تعرف على شعارات "مليونية المعلم"

[هيما2011]

تعرف على شعارات "مليونية المعلم"

كتب ـ صلاح شرابي: منذ 19 ساعة 40 دقيقة

اتفق غالبية المعلمين المشاركين في مظاهرة الغد السبت أمام مجلس الوزراء على بعض الشعارات في "مليونية المعلم" للمطالبة بإقالة د.أحمد جال الدين موسي وزير التربية والتعليم والحصول
علي حافز الإثابة 200% دون المساس بأي مكافآت وتثبيت العمالة المؤقتة وإعادة تكليف خريجي كليات التربية لسد العجز بالمدارس.
ورفضت نقابة المعلمين المستقلة أي تدخل من قبل جماعة الإخوان المسلمين في قضية المعلمين، واصفة تصريحاتهم وعدم مشاركتهم في المظاهرات بأنها محاولات مستمرة من الجماعة لإجهاض ثورة المعلمين.
ومن بين الشعارات التي اتفق عليها المعلمون:
اسمع منى آخر كلام.. لا ابتدائية ولا إعدادية ولا ثانوية هذا العام.
اسمع مني آخر تصريح .. يجيبو الخسيس للتصحيح.
يا عزيزى ويا عزيزى.. المشير ده كان تلميذي.
يا عزيزى يا عزيزى... الوزير ده كان تلميذي.
بسم الله الملك الحـــــــــق … جينا نقول للباطـــــــل لأ.
علىّ وعلىّ وعلىّ الصوت … صاحب الحق مش بيموت.
شد حيلــــــــك يا معلــــــم … دافع دافع واوعى تسلــــم.
قوم يا معلم صح النــــــوم …احنا بقينا آخر القـــــــــوم.
قوم يامعلم ساكــــت ليـه … عاجبـــك حالك ولا إيـــــه.
ولا دهــــــــــب ولا مــــاس … المعلـــــــم ما بينـــــداس.
ارحــــل ارحــــل يا وزيـــر … المعلــــــم فى التحريــــــر.
ارحــــل ارحــــل يا وزيــــر … التعليـــــم عايز ضميـــــر.
ارحــــل احـــل يا وزيــــر … المعلــــــم مش اجيـــــــــر.
يا مشيــــــر يا مشيـــــــر … يسقــــط يسقــط الوزيـــر.
يا جمــــال يا مغــــــــرور … بكــرة جاى عليــــك الدور.
يا وزيــــر السياســــــات … المعلــــــــم هنا مــــــــات.
يا وزيــــر صح النــــــوم … النهــــــاردة آخـــــــر يوم.
يا وزيــــــــر يا وزيـــــــر … ملكــــش دعوة بالتعليــــم.
مش ماشين مش ماشيـن … غيــر ومعانا قرار تعيـــين.
شلنا مبارك شلنا شفيـــق … وأنت دورك فى الطــــريق.
يا جمال اوعى تدوسنــى … اوعـى تغلـط غلطة حسنــى.
يا شـــــرف فينك فينــــك … الوزيـــــــر بينا وبينـــــــك.
النقابـــــــــه اخوانيــــــه … والعصابـــــــه هــــى هــى.
يا اخوانى يا اخوانى ........مش هديلكــوا صوتــى تانــــى.

اقرأ المقال الأصلي علي بوابة الوفد الاليكترونية الوفد - تعرف على شعارات "مليونية المعلم"