ممكن مساعدة

[wal3a_em]

انا فى تانية ثانوى و عندى مشكلة مع الانجليزى وهو اكتر مادة خايفة منها لأنى

مش حافظة كلمات كتير فخايفة من الترجمة و الcomprehension

كمان المستر بتاعى مش بيدينى كلمات كتير انا متعقدة من الانجليزى اوى

وكنت ناقصة 5 درجات فى الانجليزى فى اولى ثانوى ممكن تقولولى

ازاى ابقى كويسة فى الانجليزى وازاى اقوى نفسى فيه علشان

اجيب درجة كويسة فى الامتحان

[Osama Saeed]

سيبى المدرس ده
وروحى لمدرس تانى يكون قوى ومتمكن ويقدر يوصلك المعلومة بسهولة
اما انك تجيبى درجة حلوة فى الانجلش
يتوقف على حاجتين
فهمك للقواعد (الجرامر) + حفظك لكلمات كتير
عشان قطعتين الفهم ساعات بيجى فيهم حاجات عجيبة
وربنا معانا كلنا ان شاء الله
واى مساعدة انا فى الخدمة ان شاء الله

[amothman123]

خصصى ساعة كل يوم قبل ما تنامى لحفظ كلمات إنجليزى عامة
لو عندك surprise
فهو عامل قاموس كلمات عامة فى الآخر
امسكى كل يوم و لو حتى نصف عمود
هايفيدك كتير
و لو في أى كلمة عايزاها اسالى فيها المدرس
هى قطع الإنجليزي بتبقى كلها فلسفة زى زيها الفرنساوى و الوثاق بتاعته
فلسفة × فلسفة
بس إن شاء الله فى الآخر بتدخلى ضمناهم بإذن الله بشوية تركيز
و المهم برضة تحفظى الشخصيات و الاماكن علشان السؤال بتاعهم لأنه بيبقى كله من برة المنهج
و هى المادة سهلة و ظريفة ماتقلقيش منها يعنى
في مواد ثانوية عامة أسوء منها بمراحل

[منه الله(منمن)]

بصى انا ضعيفه زيك بردو فيه بس تلخيصى للموضوع ان الانجليزى حفظ كلمات احفظى
كمان ممكن يجبلك حاجات عبيطه اوووى زى حروف الجر ف الفايند زا مستيك حرو جر وممكن يغلطم ف حرف فانتى احفظى الكلمات كويس مش مجرد انك تعرفى نطقها ومعناها وخلاص لا حرف حرف وترتيبه ايه لانو ممكن يجبلك حرف بدل حرف وهو دة الغلط ويطلع
عينك ف الجمله وهى حاجه عبيطه فخدى بالك كويس من الحاجات الصغيرة قبل الكبيرة ياحبيبتى

[منه الله(منمن)]

انا كنت هقولك احفظى من نفسك لوحدك يعنى بس انتى ممكن تيجى ف كذا مرة تنفضى بما انو مسترك مش هيراجعع فاحسنلك سيبيه او قوليلو لو مرضيش اتفقى مع مجرس تانى واوعى تسيبى مسترك الا لما تجربى التانى عجبك يبقى خلاص كملى معاه
واياكى ثم اياكى ثم اياكى
شوفتى كام واحده دول
تغيرى كزا مستر هيضيع كتير منك والله وعن تجربه ة

بس ع فكرة لو انتى مثلا مش فهمتى من المستر ال حتروحيلو دلوقتى ههتفهمى منو بعدين لانو بيبقى تعود ع اسلوبه وواحده واحده هتفهمى صدقينى
بالتوفيق

[wal3a_em]

شكرا ليكم يا جماعة على النصائح دى

وهاخد بيها ان شاء الله

بس المشكلة لو سبت المستر اللى باخد عنده

معرفش مستر كويس تانى اروح له

[ahmed H capo]

انتي منين طيب لو قريبه من الجيزة حقولك كذا مدرس ممتاز لو من القاهره قوليلي برضو وحسالك صحابي اللي هناك

[wal3a_em]

المشاركة الأصلية كتبت بواسطة ahmed h capo

انتي منين طيب لو قريبه من الجيزة حقولك كذا مدرس ممتاز لو من القاهره قوليلي برضو وحسالك صحابي اللي هناك

انا من القليوبية

[wal3a_em]

شكرا ليكم يا جماعة

انا الحمد لله لقيت مدرس كويس وهروح عنده