رأيك ايه

[anah]

ابن عمى نازل على قائمة السلفين وأن خايفه أعطى صوتى علشان تشددهم مع العلم انه صالح ومعتدل ياترى لوعطيت صوتى لهم وعملوا حاجة مش يحاسبنى الله؟؟؟؟؟؟؟؟؟؟؟؟؟؟؟؟ظ

[Mr...Ahmed]

بصى يا اختى .. اولا مفيش اى حد له الحق انه يقولك تدى صوتك لمين او متديش لمين
كل ابن ادم خطاء..يعنى سواء سلفى ولا متشدد ولا متحرر ولا حتى علمانى كل دول بيغلطوا مش معنى ان السلفى يخطىء يبقى ان الاسلام اخطأ..ده مبدأ مرفوض

انا حأقولك تجربتى الشخصية ف الموضوع ده...انا قعدت وفكرت كويس جدا وشوفت تاريخ الاخوان والسلف والفلول وكله كله وتوصلت لنتيجة حلوة ان مهما كان انا اديت صوتى لمين فسيحاسبنى الله على نيتى ان كانت خيرا فخير وأن كانت شرا فشر...حضرتك بتقولى انه صالح ومعتدل فيبقى ليه منديلوش فرصة وعلى فكرة هم 4 سنين بس ..يعنى لو معجبناش السلف يبقى حنطيرهم ونجيب غيرهم فمفيش داعى للخوف وربنا يلهمك لما فيه الخير للبلد دى

[aymaan noor]

المشاركة الأصلية كتبت بواسطة anah

ابن عمى نازل على قائمة السلفين وأن خايفه أعطى صوتى علشان تشددهم مع العلم انه صالح ومعتدل ياترى لوعطيت صوتى لهم وعملوا حاجة مش يحاسبنى الله؟؟؟؟؟؟؟؟؟؟؟؟؟؟؟؟ظ

أستاذتى الفاضلة

- الله لن يحاسبك على اختيارك أيا كان ، فهذه أمور اجتهادية .
- نصيحتى لك أن وجود ابن عمك على أى قائمة أيا كانت ليست سببا فى تحديد اختيارك ،و يظل السؤال هل له رؤية أو كفاءة للعمل السياسى أم لا .
- كل ماعليك أن تقرئى برامج الأحزاب و تختارى منها ماتريه متوافقا مع ميولك واتجاهاتك .
- الديموقراطية تعنى اعطاء الفرصة لجميع الاحزاب ، فان نجح الحزب و صدق فيما وعد به الناخبين أهلا به وسهلا ، و ان لم يحقق شيئا على أرض الواقع سنغيره وننتخب غيره فى الانتخابات القادمة .
- و أخيرا أرجو التفرقة بين الأحزاب الاسلامية والاسلام ، فالاختيار يكون اختيارا سياسيا وفقا لبرامج الحزب و ليس وفقا للعقيدة . فيمكنك قراءة برنامج حزب النور ، فان نال رضاك واعجابك فلا تترددى فى اختياره.

[أ/رضا عطيه]

اختارى ماشئتى

وتأكدى أن زمن التشدد ولى زمانه ومضى

والشعب سيجبر الكل لينضم لمسار الكل

والإرادة بمشيئة الله من اليوم

هى إرادة الشعب

شكرا جزيلا

[أيمن الوزير]

ابن عمى نازل على قائمة السلفين وأن خايفه أعطى صوتى علشان تشددهم مع العلم انه صالح ومعتدل ياترى لوعطيت صوتى لهم وعملوا حاجة مش يحاسبنى

أنت تعرفين ابن عمك أكثر منا ثم بكلامك صالح ومعتدل فلماذا تحجبين صوتك عنه هل خوفا من التشدد . فأي تشدد هذا والله ليسوا متشددين ولكنها شبهات يلقيها أعداء الإسلام وللأسف بعضنا صدقهم

صوتنا بإذن الله سيكون للتيار الإسلامي سلفي أو إخوان أو وسط وسيحاسبنا الله عليه ونعم لمن ينادي بتطبيق الشريعة والحدود ولا لمن يقتنع بأن الإسلام لا يصلح لكل مكان و زمان

[maths city teacher]

بس بس بس بس
هما لا منتشددين ولا حاجه خااااااالص

[عمر العدوى]

يا ستى انتخبية اهو يبقى لكى ظهر