((((( ارحمو ا الاداريين .. رحمكم الله )))))

[versailles2006]

إرحموا الاداريين .. رحمكم الله
السادة المدرسين .. يامن حصلتم على كادر عام 2008 ولم يستفيد الاداريون منه اطلاقا .. بل وتم حرمان الاداريين من 50 % تم صرفها لكل العاملين بالمحليات من عام 2008 ولم يعترضوا .. بالنسبه لصرف 83% باقي نسبه 200% والتي تم صرفها لجميع العاملين بالمحليات .. فهي حق للاداريين .. طالبوا بتطبيق كادر محترم لكم بدل هذا الكادر الوهمي .. ومن المؤسف ان تقولو اننا جلسنا على التخته واختبرونا وانتم تعلمون علم اليقين ان امتحانات الكادر كانت وهميه وكانكم جالسين على مقهي .. وتعلمون ان هناك اكثر من 200 الف مدرس خريجي دبلومات يعملون مدرسي فصل بحجه العجز في اخطر المراحل التعليميه وهي المرحله الابتدائيه . وهم سبب رئيسى لتسرب اولادنا بعد ذلك . وهم متساوون معكم في الحقوق ..ولا تنسوا ان الاداريين منهم الموجهون الماليين ( بكالريوس تجارة ) والمحققين القانونيين ( ليسانس حقوق ) والمشرفون ( بكالريوس زراعه) لم يطالبوا بالمساواة معكم بل يحترمون عامل المدرسه طالما يعمل بضمير .. وبخصوص المكافاه هي عمل اضافي ايضا للاداريين فهم يعملون بالكنترول والمراقبه في امتحانات النقل والشهادات العامه .. حتي العمال لهم دور كبير في ذلك ونحن كاداريون نحترم العمال بل ونضعهم فوق رؤوسنا طالما يعملون بضمير .. ولا تنسوا ان الاداريون لديهم اسر واولاد يحتاجون ايضا مصاريف ودروس خصوصيه اخترعتموها انتم وتكبدون الاسر المصريه مايقارب الــ 18 مليار جنيه كفيله بان تصبح رواتبكم خياليه ..اما بالنسبه الى الـ 18 امضاء فهو قانون عمل علي الجميع وكان من قبل 22 امضاء لان عدد الاجازات لعارضة سبعه ايام على الجميع .. ارجو ان تطالبوا بالمساواه والعدل مع العاملين بالعدل والكهرباء والبترول وغيرها ..انظروا للعاملين بالشباب والرياضة والمحليات لا يذهبون للشغل اصلا ويحصلون على 200 % حوافز بل واكثر اما الاداريون فهم اخوه لكم ويعملون معكم نحت مظله وزارة واحدة .. فارحوهم رحمكم الله
منقول

[FUTURE111]

و الله العظيم كلامك معقول جدا
و في الحقيقة كل العاملين بالتربية و التعليم مظلومين سواء كان الاداريين او المعلمين و نطالب لعمل حد اقصي للاجور فهذا المطلب هو الذي سينقذ الجميع باذن الله و يتيح للدولة اموالا طائلة تستطيع من خلالها رفع رواتب موظفي الدولة و خصوصا المعلمين

[محمودقنديل]

اتفق معكم في كل كلمه ولكن لنا مطلب واحد فقط نريد الان وهو المساواة معكم فقط نعم نريد المساواة فالكاتب والفراش سوف يصرف علي الاساسي الحالي ام نحن علي اساسي العام السابق

[مصطفى جابر راشد]

كلام جيد وممتاذ

[hany himada]

استاذنا الفاضل كاتب الموضوع
من باب الامانة كان يجب عليك ان تذكر ان هذا الموضوع منقول
حيث ان هذا الموضوع موجود بمنتدى الفنيين والاداريين بتاريخ 2/12/2011 وبنفس العنوان
وكاتب الموضوع هو الاستاذ / جمال حسن
عذرا على هذة اللفتة
وتقبل تحياتى

[M..osama]

سواء هو كلامه أو كلام غيره
هذا كلام حق هذا رزق ساقه الله لهم
ثم هم من المصريين
ويقوم أغلبهم بعملهم بمنتهى الإخلاص

[mahmod1964]

العيب مش من الاداريين اللي طول النهار في الشمس العيب من وزير الغبرة الله يجحمه مكان مراح الله لايرجعه اعطي فرصه لكل من هب ودب يتكلم علي المعلمين الافاضل

[ايهاب90]

أنا معلم وبوافقك فى هذا الكلام

[د.عبدالله محمود]

مبروك للإداريين
ويبقى لنا حق المطالبة بحقوقنا
ولا تنسى أخى الكريم إنه مطلبنا قبلما ينالكم قرار الحافز الجديد
يعنى مش عناد ولا حاجة
ومرة تانية 1000000 مبروك ليكم

[أ/عبدالوهاب]

ألف مبروك للأداريين ويارب تخدوا 500% بس لازم يبقى فيه فرق بين الادارى والمعلم ؟لازم يبقى فيه تقدير لسنوات التعب والكفاح والحصول على المؤهل العالى ولا الكل يتساوى ؟لازم يبقى فيه فرق بين اللى قاعد بيشتغل على الكرسى طول اليوم وبين اللى واقف فى الفصل يتعامل مع من 50إلى 40طالب على الاقل ؟ لازم يبقى فيه فرق بين اللى عملهم فى السنه لايتعدى شهر ؟ وبين اللى بيشتغل 9شهور على الاقل ؟ مش كده ولا أيه؟

[versailles2006]

المشاركة الأصلية كتبت بواسطة أ/عبدالوهاب

ألف مبروك للأداريين ويارب تخدوا 500% بس لازم يبقى فيه فرق بين الادارى والمعلم ؟لازم يبقى فيه تقدير لسنوات التعب والكفاح والحصول على المؤهل العالى ولا الكل يتساوى ؟لازم يبقى فيه فرق بين اللى قاعد بيشتغل على الكرسى طول اليوم وبين اللى واقف فى الفصل يتعامل مع من 50إلى 40طالب على الاقل ؟ لازم يبقى فيه فرق بين اللى عملهم فى السنه لايتعدى شهر ؟ وبين اللى بيشتغل 9شهور على الاقل ؟ مش كده ولا أيه؟

لا يجب ان يكون فية اى فرق

[د.عبدالله محمود]

المشاركة الأصلية كتبت بواسطة versailles2006

لا يجب ان يكون فية اى فرق

رغم ان الموضوع مش فى دماغى والله
لكن مؤكد فيه فرق واللى يقول غير كده يبقى بيغالط نفسه
ولو تساوت المؤهلات يبقى إيه الداعى إننا نعلم أولادنا أكتر من دبلوم تجارة
أو أطالب مثلاً بمرتب الأستاذ الجامعى
مش كده ولا إيه
أوعى تقوللى مفيش فرق ههههههه
وأرجع أشرح فى شئ واضح وضوح الشمس
احنا إخوات بس ربنا خلق الناس درجات
جزيل الشكر

[عبدالله رمضان]

هل يعقل ان وكيل مدرسة يحصل على راتب شهرى 1962 وادار ى اقل منه فى الاساسى يحصل على 2285 اه يابلد

[versailles2006]

المشاركة الأصلية كتبت بواسطة عبدالله رمضان

هل يعقل ان وكيل مدرسة يحصل على راتب شهرى 1962 وادار ى اقل منه فى الاساسى يحصل على 2285 اه يابلد

ايوة طبعا لان الادارى هوا اللى بيعملة كشف المرتبات و بيجيبلة المرتب لحد عندة