الشرقيه .... اداره شرق (ضرورى )(هام)

[mmagdy_81]

السلام عليكم ورحمه الله وبركاته

اخوانى وزملائى المعلمين طبعا كلنا فرحنا و اتحركنا لتغيير

المسمى الوظيفى وتغير المرحله بعد ما زملائنا ربنا كرمهم

وقدروا يحصلوا على قرار وزارى يقضى بتغير المسمى

والمرحله

ولكن يبدوا ان هذا القرار مضايق ناس كتير قوى وخصوصا البيه

المحترم \ مدير اداره شرق (السيد نحله )(فلول الحزب الوطنى )

المهم علشان مطولش عليكم النهارده وصلت الورقه الخاصه

باجتماع مديرى المدارس (الهجص )اللى ملهاش لزمه

ده الاجتماع المقرر ليه فى نهايه كل شهر

كان فيها بند فى الفقره الاخيره بيقول انه تم الغاء القرار رقم 14

الخاص بنقل المعلمين من المرحله الابتدائيه الى المرحله

الاعداديه والثانويه ويتم الغاء نقلهم فورا والعوده الى مدارسهم فى المرحله الابتدائيه


طبعا انا مش عارف ايه مصدر الكلام ده ولا مدى صحه الغاء

القرار من عدمه انما حسيت ان كل الناس فرحانه فينا وكان مكنش من حقنا التعيين بعد عناء سنين من حرقه الاعصاب

والدم والتوتر اللى احنا عشنا فيه سنين واللى تعبهم زياده اننا

قدرنا فى فتره قصيره نعمل حاجات كتير بفضل الله تعالى


المهم طبعا الكلام ده مينطبقش على الناس اللى غيروا

مسماهم الوظيفى من (حاسب الى -مكتبات -اخصائى

اجتماعى...................الخ ) الى رجعوا تخصصهم

ويمكن القرار قسموه نصين طبقوا نصه وتجاهلوا النصف التانى


انا عارف ان القرار ده افتكاسه من الموجهين ومديرى

المدارس اللى عندهم عجز وكمان الفلول (السيد نحله )

وطبعا القرارت ده متحصلش غير فى الشرقيه الغاليه
(محافظه العجايب )

زى ان المعلم المساعد ياخد اكتر من المعلم ب100ج وهم الاتنين اساسى واحد

المهم رجاء من اى معلم محترم يعمل فى اداره شرق ووصله

نفس النشره انه يساعدنى ويقولى ايه الحل ؟

خصوصا ان مديرى المدارس مش فاهمين اى شىء وبيطبقوا

القرارت بعشوائيه دون النظر لاى مصلحه للمعلم اللى لسه بيبدا حياته

اسف على الاطاله

بس انا دمى محروق وحاسس بالظلم الشديد. ليه الناس ده عايزه تحطمنا واحنا لسه بنقول ياهادى ؟

السلام عليكم ورحمه الله وبركاته

[حازم الغزالى]

غدا الساعة الواحدة التجمع امام المديرية بالشرقية لالغاء ما ورد فى ااجتماع والغاء نشرات الندب الرجاء من الجميع المشاركة