رسائل إلى ........ من مواطن مصرى

[أ/رضا عطيه]

الإخوان المسلمون


هو انتم لابترحموا ولابتسيبوا رحمة ربنا تنزل

أفعالكم تثبت بشاير طاغية جديد

ماسر كراهيتكم لتحركات المجلس الاستشارى ؟

الواجب يقول إن أنتم الأحق بأن تكونوا فى وسط النيران المشتعلة

لوقفها فورا

لكنكم اكتفيتم بإرسال المبعوث السامى الخاص لكم د. بلتاجى

لينضم لفريق ولعها ولعها دى بلدنا وهنسرقها

وانشغل الباقى فى مواله وانتخابات رفاقه

حقكم لا اعتراض

لكن أن تحاولوا وقف تحركات غيركم لحل المشكلة

هو دا اللى ينطبق عليه فعلا

اللى اختشوا ماتو ا

إلحقوا الصناديق

وبلاش تلحقوا بلد من يملأها لكم بالتأييد !!!

وسؤالى

هو أنا لما بضع صوتى فى ورقة الانتخابات تأييد لفلان

بكدا أبقى وافقت على إنه ينوبنى فى المهرجانات والاحتفالات فى أماكنها

وساعة الكوارث والمصائب يتابعها من المكاتب المكيفه ؟!

ياسادة أنا عمرى ماقريت كل الورقة الانتخابية

ياريت حد يقراها يمكن يكون الكلام ده مكتوب فيها ولا حاجه

وتبقى نصيبه لو كان مكتوب بالحبر السرى



اتحركوا أو حتى اصمتوا واتركوا من يتحرك يتحرك

فلم ولن تملكوا البلد حتى لو كانت نسبتكم 100%

اتحركوا وردوا الجميل لسكان بلد يحترق