أخر أخبار مدرسين الحصة بأسيوط

[abu_ menna_13]

المشاركة الأصلية كتبت بواسطة nnoora

أولا أنا مش بقول حاجه من نفسى ولما بقول حاجه بكون متاكده جدا منها والمعلومات مش بجبها من فراش ومش فاضية لقول كلام وخلاص
انت بص ع العقد كويس مكتوب عقد 2/2 مش معلم مساعد اسمه عقد مميز مش اختراع وروح اسال اواسالى ف اى مكان هيقولك اننا عقد مميز مش معلم مساعد
ثانيا احنا فعلا مش لينا بالحوافز الجديد بامره الكشوف مش طالعة بالزيادة والاى هياخدوا 125% المعلمين المساعدين القدام الاى مدخلوش امتحان الكادر بسبب الدبلومه فهمت
بجيب الكلام ده منين اخواتى كلهم شغالين بالحسابات وهما الاى بيعملوا الكشوف فهمت
وياريت لما نحب نريد ع اى حد يكون رد كويس

أعتقد إن كلامك صح للأسف

المرتبات بتتعمل بدون إضافة الحوافز 125 % وبنسأل ناس في الإدارة

بتقول ان التعاقد بتاعكم تعاقد مكافأة شاملة وليس معلم مساعد

والله أعلم و أتمنى أكون على خطأ

ياريت اللي عندو معلومة أكيدة يشارك بيها

[احنافشار]

سلام عليكم
اولا يا شباب التعاقد معلم مساعد بند 2/2 انا لما نزل الكشف الى فيه اسمى كان مكتوب عليه تعاقد معلم مساعد بند2/2 ولا انا من قاره تانى
وثانيا مافيش اى فكسات مانا ليل نهار بوروح الماليات فى الاداره قالو كل المفردات واحه سواءه سبعه او تسعه
485 عالى 425 متوسط
لكن فى مشكل اكبر يا قمرات هى الى حقيقى مش اشاعه وعاوزين نطالب بيها كلنا من الان مننتظرش لحد شهر واحد عارفين اى هى انى احنا حتى الان ملناش مستقطع يعنى
لم يتم التامين عليا ولا لينا تامين صحى ولا ليك حق اشتراك نقابه ولا معاشات ولا التنظيم ولاداره بعتت تاخد اسمك علشان لما توصل سن التثبيت المفروض يبقى فى مستقطع وتتخصم الحاجات دى علشان دى هى الخطوه الصحيحه للاستقرار
اما لو محصلش فدا ليه معنى واحد انى لو متوافرش بند مالى ممكن يشردو 12 الف متعاقد فهمتو يا حلوين ولا لسه نايمين عموما انا وانتو ان شاء الله موجودين وعن حقنا مش ساكتين موافقين ولا مش موافقين

[خالد_2011]

المشاركة الأصلية كتبت بواسطة abu_ menna_13

أعتقد إن كلامك صح للأسف

المرتبات بتتعمل بدون إضافة الحوافز 125 % وبنسأل ناس في الإدارة

بتقول ان التعاقد بتاعكم تعاقد مكافأة شاملة وليس معلم مساعد

والله أعلم و أتمنى أكون على خطأ

ياريت اللي عندو معلومة أكيدة يشارك بيها

النهاردة 13 -11-2011 ولحد النهاردة سالت الموظف قالى لا معملتش حاجة كمان ال 125% لينا من شهر أكتوبر اللى قبضناه بحق قرار مجلس الوزراء

شئون مصرية > زيادات حوافز المعلمين بدءاً من أكتوبر كتب منيرفا سعد العدد 1922 - الثلاثاء الموافق - 4 اكتوبر 2011 اعتمد د.عصام شرف رئيس مجلس الوزراء قرار زيادة الحوافز لثلاث درجات مهنية للمعلمين، حيث تم رفع حافز الإثابة للمعلم المساعد من 75% إلي 125% والمعلم من 50% إلي 75% والمعلم الأول من 25% إلي 50% علي أن يتم صرف الزيادات الجديدة علي راتب أكتوبر الجاري وذلك بعد استبعاد مكافأة الامتحانات من إجمالي الحوافز التي يتقاضاها المعلمون ليصل الإجمالي مرة أخري إلي 200 يوم إلا أن الفئات الثلاث الأعلي وهي المعلم أول أ وكبير المعلمين والمعلم الخبير تعدت حوافزهم 200% بعد خصم مكافأة الامتحانات منها مما ترتب عليه عدم وضع أي زيادات جديدة لهم.