انتوا فين يادكاترة ايه الاخبار

[dr\shimaa]

ايه رايكوا في المواد وايه اصعبها

[Dr\memo]

ازيكوا يا دكاترة يارب تكونوا اتبسطوا من الكلية من اول اسبوع

وان شاء الله تتبسطوا اكتر واكتر مع مرور الايام،

بصوا ا دكاترة زى متعوتوا منى انا هقولكوا شوية نصايح على الطاير يارب تستفيدوا منها،

اولا: حكاية ان الدراسة انجلش وكمان حكاية اننا حاسين اننا مش فاهمين اوى كل ده عادى جدااااااااااااااااا وده شىء طبيعى وده مش كلامى لوحدى ده كلام المعيدين والدكاترة كمان بس مهم جدا ان العملية دى متستمرش كتير يعنى اخرها اسبوعين تلاتة بالكتير اوى اكتر من كده يبقى اكيد فى حاجة غلط فخدوا بالكم يا جماعة من الحكاية دى كويس اوى،


ثانيا:اوعوا يا جماعة تقفلوا على نفسكوا وتقضوها مذاكرة اربعة وعشرين ساعة دى اكبر غلطة ومش معنى كده اننا بقولكوا متذكروش لا بالعكس لازم تذاكروا وباستمرار كمان بس لازم كمان تتعرفوا على اصحاب جداد وتمارسوا انشطتكم اللى بتحبوها عادى جدا يعنى وقت الجد جد ووقت التهريج تهريج.

ثالثا:يارب تعجبكوا الكلية وتقضوا فيها احلى اوقات حياتكم وتفضل الايام دى ذكرى جميلة عندكوا طول عمركم، سا عتها هتعرفوا حكمة ربنا انه حطكم فى المكان ده وانه فعلا اختارلكم الافضل من البداية، واى مشكلة بتواجهكوا فى الكلية او بتعانوا منها يا ريت تقولوها ونتناقش فيها وان اء الله هنحلها وانا تحت امركم فى اى حاجة ومتأسف للتاخر فى الرد.