نقابة حاسبات ومعلومات للجامعات والمعاهد الخاصه ... شاركوا معنااااااااااااااااااااااا

[eng_meshmesh]

السلام عليكم ورحمة الله وبركاته

تم انشاء صفحة على الفيس بوك تحمل هذا العنوان ( إتحاد مهندسي برمجيات المعاهد الخاصة لدعم نقابة مهندسي البرمجيات (UHISE) )
الصفحه دى هتكون دعم للنقابه ال كلنا بنحلم بيها وبوجودها علشان كده عاوزين تكون الصفحه دى صفحه رسميه وعلشان تكون كده محتاجين ندخل اكبر عدد ممكن من خريجى حاسبات ومعلومات المعاهد والجامعات الخاصه وعاوزين فى اقرب وقت ممكن ان شاء الله نكون مش أقل من 10000 واحد هنقدر على كده ونكون ايد واحده بجد ولا مش عاوزين نقابه ؟! لازم كلنا نكون ايد واحده ونعمل على كده كل واحد فينا يدخل اى حد يعرفه يكون زينا خريج حاسبات ومعلومات محتاجين اكبر عدد ممكن ... يالا يا شباب عاوزين لااااااااااااااااااااايك و شييييييييييييييييييير للصفحه جاااااااااااااااااااااامد محتاجين مساعدتكم وتدعمكم

وده اللينك بتاع الصفحة

http://www.facebook.com/UHISE



Heba Allah




نتمنى من إدارة المنتدى تثبيت الموضوع لو أمكن

[Eng.Ahmed Hagag]

إنت مدام معادل ومعتمد يبقى زي الحكومي يبقى لو عايزة تطلبي حاجة يبقى الخاص والحكومي مع بعض ليه الخاص بس يعني .
وبالنسبة لموضوع النقابة حاسبات منضما لنقابة العلميين ده اللي اعرفه وإن بقى ليها نقابة مع كلية العلوم .

[eng_meshmesh]

المشاركة الأصلية كتبت بواسطة Eng.Ahmed Hagag

إنت مدام معادل ومعتمد يبقى زي الحكومي يبقى لو عايزة تطلبي حاجة يبقى الخاص والحكومي مع بعض ليه الخاص بس يعني .
وبالنسبة لموضوع النقابة حاسبات منضما لنقابة العلميين ده اللي اعرفه وإن بقى ليها نقابة مع كلية العلوم .

احنا فعلا الشهادة بتاعتنا معادله من المجلس الاعلى للجامعات و حاصلين على بكلوريوس حاسبات ومعلومات شعبة علوم الحاسب معادل لاى بكالوريوس حاسبات ومعلومات بتمنحه اى جامعه مصرية
وبالتالى مفيش فرق بينا وبين الحكومى
ولكن كلية الحاسبات والمعلومات من اول انشائها وهى فعلا مكنش لها نقابه وكانوا فعلا بيقولوا انها منضمه لنقابة العلميين ال هى النقابه التابعه لكلية العلوم
لكن من 2004 وفى جمعية انشات باسم ( الجمعية المصريه لمهندسى البرمجيات ) والجمعية دى هى ان شاء الله هتتحول لنقابه لحاسبات ومعلومات ولكن طول ما هى لسه جمعيه فاللأسف مش من حق الخاص حتى ولو كان شهادته معادله انه ينضمن ليها لان هم قوانينهم ال حاطواها كده ولكن عند انشاء النقابه هيكون ده من حقنا ولغايه ما يتم ذلك فهيكون فيه فرق ولكن احنا حبينا يكون لينا مشاركه فى النقابه ونكون داعم ليها من اى حد متخرج من حاسبات ومعلومات خاص ولذلك قررنا انشاء هذه الصفحه
وسبب تأخير اعلان نقابه حاسبات ومعلومات على الرغم انها بالفعل تكاد تكون موجوده هو انتخاب مجلس الشعب لان لازم مجلس الشعب يصدق على انشاء هى النقابه ...
واحنا فى الانتظار

[عاشق رسول الله 3]

يا حبيبي الموضوع ده قرره فيه انها تبقاء تبع نقابة العلمين حتي في باند في النقابة انها نقابة علمية وتكنلوجيا

ونقشه قبل كده حكاية النقابة دي وجت بالرفض وكمان دول اجنبيه كثير رفضتها لانه مجال علمي لا اكثر

[eng_meshmesh]

المشاركة الأصلية كتبت بواسطة عاشق رسول الله 3

يا حبيبي الموضوع ده قرره فيه انها تبقاء تبع نقابة العلمين حتي في باند في النقابة انها نقابة علمية وتكنلوجيا

ونقشه قبل كده حكاية النقابة دي وجت بالرفض وكمان دول اجنبيه كثير رفضتها لانه مجال علمي لا اكثر

هى فعلا فى الاول كانت تبع نقابة العلميين لان عدد الخريجين منها مكنش بالعدد ال يخليهم ينشئوا نقابه لكن حاليا فعلا هم عملوا النقابه بالفعل والاوراق الخاصه بانشائها موجوده لكن ال مأخرها هو موضوع مجلس الشعب لانه لازم يصدق على انشائها وان شاء الله هتتعمل فى اقرب وقت

[محمد عمرو ابوالحسن]

الله يطمن قلبك يا باشمهندس مشمش بس انا مش فاهم برضو النقابة دى لما يعملوها هنبقى مهندسين برمجة و لا مبرمجين زى ما احنا ؟؟!!
انا قاهرة مش خاص بس كنت عاوز اعرف النقابة دى هتخلى اسمنا ايه ؟؟؟؟؟

[eng_meshmesh]

المشاركة الأصلية كتبت بواسطة محمد عمرو ابوالحسن

الله يطمن قلبك يا باشمهندس مشمش بس انا مش فاهم برضو النقابة دى لما يعملوها هنبقى مهندسين برمجة و لا مبرمجين زى ما احنا ؟؟!!
انا قاهرة مش خاص بس كنت عاوز اعرف النقابة دى هتخلى اسمنا ايه ؟؟؟؟؟

المفروض ان اللقب ال حضرتك هتحصل عليه ان شاء الله هو ( مهندس برمجيات _ Software Engineer )

[Eng.Ahmed Hagag]

يا جماعة مفيش حاجة اسمها مهندس برمجيات متحطش امل على حاجة مش هتحصل ومفيش حاجة اسمها هيضموها لنقابة وخلاص ده لوايح وقوانين وإلى كان زمانكم من غير نقابة خالص زي زمااان .
وبعدين المسمى الوظيفي مبرمج أو مطور مش مهندس برمجيات يعني إنت بتكون عالم حاسب مش مهندس حاسب لان فيه قسم في هندسة اسمه هندسة حاسب هو ده المهندس وموضوع الجمعية ده أي حد ممكن يعمل جمعية إنما ديه لا تعتبر نقابة وكلام مالووش لازمة دلوقتي المفروض خرجين حاسبات معهد خاص أو جامعة خاصة ينضموا لنقابة العلميين وملهمش دعوة بشغل الجمعيات ده و ميحتوش امل على حاجة مش هتحصل .