها للخواجات !! ونساعد الخاينين تبقى بلدنا بلاد !! مش يبقى برضه فساد ؟!! *********************** والبياعين لما يغشوا في الموازين ومسئول بلا ذمة يسرطن لنا الطين !! واللي عشان شمة يروع الآمنين ويضيع تاريخ أمة مع عبدة الشياطين !! واللي ما يتسمى يملا القلوب أحقاد !! مش يبقى برضه فساد ؟!! *********************** ولما نقط أو نقط ويحصل كذا أو كذا !! ونفتخر بالعبط !! ونشجع احنا الأذى !! والصح يبقى غلط !! ونقلب فرحنا عزا !! ونلقى بكره سقط وحرق مصر شذى !! وأما العقول تنظبط على كيف يهود وموساد !! مش يبقى برضه فساد ؟!! *********************** لسه الفساد موجود !! جوانا ياما كتير وعشان لمصر نعود ويفضل وطنا كبير نفتح قلوبنا السود نعمل لها تطهير !! نرجع لمصر جنود ومش جنود للغير !! وبروحنا عنها نزود وندوس عميل وحقير نبقى حصون لحدود ومش أداة تدمير !! *********************** ننسى شوية الأنا ونراجع الحسابات وندوس على الشخصنة والانتصار للذات !! لسه الأمور ممكنة إوعى تقول هيهات بالحب يعلا البنا ونهزم الأزمات وتعيش كمان مصرنا فوق الأنا والذات لأنها أمنا وأم الدنيا والحضارات *********************** رشاد هويدي ( شاعر الوادي ) 
|
|
#3
26-12-2011, 04:53 PM
|
||||
|
||||
|
شكراااااااااااااااااا
__________________
وكم احتاج ان اكتب الى الله تلك هى الرسائل الوحيدة مضمونة الوصول ومضمونة الفهم ومضمونة الرد آيضا اللهم حقق احلامنا واجعل فيها الخير والسعادة يارب 
|
|
#4
27-12-2011, 05:32 AM
|
||||
|
||||
|
من خيوط الحزن نسجت لنا رائعتك هذه
فلمست أوتار قلوبنا وأثارت ما أثارت في أعماقنا ربما تكون لي عودة أخرى بتواصل يليق بمثل هذه الدرة الغالية ولكن فقط أحببت أن أشكرك لإمتاعنا إلى حد الألم دمت بود ونقاء مع عاطر التحايا وصادق الدعاء
|
|
#5
02-01-2012, 09:50 PM
|
|||
|
|||
|
أشكر الأصدقاء الأعزاء على المرور الكريم
وأسأل الله العظيم أن يجعل أقوالنا وأفعالنا خالصة لوجهه الكريم وأن ينفع بها مصرنا الحبيبة
|
|
| العلامات المرجعية |
| الكلمات الدلالية (Tags) |
| مصر, الحكومة, الفساد, النظام, رشاد هويدي |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:07 AM.
