بلطجة المعلمين فى ميدان التحرير

[amrmohamad]

قام بعض المعلمين المعتصمين بالأعتداء على أحد السيارات حاولت دخول شارع مجلس الوزراء بشكل مهين لا يتناسب مع قيمة المعلم ولا رسالته السامية فى المجتمع وكأنهم بلطجية أو قطاع طرق لذلك ارجو من المعلمين المعتصمين ان يعبروا عن ارائهم بصورة حضارية
http://www.youm7.com/News.asp?NewsID=499247

[marwasamy]

لا تعليق ماهو دة اللى حيصل خلوا المدرسين يتبسطوا

[marsho]

المشاركة الأصلية كتبت بواسطة marwasamy

لا تعليق ماهو دة اللى حيصل خلوا المدرسين يتبسطوا

معلش انا اسف بس اللى مش عارف حاجة يقول عتس ولا اية يا استاذة اولا الراجل دة بالعافية يعنى هو اللى بلطج ثانيا بالعقل هم المدرسين شالوا العربية ودخلوها المظاهرات ثالثا يعنى السواق اعمى مش شايف كمية الناس اللى وقفة ولا هو هيدخل بالعفية


اخيرا خلى رايك لنفسك وبلاش كلام كتير لانك انتى واللى زيك هما الللى هيجيبوا التعليم ورا مبتحبوش نهوض التعليم


وكمان ياريت لو فى دم ابقى خدى الزيادة اللى هتزيدلك بسببنا لان ربنا ان شاء الله جعلنا سبب لكدة ابقى حطيها فى اى جامع لانها زى ما بتقولى حرام اصل احنا انتهازيين وكلمة حرام مش لازم تقوليها المهم احنا حسينها من كلامك

[ابراهيم فايز]

أنا كنت فى الاعتصام أمس ولم يحدث ذلك بل على العكس كان منا من ينظم حركة المرور فى شارع القصر العينى والله على ما اقول شهيد وبلاش حد يكتب معلومات خاطئة ارجوكم ارحمونا من الاشاعات بالله عليكم

[الأستاذ حمدي]

آن الأوان أن تستمع الناس عن الله وعن رسوله صلى الله عليه وسلم.
الإسلام لا يعرف المظاهرات أو الإضرابات أو الاعتصامات.
بل إن كل ذلك من وسائل الديمقراطية المنافية لشرع الله.
السؤال هو: لو كان في المظاهرات مصلحة -مع قدرتهم على فعلها- لفعلها الرسول صلى الله عليه وسلم وصحابته الكرام، فلما لم تُفعل علم أن فعلها بدعة والترك هو السنة.
آن الآوان لشيوخ الضلالة الدعاة على أبواب جهنم أن يجلسوا في بيوتهم ولا يلقوا بالناس إلى النار.

[لوجين20]

ياريت الشباب اللى كان فى الاعتصام ينزل تكذيب عشان بس الشماته وسوء الظن

[عصام الفنان]

يا سيدنا الشيخ حمدى يا ريت تسيب التعليم اللى انت واخده سبوبة وتروح تشوفلك زاوية تبث فيها افكارك اللى مش ولا بد لأن التعليم برئ منك ومن امثالك من اصحاب الذقون الليف انت والأخوان سواءا بسواء

[مصروى عنيد]

انا سمعت الكلام دا واتكسفت قوى بس الله اعلم بالحقيقة

[semsemsema]

كل اللى معترضين على الاعتصام والاضراب وعاملين قلبهم على البلد
اول مالزيادة بتيجى هم اول ناس بيحطوها فى جيوبهم ومقاضيينها دروس وفى الاخر قال ايه قلبهم على البلد

[محمد حسين الشربينى]

المشاركة الأصلية كتبت بواسطة amrmohamad

قام بعض المعلمين المعتصمين بالأعتداء على أحد السيارات حاولت دخول شارع مجلس الوزراء بشكل مهين لا يتناسب مع قيمة المعلم ولا رسالته السامية فى المجتمع وكأنهم بلطجية أو قطاع طرق لذلك ارجو من المعلمين المعتصمين ان يعبروا عن ارائهم بصورة حضارية
http://www.youm7.com/News.asp?NewsID=499247

