مستشـارك الأزهــــــرىّ أ / سعيد موسى

[أ/ سعيد موسى]

المشاركة الأصلية كتبت بواسطة النجدى 1980

بسم الله الرحمن الرحيم

مشكلة الاجازة الاعتيادية والفرق بين الازهر والتربية والتعليم

فى التربية والتعليم على كيفك تاخذ يومين ماشى وبعدين يومين او تاخذهم كلهم على بعض دون مشاكل

ولاخصم حوافظ ولا بتاع وكمان تخلص فى اليوم نفسة من اقرب ادارة تابعه للمدرسة

لكن تعالى للازهر لو عاوز يومين او اكتر لازم موافقة الناظر ثم القطاع ثم المنطقة التى تبعد عن 70% من المعلمين

ولو عاوز الاجازة كلة يقولك مش حتاخذ الحوافز عشان مش عارف لازم تمضى كام يوم فى الشهر وإلأ الحوافظ بح

ليه كدة

نفسنا نكون زى التربية والتعليم واخد حقوقى وعند اقرب مكان اخلص اى ورق واجزات مش اذهب اربعين كيلو ولا 60
عشان اعمل اى ورقة ممكن تخلص من القطاع

ايه رايك استاذ سعيد

يارب اصلح الحال وفق الجميع لما فيه الصالح العام

احب اوضح لك نقطه منذ حوالى 3او 4 اشهر تم الغاء موضوع خصم الحوافز وعليه اى اجازة اعتياديه
لايتم خصم الحوافز
ماتقوله فى موضوع الروتين فى الاجازة الاعتيادية اتفق معك تماما ولكن هناك مشكلة غريبة فى الازهر
فى احدى زيارات رئيس القطاع الى معهدى قلت له يجب ان يكون القطاع له نفس الدور الذى تقوم به المنطقه
فليس منطقى عندما نريد تحويل مدرس او اخذ اجازة اعتيادى لازم القطاع ثم المنطقة ومن هنا نشعر ان القطاع
ليس له دخل غير الجهد الذى يبذل فى موضوع بسيط
والله كان الرد كلامك صحيح وحاولنا اكثر من مرة مع مدير المنطقة ولكنه رفض
عارف سبب الرفض خوف المنطقة من استغلال هذه السلطه فى يد القطاع
سبب ممكن جدا يكون منطقى لانه للاسف فى التربية والتعليم يستغل المدير هذه السلطه
بابتزاز المدرسين
المشكلة الاساسية فى مصر الان غياب الضمير فى جميع المجالات