|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#16
16-09-2011, 11:18 PM
|
||||
|
||||
(**_**الحلقه الرابعه **_**)   بعد ما دخلت ندى وشافت ميدو مكسر خالص ندهت على سعديه ندى : ادخل يا سمسم سعديه طبعا داخله وماسكه الورد وهى عامله نفسها  غلبانه بقى ومكسوره ميدو شفها بقى وحصلت المفجأأأأأأأأأأأه ميدو : يا ماااااااااااااااااااااااااامى الحقونى حوشوا المتوحشه دى خرجوها بره صرخ طبعا كأن جاتله حاله صرع سعديه : ايه يا واد انت مالك شفت عفريت ولا ديناصور دخل عليك دول حتى اختفوا من زمان ندى: اهدى يا ميدو مش كده دى جايه تعتزرلك ميدو : لا مش عايز منها اعتزار ولا حاجه خرجوها سعديه : انا جولتلك مش هاجى عند الواد الرمه دى بخلجته الملخبطه ده ولد امه ودزمه ومش راجل خالص ندى : خلاص بقى انتوا لاتنين هدت ندى الموقف واعدوا يتكلموا همه التلاته دخلت بقى جنى جنى : هاى ميدو ايه ده يا مامى ايه الى جاب دى هنا سعديه : مالك ياختى اتخضيتى تفى فى عبك ولا اجيبلك طاسه الخضه ميدو : اهلا يا جنى دى سعديه وندى جم علشان نتصالح سوى وخلاص بقينا اصحاب سعديه :يلا بجى يا ندى نمشى ما المثل بيجول اذا حضرت الشياطين ذهبت الملائكه واهى الشياطين جات وهى خارجه زقت جنى وقعتها على الارض وقالتها غورى بخلجتك الوحشه دى وبعد كم يوم خرج ميدو من المستشفى وراح الجامعه وطبعا اول اما شاف سعديه وندى راح سلم عليهم واعدوا يتكلموا وجات جنى جنى : هاى شله فيه رحله مطلعاها الجامعه لشرم مين هيجى معانا ميدو : كلنا طبعا جايين احجزيلنا معاكى كلنا ندى : انا موافقه سعديه : موافجه ايه روحوا لوحدكوا انا مش هروح مستحيل طبعا ندى : ليه يا سعديه نغير جو كده كم يوم سعديه : انسدى يا بت انتى واجفلى خشمك ده مش هروح جلتلك طبعا كلهم مصرين ياخدوا سعديه وندى اتصلت بعمها علشان يقنعها عمها : ماتروحى يا بنتى تغيرى جو كده مع صحابك سعديه : فى سرها بتقول ( والله الراجل ده شكله عايز يخلص مانى ده شكله ما صدق يا سوادى علشان اريحه ليه انا مزهجاه للدرجه دى خلاص هروح وامرى لله ) خلاص ياعمى موافجه هروح وبعد معاناه وافقت سعديه تروح الرحله وفى يوم السفر حضرت بقى سعديه شنطتها واتجمعوا هى وندى وجنى وميدو وباقى اصحابهم عند الجامعه وركبوا الاتوبيس وبعدين وبعدين وبعدين نتااااااااااااااااااااااااابع
__________________
 احفظ لسانـــك أيها الإنسان .......... لا يلدغنك .. إنه ثعبان كم في المقابر من قتيل لسانه ....... كانت تهاب لقاءه الأقران http://www.thanwya.com/vb/showthread.php?t=301184 
|
|
#17
17-09-2011, 12:03 AM
|
||||
|
||||
|
ههههههههههه حلوووووووه اوى بس عاوز اقولك ان سعديه 2011 بقت متطورة اكتر من بنت القاهره اصلا
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
|
|
#19
17-09-2011, 10:29 AM
|
|||
|
|||
|
معاكى هتابع
__________________
سَــأظــلّ دائِــمــــاً أُحِـــبـُــــكَ بــأســلُوبــي المُــنفَـــرِد .. فـَ اقـــبَل جُنـــونِـــي فــي الحُـــب لأنّنــِـي بـِطَـــريقَـــتِي .. سَــأُحِــبّـــكَ ليــسَ كــمَا يُــحِــب بَـــاقِــي العُشّــــاق
