الدنيا ...وكوباية الميه !!

[الخروج من القمقم]

الدنيا .. وكوباية الميه!!



مش نفسك تبقى ملك ..؟؟

طبعا..

طيب تخيل نفسك انك بقيت ملك..
هيص يا عم..
وهنلبسك التاج كمان..



وتعالى عيش الموقف ده..

فى يوم خرج احد السلف الصالح واسمه (ابن السماك) مع هارون الرشيد (احد ملوك المسلمين) ..

المهم..

الملك عطش..

فقال لابن السماك: عايز كوباية ميه؟

ابن السماك قاله: لو منعت عنك كوباية الميه دى..تشتريها بكام؟؟

قاله : بنص الملك بتاعي!

قاله ابن السماك: طيب لو شربتها واتحبست جواك معرفتش تخرجها كبول..هتدفع كام علشان تخرجها؟؟

قاله: نص ملكى التانى!



قاله ابن السماك جملته المشهوره:

تبا ً لملك ٍ لا يساوى كوب ماء!!

قال رسول الله صلى الله عليه وسلم:

( يؤتى يوم القيامة بأنعم أهل الدنيا من الكفار فيقال اغمسوه في النار غمسة فيغمس فيها ثم يقال له أي فلان هل أصابك نعيم قط فيقول لا ما أصابني نعيم قط !
ويؤتى بأشد المؤمنين ضرا وبلاء فيقال اغمسوه غمسة في الجنة فيغمس فيها غمسة فيقال له أي فلان هل أصابك ضر قط أو بلاء فيقول ما أصابني قط ضر ولا بلاء )

حديث صحيح


انت متخيل الموقف؟؟

مجرد غمسه..يعنى ثوانى فى جهنم..عملتله غسيل مخ ..خليته ينسى كل النعيم اللى عاشه فى الدنيا..

والعكس..الفقير الغلبان اللى عاش القحط فى الدنيا..ثوانى فى الجنه ..خليته ينسى كل البؤس ده..

ما بالك باللى قاعد فى الجنه على طووووووووووووول؟؟

يبقى تصبر شوية ولأ ؟؟

اللهم ارزقنا الجنه بغير حساب ولا سابقة عذاب..
اللهم لا تجعل الدنيا اكبر همنا..
وارضنا بما قسمته لنا منها..

اللهم امين..

نقلا من منتدى احلى حياة فى طاعة الله