لا تقوللي أهلي ولا زمالك

[فكري ابراهيم]

" لا تقوللي أهلي ولا زمالك " ـ ـ ـ ـ ـ

زجل من تأليف : محمد نورالدين .


كل يوم هيصه ودوشه وكــلام وســـــــلام
وخلافات ملهـــــــــاش لازمه طــول الأيام
وشتيمة ايه بين الأصحاب وشكل وخصام
وتريــــــــــأه وكــلام فاضي علشـان أوهـام
&&& &&& &&&
الأخ مع اخـوه بتخـانق عامـــــــــــل إزعــاج
والسـت بتقـطم جوزها حـاجة إحــــــــــراج
حتى البنـات راحة تشـجع أفـــــــواج أفـواج
والأب بقه حامــــــــــل راية ومفـيش كـرباج
&&& &&& &&&
هو احـنا امته هيتغـير حالنــــــــــــا الحــالك
ونبـص بقـه للي اتكسـر كله يشــــــــــــارك
الأهلي فاز واللا اتعــادل واللا زمــــــــــــــالك
عمــر ده ما هيبـنيـلنا البلـد الهـــــــــــــــالك
&&& &&& &&&
زهقــــنا واللـه من الفـرقه ونفسي في لمة
في الدين جماعة ورا جماعة قســـموا الأمة
وفي السياسة وفي الأحـزاب جتـــهـم غمة
قسمونا حتى في الكـــــــــورة اولاد الهـرمة
&&& &&& &&&
ده شيطان وعارف ان الوحدة جوا الفسطاط
هتخـلي أمجـــــــــــــاد الأمة ترجــع أشــواط
إيدك في إيـدي تعالى نبـني بهمة ونشــــاط
ويالـله نبـدأ ببلــدنا يابـن البُـصـــــــــــــــراط !!
مع تحياتي

محمد نور الدين
مدرس أول ثانوي في مدرسة المنزلة الثانوية بنين‏

[موريكال]

المفروض اصلا يلغوا الكورة
ويخلوها كاراتيه ولا تايكوندو

[Mr. Muhammad Sobhy]

كلام جميل وكلام معقول مقدرش اقول حاجة عنه
ياريت نتفرج لكى ننخفف عن انفسنا ونبعد عن التعصب
ويلا نبنى مصر

[" محمد "]

شكرااااااااااااااااااااااااااا

[" محمد "]

.............................

[mrmrhema]

[Observer]

جزاك الله خيراً
وصل اللهم وسلم وبارك على سيدنا محمد وعلى آله وصحبه وسلم