المشاركة الأصلية كتبت بواسطة marwasamy

لا تعليق ماهو دة اللى حيصل خلوا المدرسين يتبسطوا

http://www.thanwya.com/vb/showthread.php?t=374433
تقريرى وقد كنت حاضر بالفعل مش متابع عن طريق النت والاعلام المشوه
و هذا لم يحدث والموضوع مجرد فبركه حتى يستفيد منه أعداء التعليم والمعلمين
ولمن لم يذهب فقد كان هناك عدد كبير من اولياء الامور دعماً للمعلمين ومعهم مكبرات الصوت تدعيماً لنا رغم ان منا(المعلمين) من يحاولون اجهاض مسيرتنا

بسم الله الرحمن الرحيم

تقرير عن مليونية المعلمين يوم 24سبتمبر 2011

فى البداية سافرت من المنصورة الى القاهرة متأخراً حوالى الساعة 10 وربع فكانت مسيرة المعلمين قد تحركت من رمسيس بالفعل وعلمت من اصدقائى انها كانت مسيرة حاشدة فكالعادة لم يتم أغلاق الطريق رغم السير لمسافة طويلة حوالى 2200 متر تقريباً

وعندما وصلت متاخراً نزلت من محطة رمسيس الى محطة المترو ونزلت فى محطة التحرير

وهناك فابلت مسيرة المعلمين وكان عدد السائرين يفوق ال 40 الف وفى نفسش الوقت تقريباً جائت المسيرة الأخرى القادمة من أمام نقابة المعلمين بالجزيرة

وسرنا معاً فى صفوف ولم نقطع الشارع كالعادة وانضم الينا العديد من ممثلى الاحزاب وممثلى أتلاف شباب ثورة25 يناير المباركة , وعموماً كنا واقفين فى شارع منصة كبيرة بسماعات ساوند كبيرة فى تقاطع شارعى القصر العينى وشارع رئاسة الوزراء , الجيش أغلق شارع القصر العينى لكثرة عدد المعلمين الى درجة كبيرة جداً مما جعلهم يخافو من الاحتكاكات بين المعلمين وسائقى السيارات وتحويل الطريق الى مسار أخر , و أيضاً كان هناك منصة أخرى موجودة أمام البوابة الرئيسية لرئاسة الوزراء المصرية ,

وفى حوالى الساعة 12 أذن لصلاة الظهر بتوقيت القاهرة و قمنا بتأدية صلاة الظهر والعصر جمعاً وقصراً وكان عددنا فى هذا الوقت تخطى ال100 ألف على أقل تقدير ,

وفور انتهاء الصلاة رددنا هتافات تطالب بإسقاط وزير التربية والتعليم أحمد جمال الدين موسى فهو من الفلول
ورفعنا لافتات تعبر عن مطالبنا المتمثلة فى اقالة وزير امانة السياسات و مستشارية وتطهير الوزارة من الفلول و فصل حافز الـ200% عن الكادر، وحد أدنى وحد أقصى للأجور، وأجر عادل وإنسانى للمعلمين، وتجريم الدروس الخصوصية و وزيادة المكافأة السنوية الى 500 يوم أسوة بالجامعات، وألا تقل مكافأة نهاية الخدمة عن 120 شهرا ورفع قيمة المعاش التأمينى، ومنح معلمى المدارس الخاصة كل امتيازات المعلمين بالمدارس الحكومية....