|
|
#20
17-09-2011, 03:03 PM
|
||||
|
||||
|
قصة جميلة جدا
متابعة معاكى بس متتأخريش علينا فى تنزيل الحلقات 
__________________
ليتنا مثـل الطفولـه بالبرائـه..مانخـون
ماندل الاطريق الصدق مانعـرف نفـاق ليتنا مثل الامومه قلبـي وقلبـك..حنـون لاانت ترضى في فراقي ولا انا بعدك يطاق وليت شوقك لي مثل ماانا على حر اشتياق صنعـــت لنفسـى قنـاع..بعيــد عن الخـداع والـزيـف والنفـاق..قنـاع لا يرسم ســوى فرحـى وابتسامتـى وسعادتـى المصطنعـه..قنـاع يخفـى الحـزن الـدفيـن بـــــ داخلى
|
|
#21
17-09-2011, 06:19 PM
|
|||
|
|||
|
لا بجد حلوة اوى
متابعة
|
|
#23
21-09-2011, 05:42 PM
|
||||
|
||||
|
اسفة يا جماعة اتاخرت عليكو فى تنزيل الحلقات معااااااكو نكمل سوااااااا ياااااااااااااااااااااااارب  الحلقه الخامسه وفى الاتوبيس طبعا البنات اعدةا بقى يرقصوا همه والشباب ويغنوا سعديه مش عجبها الوضع ده خالص عماله تتكلم بقى فى سرها وتقول ( ووىوىوى وى ايه المسخره وجله الادب دى معدش فيه حيى خالص البنات ماالها ببترجص وتتلوىزى التعابين كده ليه وكمان الولاد عمالين يتمايعوا كده ومفيش خشى خالص دول رايحين رحله ولا كباريه يادى السواد الى انا فيه ) طبعا جنى الرخمه حبت ترخم على سعديه فا اعدت تشد فيها بقى علشان تيجى ترقص جنى: يلا بقى يا شباب عايزين سعديه عايزين سعديه سعديه : هى سعديه الرجاصه الى جابهالك ابوكى ولا ايه يا بت انتى اخرسى احسن اجطعلك لسانك ده المعوووج يادى الفضيحه ام جلاجل ياجى الجرسه ام حناجل عايزانى اترجص يا بت زيكوا انت انهبلتى ولا ايه انت عارفه دول لو عرفوا فى البلد يطخونى بالنار ويخلصوا من عارى الولاد طبعا : عايزين سعديه سعديه : هوه اسمى بجى لبانه فى خشمكوا والله الى هينطج اسمى هتبجى وجعته سوده انهرده بجوطران ندى : خلاص يا جماعه معلش سيبوا سعديه سعديه طبعا طول السكه متغازه اوى من الى حصل وبتقول فى سرها (جال ارجص جال الهى تجرصهم حيه جولالات الخشى انا كان مالى ومال المياعه دى يا ربى شكلها هتبجى رحله سوده بطين وجوطران يا رب عدى الايام المهببه دى على خير وهى السكه دى كمان مالها طويله ليه انا زهجت دى وجعه سوده ومنيله ) ميدو اما شاف سعديه اعده ومتنرفزه اوى راح اعد جمبها وبيكلمها ميدو : مالك يا سعديه متنرفزه ليه سعديه : انت يا واد انت ازاى تجعد جمبى كده من غير خشى جوم يلا فز من هنا ميدو : احنا اصدقاء يا سعديه ومتخافيش انا هقعد باحترامى سعديه : ماشى ازا كان باحترام ماشى بس يلا لخص وجول الى عايز تجوله وفضها سيره مش تاخودها حلوانه فى سلونه وتوجعد ميدو : ههههههه اوك ماشى انتى مالك بقى زعلانه ليه سعديه : انت مش شايف جله الحى دى ميدو : انتى مالك كده خودى الامور عادى فرى سعديه : فرى ولا سافو يا واد جوم من هنا ميدو : انتى ليه مقعده سعديه : انا معجده طيب ماتفوكنى يا خوى مش بجولك الى انا عملته فيك ده جليل االست جنى بقى اول اما شافت ميدو اعد مع سعديه اتنرفزت