فيزياء + رياضه 2

red-code · #1 23-09-2011, 10:14 AM

بسم الله الرحمن الرحيم

يارب تكونو بخير فى السنه دى وربنا يعدى السنه دى على خير ان شاء الله

دلوقتى عاوز اسألكو شويه اسئله خفيفه كده

دلوقتى بخصوص الفيزياء

معايا كتاب الامتحان + بحل من كتاب المدرسه كمان

بس عاوز كتاب شرح معاهم كمان انا دورت على مندليف فيزياء مش لاقى !!!

بخصوص الرياضه 2
معايا كتاب المعاصر بس طبعا كله بيقول لامى احسن بكتير من المعاصر فى رياضه 2 ؟
طيب اشترى لامى كمان مع المعاصر ولا ايه ؟؟

وميرسى مقدما

karimadel7 · #2 23-09-2011, 01:02 PM

بص انا اشتريت لامي و المعاصر

لان المدرس بتاعي بيديني الواجب من لامي و انا من نفسي بحل المعاصر

في الاول الكل قالي ده لامي احسن و كده
انا بصراحه فوجئت المعاصر فيه افكار جميلة جدا و ما لاقيتهاش في لامي
و المعاصر عاجبني اكتر بصراحة و لما بخلص الدرس الاول في المعاصر احس و انا بحل في لامي ان مفيش مساله مضايقاني خالص

عموما انا في الاخر ناوي اني اكون مخلص الاتنين ان شاء الله

*

M.a.N.a.R · #3 23-09-2011, 02:47 PM

اولا بالنسبه للرياضيات ماقدرش افيدك لأنى احياء

اما الفيزياء انا معايا الوسام شرح كويس جدا ومعاه التمارين بتاعته ومعايا الامتحان مسائل برضه بحل منه وهو جميل عشان انا متعوده عليه وربنا يوفقك ان شاء الله

Eng..LiNa · #4 23-09-2011, 03:17 PM

بالنسبة للرياضة المعاصر شرحه كويس جداااااااا
واسئلته معقولة اووي
وانا معايا كمان 100 % لاني ملقيتش لامى اصلا

بص هو كويس جدا افكاره مترتبة حسب صعوبتها A , B,C
وفي اسئلة كتاب المدرسة ودليل التقويم فهو كويس جداا
"بغض النظر عن طباعته السيئة "
ولامى طبعا كويس جدا
وانت فعلا المفروض تشتغل من كتاب كمان وتتعرض لمسائل كتير
فجيب لامي او 100%

الفيزياء بقي
انا معايا كتاب الامتحان وهو اسئلته معقولة
على كتاب المدرسة ودليل التقويم يبقي تمام المفروض
بس بقي بالنسبة للشرح انا بزاكر من ورق المستر بس
وهو الحمد لله منظم ولامم كله
لو ورق استاذك كويس بجد متشتش نفسك بشرح كمان
بس كده

Analyzer.Mn3m55 · #5 23-09-2011, 03:45 PM

انا لما كنت فى تالته كان الامتحان فى الفيزياء ده اساسى و بذاكر الشرح والله من كتاب المدرسه كان جميييييييييل جدااااااااااااااااا + شرح المدرس بتاع الدرس و بحل على اللى باخده اول ب اول و انا فاهم كده .. و الرياضه كان معايا لامى مع كتاب المدرسه .. و كنت بحل كله كتاب المدرسه و لامى و كتاب النماذح و مكنتش بضغط على نفسى اوى اوى اوى .. ربى كرمنى ف تالته جبت 95
المهم لازم تعرف على اد ما تتعب و تحل اكتر من غيرك ربنا هيديلك .. و اعرف دايما ان غيرك عمااال يذاكر و يتعب يبقى انت كمان لازم تحصله .. و اتعب السنه دى و ارتااااااااااااااااح بعد كده خالص و ادخل الجامعه وقضيها بس تالته فرصه محدش يضيعها و خصوصا ان المواد لذيذه و ربنا مع الجميع ان شاء الله

Engineer .. · #6 25-09-2011, 06:22 AM

معايا لامي رياضة والإمتحان فيزيا ومخلصتش الإتنين حل كمان وجبت 98 في تالتة !!!

زي ما قالك ميدو Analyzer.Mn3m55 الإجتهاد والفهم هو أصل الموضوع

ربنا يوفقك باذن الله تدخل اللي انت عايزه