رسالة مهمة من معلم ( دروس خصوصية ) للوزير وولي الامر و الحكومة

[العقبى1010]

المشاركة الأصلية كتبت بواسطة دبدوب زهران

قلت ذلك فى بحث الترقية الى موجه قلت ممكن نرفع مرتب المعلم من غير ما نكلف الدولة ميزانية اضافية
- لماذا يقوم بتعليم الكبار مجموعة من العقداء والعمداء مسرحون من الجيش وكل واحد منهم مقرر له سائق
وسيارة وسكرتيرة ومكافاة شهرية 1500 جنيه وله معاش 2500 جنيه
- نفس مايحدث فى تعليم الكبار كان يحدث فى مراكز تدريب التطوير التكنولوجى حيث الاستعانة بالعسكريين
- ما الحاجة لالاف المستشارين وكل من كان يحال للمعاش يدور له على واسطة للعمل مستشار
- ليه الكنترول مايكونش موظفين دائمين بدل الكوسة ومبالغ 30000 للقدامى غير ما ينهب من صغار المنتدبين
للكنترول ولو اعترض لن ينتدب العام القادم
- لجنة الادارة يسجل عليها جميع زوجات الضباط وكل واحدة تقبض 10000 جنيه من غير ما تعرف مكان لجنة الادارة فين
- ليه كل مديرية تدفع 900000 جنيه لمدير الامن مقابل حراسة لجان الثانوية العامة اليس ذلك من صميم عملهم
- ليه المحافظ بيقبض 500 جنيه عن زيارته لكل مدرسة يزورها ايام الثانوية العامة
- ليه الوزارة تتعاقد على اجهزة كمبيوتر لالاف المدارس سعر الجهاز 5000 جنيه لان اولاد الاكابر هما اللى واخدين
توكيلات
- ليه الوزارة ترسل للمدارس بعض الاجهزة الخشبية كوسائل تعليمية باسعار خيالية
- ليه المدرسة بتكون جديدة ومسلمة من خمس سنوات ونلاقى مقاول طب على المدرسة وبيشيل البلاط الجديد
ويهد دورات المياه الجديدة ويغير كل دورات المياه والحاجة اللى تتكلف 100000 تتعمل بمليون
- ليه نكلف الكتب 800 مليون كل سنة وما فيش طالب بيفتحها هو احنا اغنى من امريكا الكتاب المدرسى مقوى
وورق مصقول ويستلم من الطالب كما استلمه ويسلم للطالب القادم واذا اتلفه يخصم منه ثمنه
- لما منعوا التعيين والعجز فى المدرسين 270000 ووجد السيد الوزير اللى عارف ربنا الحالى 200000 درجة خالية
فى الوزارة حد يقول فلوس الدرجات دى كانت بتروح فين ؟
والخلاصة ماحدش يقول ح نجيب لكم منين لاننا مش عايزين الا هذه الاموال المنهوبة تعود للمدرس وبعدها نقول
اللى ح يدى درس خصوصى يفصل وان اعطى درس وهو مفصول يسجن لممارسة المهنة بدون ترخيص مثل الاطباء والمحاميين وكل من يعطى درس من خارج المدرسين يسجن فورا فى الحالة دى لن يكون امام الطالب
الا المدرسة سيلتزم ولن يتطاول على استاذه لان مافيش بديل له
-

كل ليه من هذه الأسئلة إجابتها بسيطة جدا
مصدر من مصادر السرقة
وأعتقد مفيش حرامى بيضحى بمصادر رزقه بسهولة