اوى وراحت تقله ميدو انت ايه الى مقعدك هنا سعديه : جال يا جاعدين يكفيكوا شر الجايين انا من الاول مش مرتحالك انتى بهدومك المجطعه دى جنى : انا هدومى مقطعه سعديه : يا بت غورى اتبطى كده واجدعى بعيد جنى : انتى بتكلمينى انا سعديه : امال بكلم امى هوه فيه دزمه جودامى غيرك غورى يا بت بعيد من هنا احسن اعملك عاهه ميدو : جنى روحى شوفى زمايلك لو سمحتى عايز اعد مع سعديه سعديه : لا مش هتجعد يالا انت كمان يا واد يا رمه خد الدزمه دى وامشى غوووووووور ووصلوا بقى وادخلوا الفندق الى هيقعدوا فيه ونتااااااااابع
__________________
احفظ لسانـــك أيها الإنسان .......... لا يلدغنك .. إنه ثعبان كم في المقابر من قتيل لسانه ....... كانت تهاب لقاءه الأقران http://www.thanwya.com/vb/showthread.php?t=301184
|
|
#24
21-09-2011, 05:46 PM
|
||||
|
||||
الحلقة السادسة
  7 7 7 7 7 الحلقه السادسه طبعا بدأ توزيع الاوض ومن المفروض كل 3 بنات فى اوضه جه حظ بقى ندى وسعديه وجنى فى اوضه سوى سعديه رافضه تماما ان جنى تقعد معاهم فى الاوضه سعديه : مستحيل ام سحلول دى تجعد معانا فى اوضه وحده هى مش ناجصه سحالى هنا جنى : وانا بقى مش هقعد غير هنا هى اوضه اهلك انتي سعديه: يومك اسود على دماغك ودماغ الى جابوكى انتى تعرفى اهلى منين يا بت تغلطى فيهم اهلى لو شافوكى كانوا تاوكى من زمان ولاحد يعرفلك طريج كنها ايامك هتبجى اسود من الحبر يا حزينه طبعا المشرفه سمعت الخناقه جت هدت الموقف واقنعت سعديه ان ده ترتيب غرف ومينفعش يتغير دخلوا ورتبوا هدومهم ونزلوا المطعم اتغدوا وبعد كده كان باقى اليوم يقضوه على البحر راحوا كلهم والبنات بقى والاولاد لبسوا الميوهات ونزلوا البحر الا سعديه سعديه : يا دى اليوم لسود ايه الى انا شيفاه ده الله يخرب بيت الى جاب ابوكم كده من غير خشى عارايه من غير هدوم جودام بعض نهار اسود استر يا رب على النعمه دى علامات يوم الجيامه كاسيات عاريات ربنا ياخدكم يا جولالات الادب استر يا رب ندى : ايه يا سعديه مش هتنزلى البحر يلا البسى المايوه بتاعك زيهم بالظبط ندى : ليه بس انا الميوه بتاعى مش مكشوف اوى ده اسلامى سعديه : عشنا وشوفنا حتى الميوه عملاوه اسلامى اوعى تجيبى سيره الدين على لسانك انتى يا نيله وغورى من وشى الساعادى مشيت ندى واعدت سعديه لوحدها تحت الشمسيه متغاظه ومش عاجبها الوضع خالص جالها ميدو وبيكلمها ميدو : سعديه مالك مش نازله ليه البحر سعديه : ماهى ناجصاك انت كمان غور يا ولا اتحشم والبس اى حاجه على  جسمك ده وانت عامل زى البرص الجعان ميدو : انا برص جعان يا سو سو سعديه : سوسو ليه شايفنى شغاله فى كاباريه اتلم يا ولا ايوه برص جعان وكمان مسلوخ ومعفن وريحته وحشه ميدو : ههههههههههه مقبوله منك تعرفى انا مش ازعل منك لانك انتى دمك خفيف موت وانا احب البنات الى كده سعديه : يا دى النيله ده هيجعد وهيتساير معايا وانا اصلا مش طايجاه روح يا شاطر خد الطوج بتاعك وروح عوم يا رب تغرج وارتاح من وشك الفجرى ده ميدو : لا انا اعد معاكى شويه اسمحيلى سعديه : تجعد بادبك وغطى جسمك ده ميدو : حاضر يا ستى ( طبعا ميدو اعد هوه وسعديه واعدوا يحكوا لبعض عن حياتهم واخواتهم وكده وبيعرفوا كل حاجه عن بعض يعنى شكله الموضوع كده قلب على اعجاب وربنا يستر ) عدى اليوم وراحوا الفندق واتعشوا ودخلوا اوضهم بقى علشان يرتاحوا سعديه: بتحكى لندى عن ميدو بتقلها الولا محمد ده طلع كويس والله وشكله غلبان وطيب بس لو يبطل الحاجات الى بيعملها دى هيبجى كويس ندى : ايه يعنى فكرتك اتغيرت عنه وكمان بتقولى محمد سعديه : هى اتغيرت حبتين بس بردو لسه وكمان اسم محمد احسن من ميدو المياعه دى وجله الادب سمعتهم طبعا الهانم جنى وهمه بيحكوا طبعا جنى بتحب ميدو اتنرفزت وحست ان هيحصل شىء بينه وبين سعديه فا ردت عليهم جنى : انتوا بتكلموا عن ميدو ليه وبعدين انتى اوعى تكلميه تانى يا انتى سعديه اتنرفزت وبصت لندى وجالت هى البت الدزمه الزباله دى بتكلم مين انا ولا انتى ندى : بتكلمك انتى ههههههههه سعديه : بصت لجنى وقالتلها عايزه ايه انتى يا ام سحلول جنى : عايزه مش تكلمى ميدو تانى فهمتى ولا لا سعديه : يا بتى جلتلك الف مره اتجى شرى انتى مش بتسمعى الكلام وشكله كده يومك خلص على ايدى جنى : انا بقلك اهوه وبلاش تكلميه تانى يا بارده سعديه: انا بارده يا بت ده انتى لو حطوكى فى فرن درجه حرارتها الف مئويه تجمديها وبعدين فهمينى مين ميدو ده الى انتى بتتخانجى معانا علشانه جنى : ميدو حبيبى سعديه : حبك برص يا سحليه جربانه انتى ميدو ده واد دزمه وانتى البولغه بتاعته وغورى من وشى روحى اتخمدى ندى طبعا ميته على نفسها من الضحك على الى بيحصل المهم خلص اليوم بالمناقشه الحاره علشان الكابتن ميدو وجه تانى يوم فى الرحله الى هوه المفروض انه يوم رحله سفارى فى الصحرى وركوب جمال وكان يوم جميل وتعالوا معايا  نشوف حصل فيه ايه الحلقه الجايه انتظروناااااااااااااااا
__________________
احفظ لسانـــك أيها الإنسان .......... لا يلدغنك .. إنه ثعبان كم في المقابر من قتيل لسانه ....... كانت تهاب لقاءه الأقران http://www.thanwya.com/vb/showthread.php?t=301184
|
|
#26
22-09-2011, 06:49 PM
|
||||
|
||||
|
الحلقه السابعه  وجه تانى يوم الى هوه يوم رحله السفارى وركوب الجمال تعالى نشوف حصل ايه صحيوا الصبح ولبسوا ونزلوا يفطروا ندى بصت لسعديه لقيتها لابسه لبسها المعتاد الى هوه جيب وجاكت استغربت اوى وراحت تكلمها ندى : سعديه ايه الى انتى لابساه ده سعديه : ماله الى انا لابساه ده وحش ولا ايه ندى : لا مش وحش بس مينفعش تركبى بيه جمل اوى تطلعى سفارى خالص لازم تلبسى بنطلون سعديه : يومك اسوه البس بنطلون ليه حصل ايه فى الدنيا اتهببى واسكتى يا بت وانا اصلا مش هركب جمل ولا حتى السفارى دى كمان وغورى من وشى ندى : مينفعش يعنى هنسيبك لوحدك فى الصحرى سعديه : خلاص مش اروح خالص واجعد هنا ندى : لا بصى انا هجيبلك بنطلون من عندى بس واسع والله ومش ضيق تعالى شوفيه ولو مش عاجبك مش تلبسيه سعديه : تعالى اما اشوف انا عارفه انها رحله سوده من الاول ومحدش مصدجنى خالص (سعديه اختارت