وفى حوالى الواحدة خرج علينا ظابط بالجيش برتبة كبيرة لا تراها الا قليلاً و قال ان رئيس الوزراء عصام شرف يريد 5 معلمين للتفاوض معهم و هذا ما رفضناه لاننا نعلم أنهم أما مأجورين و أما انهم لن يعودوا وسيتم اعتقالهم , و بعدها دخل وبعد حوالى ربع ساعة خرج رجل مسئول رفيع برئاسة الوزراء وطلب مننا 5 يصعدون لعرض المطالب ولكننا أصررنا لأنهم يعرفون مطالبنا فهى واضحة مثل الشمس ولا ينكر حقنا فيها أحد الا المستفيدين من اهدار كرامة المعلم واهدار قيمة ومكانة التعليم فى مصر ولا لايريدون لمصر التقدم فى أى شيء . ولكننا رفضنا مرة اخرى , وفى حوالى الساعة الثانية جاء الاستاذ جورج اسحاق احد مؤسسى حركة كفاية يريد التوسط بيننا وبين رئيس الوزراء و لم نرضى به لكنه صعد عندما عاد بعد حوالى نصف ساعة قال ان رئيس الوزراء استجاب ل 75% من مطالب المعلمين ويطلب 5 للتفاوض ,,, وفى النهاية لم نرضى بكلامه فعاد بخفى حنين الى بيته ,,, و بعدها خرج علينا مسئول كبير بالداخلية ومعه مسئول كبير بالجيش يريدون التحاور معنا وهو ما رفضنا لانهم يعلمون مطالبنا وفى النهاية قال ان الوزارة ستعقد اما مؤتمراً صحفياً أو مقابلة مع عصام شرف امام الاعلام

وقد حضر عدد كبير من قنوات الاعلام والتليفزيون

واتفقنا على تعليق الاعتصام والذهاب للأضراب بالمدارس بعد الاستجابة الضئيلة جداً وهى اخراج المكافئة من ال200% و أعطينا الحكومة مهلة لتنفيذ مطالبنا المشروعة واعادلة .



من هتافاتنا يوم 24 سبتمبر

انزل يا عصام استاذك واقف تحت

مسرحية مسرحية والعصابة هيه هيه

ارحل يعنى إمشى يالى مبتفهمشى

طول ما فيه تعتيم لا دراسة ولا تعليم

بص تحت و بص فوق يا معلم اصحى وفوق

اسمع منى أخر كلام لا ابتدائية ولا اعدادية ولا ثانوية هذا العام
اسمع منى اخر تصريح لا امتحانات ولا تصحيح
يا عزيزى ويا عزيزى ......... المشير ده كان تلميذى
يا عزيزى يا عزيزى ............ الوزير ده كان تلميذى
بسم الله الملك الحـــــــــق … جينا نقول للباطـــــــل لاء
علىّ وعلىّ وعلىّ الصوت … صاحب الحق مش بيموت
شد حيلــــــــك يا معلــــــم … دافع دافع واوعى تسلــــم
قوم يا معلم صح النــــــوم …احنا بقينا أخر القـــــــــوم
قوم يامعلم ساكــــت ليـــة … عاجبـــك حالك ولا ايـــــة
لا دهــــــــــب ولا مــــاس … المعلـــــــم ما بينـــــداس
ارحــــل احــــل يا وزيـــر … المعلــــــم فى التحريــــــر
ارحــــل احــــل يا وزيــــر … التعليـــــم عايز ضميـــــر
ارحــــل احـــل يا وزيــــر … المعلــــــم مش اجيـــــــــر
يا مشيــــــر يا مشيـــــــر … يسقــــط يسقــط الوزيـــر
يا جمــــال يا مغــــــــرور … بكــرة جاى عليــــك الدور
يا وزيــــر السياســــــات … المعلــــــــم هنا مــــــــات
يا وزيــــر صح النــــــوم … النهــــــاردة أخـــــــر يوم
يا وزيــــــــر يا وزيـــــــر … ملكــــش دعوة بالتعليــــم
مش ماشين مش ماشيـن … غيــر ومعانا قرار تعيـــين
شلنا مبارك شلنا شفيـــق … وأنت دورك فى الطــــريق
يا جمال اوعى تدوسنــى … اوعـى تغلـط غلطة حسنــى
يا شـــــرف فينك فينــــك … الوزيـــــــر بينا وبينـــــــك
النقابـــــــــه اخوانيــــــه … والعصابـــــــه هــــى هــى
يا اخوانى يا اخوانى مش … هديلكــوا صوتــى تانــــى

