أعداد طلبة كليات القمة

[azoz9]

اخوتي الكرام ..... كل عام وأنتم بخير ومبارك عليكم شهر رمضان اسأل الله أن يتقبل منا ومنكم صالح الأعمال
هل أجد عندكم أعداد الطلبة والطالبات الذين تم قبولهم بكليات القمة لجامعة الأزهر العام الماضي أقصد بكليات القمة
كليات الطب بنين بجميع الفروع (القاهرة - دمياط - أسيوط) --- كليات الصيدلة -- كليات طب الأسنان - كليات الهندسة
كليات الطب للبنات ( الطب عام - طب الأسنان - الصيدلة ) كلية الهندسة بنات
فأرجو من لديه أي معلومة بخصوص هذا الموضوع أن يتكرم بها علينا وله دعوة بظهر الغيب
بارك الله لي ولكم في شهر رمضان وجعلنا جميعا من المغفور لهم في هذا الشهر الفضيل أمين
السلام عليكم ورحمة الله وبركاته

[chesser]

انا معرفش بصراحة غير كلية طب بنين دمياط بتاخد حسب السنين اللى فاتت دفعة عددها لا يزيد عن 100 طالب
وسمعت كلام السنة دى انهم ناويين يزودوا العدد الى 150 (وهيزودوا برضه اعداد المقبولين فى طب بنين القاهرة )
بس الله اعلم مفيش حاجة اكيد مالم تظهر على ارض الواقع او يصرح بها مصدر مسؤل ( وده طبعا اشبه بالحلم )

[مححمود555]

انا سألت واحد فى هندسة القاهرة قال لى ان دفعة هندسة القاهرة بتاخد من 800 الى 1000 طالب كل سنة

[هاوى إبداع]

المشاركة الأصلية كتبت بواسطة chesser

انا معرفش بصراحة غير كلية طب بنين دمياط بتاخد حسب السنين اللى فاتت دفعة عددها لا يزيد عن 100 طالب
وسمعت كلام السنة دى انهم ناويين يزودوا العدد الى 150 (وهيزودوا برضه اعداد المقبولين فى طب بنين القاهرة )
بس الله اعلم مفيش حاجة اكيد مالم تظهر على ارض الواقع او يصرح بها مصدر مسؤل ( وده طبعا اشبه بالحلم )

واللي ممكن يأكد الكلام دا

ان الامتحانات بتاعت الدفعه اللي قبلنا

كانت جايه سهله وكله جايب تقدريات وقليل جدا اللي شال مواد

ف ممكن يزودوا الاعداد

والله الموفق

[سندريلا 4444]

ادعولي ارجوكم وانتوا صايمين كدة

[مححمود555]

المشاركة الأصلية كتبت بواسطة سندريلا 4444

ادعولي ارجوكم وانتوا صايمين كدة

يارب وفقنى ووفقها ووفق الجمـــــــــــــــــــــيع

[chesser]

ليه الكسل ده يا جماعة ولا محدش عارف اعداد الطلاب بكل كلية

[الطالب محمد البكرى]

يا جماعة حد يجبلنا الاعداد اللى هتاخد السنة دى فى كليات القمة ارجو الرد السريع

[badramr]

ياخوانا ان شاء الله طب القاهرة بياخد مابين 450الى 500 طالب اما طب اسيوط بياخد مابين 100الى 150 طالب وكذلك طب دمياط نفس العدد اى ان عدد طلبة الطب مابين 700الى 750 هذا هو الذى اعرفه واللى يعرف حاجه يقول

[مححمود555]

طب القاهرة 450 ، طب أسيوط 75 ، طب دمياط 75 ، طب اسنان القاهرة 350 ، طب اسنان 75
صيدلة القاهرة 400 ، صيدلة سيوط 100
هندسة القاهرة 800-1000 ، هندسة قنـــــــــــــــــا 300

والله أعلــــــــــــــــــم

[himo2011]

يا جماعة بلاش تخوفونى بقة انا ترتيبى ال4000 ونفسى ادخل علوم فى اى حتة جايب 89.5 يا ترى الحقها ويا جماعة مفيش حاجة اسمها كلية قمة انا بعتبر ان علوم هيا ام الققم لو هتقولوا قمة بس مش فى مصر فى دول اوربا بس احنا اللى جاهلين شوية كلوا يقوا لازم اطلع دكتور او مهندس وتسالة بتحب الطب او الهندسة يقول لا علشان بس انا جايب المجموع واسمى هيبقى دكتور وتلاقية بيحب حاجة تانية خالص
انا كان ممكن ادخل هندسة بفلوس وقاعدين يتحايلوا عليا علشان وانا بقول لا علشان انا حابب علوم كلية العباقرة هههههههه
ولو انا غلط حد يقول كدة

[amiramahmoud]

أنا معاك ان كلية علوم هى القمة ودراستها اصعب واناكان حلم عمرى ا نى ادخلها وابقى رائدة فضاء بس نظرة الناس تختلف وماينفعش اننا نتجاهل رايهم
وعلى العموم القدر اختارنى وان شاء الله هدخل كلية الطب

[احمد235]

فعلا عندك حق كليه علوم صعبه جدا اصعب من اى كليه حتى لو كانت طب
على كل حال نرجوا من الله التوفيق لكل المسلمين اجمعين

[himo2011]

اية يا جماعة محدش لسة عرف الاعداد

[الطبيب المداوى]

ياريت ياجماعه اللى مايعرفشى ميتكلمشى بكلامكم ده انا ممكن ملحقشى طب بشرى مع ان انا جايب 628