[marwasamy]

المشاركة الأصلية كتبت بواسطة marsho

معلش انا اسف بس اللى مش عارف حاجة يقول عتس ولا اية يا استاذة اولا الراجل دة بالعافية يعنى هو اللى بلطج ثانيا بالعقل هم المدرسين شالوا العربية ودخلوها المظاهرات ثالثا يعنى السواق اعمى مش شايف كمية الناس اللى وقفة ولا هو هيدخل بالعفية


اخيرا خلى رايك لنفسك وبلاش كلام كتير لانك انتى واللى زيك هما الللى هيجيبوا التعليم ورا مبتحبوش نهوض التعليم


وكمان ياريت لو فى دم ابقى خدى الزيادة اللى هتزيدلك بسببنا لان ربنا ان شاء الله جعلنا سبب لكدة ابقى حطيها فى اى جامع لانها زى ما بتقولى حرام اصل احنا انتهازيين وكلمة حرام مش لازم تقوليها المهم احنا حسينها من كلامك

لو سمحتش لا تضع نهضة التعليم والتعليم ستارة لتصرفاتكم الغلط انت فعلا لو قلبك على البلد مش هتعملوا كدة تقدر تقولى انهاردة احنا الاسبوع التانى انا مدرسة حاسب الى عارف خلصنا فصلين من اولى وفصل كامل من تانية وفصل ونصف من ثالثة اعدادى يعنى فعلا المنهج مضغوط تقدر تقولى ذنب الطلبة دى اية لما يتاخروا عن زمايلهم فين ضميرك ياحضرة المعلم لما هتقبض الشهر دة ايا كان المبلغ وانت ما اشتغلتش بية هتقولى ساعتها علشان كرامتى لا انا بقى لو منك وما اشتغلتش بية هستحرموا وارمية على باب جامع وانت كنتوا فاكرين انكم هاتخدوا حاجة ابقوا ابقلونى ولو سمعتوا حاجة والله كلة مسكنات والمفروض لو بتتعلموا كنت عرفتوا ان كلة مسكنات من اول القرار 75 ونزول موضوع الحد الادنى على موقع الوزارة وووووووووووووووووووووووووو لاخرة وبعيد نقطة تانية

طب فين احترامك للطلبة قولى كدة شكلك اية لما يجى طالب يقولك يا مستر مش هنشتغل

ذنب اولياء الامور دى اية لما كتير من اللى بيدى دروس يستغل الوضع دة ويزود عليهم الحمل والله اولياء الامور ليهم حق يبهدلونا لان للاسف اللى زيك هو السبب فى كدة طالما انك بتتكلم عن الحرام والحلال بالمختصر انت بعت ضميرك واتخليت عن واجبك الوطنى ناحية بلدك وذنب الطلبة دى فى رقبتك انت واللى زيك وفى الاخر بتتداروا تحت ستار التعليم والنهوض بة وخلوا الاحزاب تنط على حسابكم ا

[marwasamy]

المشاركة الأصلية كتبت بواسطة semsemsema

كل اللى معترضين على الاعتصام والاضراب وعاملين قلبهم على البلد
اول مالزيادة بتيجى هم اول ناس بيحطوها فى جيوبهم ومقاضيينها دروس وفى الاخر قال ايه قلبهم على البلد

دة على اساس ان فى فلوس من الاساس جاية كل اللى هاتخدوة حضرتك شوية مسكنات علشان البلد تمشى لان بالمختصر ما فيش فلوس وعلى فكرة اختى دكتورة وعرفت منها ان بعد ما كانوا بيجيبوا فى المستشفيات والوحدات الطبية علاج كل شهر الوقت بقى تقريبا كل شهرين او 3 وكمان الطلبية بتيجى ناقصة لعدم توافر الفلوس دة من الاخر البلد فاضية انا معاكوا فى طلب الحق ولكن عيبنستغل ظروف البلد