طبعا اوسع بنطلون عند ندى وكمان لبست فوق منه فست طويل بس الحمد لله انها وافقت تلبس البنطلون بعد اقناع شديد) وراحوا بقى وهناك ركبوا الجمال الا وحده بس الاستاذه جنى خايفه طبعا من الجمل جنى : يا مامى انا اركب ده لالالالالالا مقدرش انا اخاف منه سعديه بقى شافت الموقف واتنرفزت منها سعديه : متركبى ياختى وتخلصينى خلينا نتحرك ونمشى جنى : انتى مالك يا انتى انا مش اركب مقدرش اخاف انا سعديه : طيب جيبولها طاسه الخضه المحروسه على شبابها فى اليوم لاسود ده يابت الناس اركبى ده اليف مش يعضك والله انا حاسه بالجمل هوه خايف منك احسن انتى تعضيه جنى طبعا رافضه اقنعها احدى المشرفين انها تركب مع حد من زمايلها طبعا جنى اختارت ميدو سعديه شافتها بتركب مع ميدو اتنرفزت هى كمان سعديه : والله انا بجول ان البت دى دزمه هى مش خايفه اصلا انا عارفاها هى عايزه تتلزج فى الولا الى اسمه ميدو شوفى يا بت يا ندى عامله ايه البت ما صدجت تلزج فيه يادى النيله بنات اخر زمن ( سعديه شكلها متغاز علشان ميدو حاسه كده ان القلب بدأ يدق اما نشوف بقى ) خلص بقى موضوع الجمال وجه معاد رحله السفارى وكل اتنين يركبوا سوى وركبت ندى وسعديه وجنى طبعا مع ميدور وانطلقت الرحله سعديه كانت خايفه من موضوع السفارى ده لانها اول مره تطلع رحله سفارى وانطلقوا بقى سعديه : بالراحه يا بت يا ندى بالراحه يا دزمه يومك اسود شكلك هتموتينا بدرى ندى طبعا فرحانه اوى ومش شايفه قدامها وسعديه عماله تلطم بعدها بقى ندى مشيت بالراحه علشان سعديه لغايه اما صحابهم كلهم مشيوا وهمه لقيوا نفسهم لوحده وسط الصحرى ومش عارفين يرحوا فين وتاهوا ندى : سعديه انا مش عارفه همه مشيوا منين سعديه : يعنى ايه ندى : شكلنا كده تهنا مش هنعرف نرجع سعديه : انا عارفه هوه يوم اسود وجوطران انا كان مالى ومال السفارى والنيله المنيله بهباب دى ما انا كنت فى بيتنا مرتاحه مالى ومال مصر ومال الرحلات ندى : ما كفايه خلينا نركز بقى نشوف هنعمل ايه سعديه : تعملى ايه اتصلى بالموبيل الى معاكى ده باى حد قبل الليل ما يدخل ندى : اتصلت بميدو الو ايوه يا يا ميدو بص احنا فى الصحرى ومش عارفين نروحلكوا او نرجع احنا تهنى ميدو : طيب انتوا فين بالتحديد ندى: مش عارفه سعديه : هاتى اشوفه الدزمه ده انت يا بنى اتصرف اعمل اى حاجه ميدو : طيب اوصفيلى المكان الى انتوا فيه خير الجنه بس جالبه على صفار شويه انت اهبل يلا ماهى كله صفار فى صفار مفيش غير الرمل والصحرى انا اتلميت على شويه مخابيل فى ايامى السوده دى ميدو : طيب اهدى يا سعديه وانا هرجع من نفس السكه الى جينا منها وان شاء الله هلاقيكوا سعديه : طيب بسرعه يلا ميدو رجع من نفس المكان والحمد لله لقى ندى وسعديه وخدهم ورجعوا الفندق طبعا سعديه زاد اعجابها بميدو وبالحركه الجدعه الى عملها بعد اما وصلوا الفندق
سعديه : عارف يلا يا محمد مع انك ولا دزمه بس طلعت جدع شكرا يلا انك رجعتنا ميدو : مفيش شكر ده واجب واحنا اصحاب ولازم اعمل كده وخصوصا انك انتى كمان الى كنتى تايهه سعديه : خلاص يا ولا انت ما صدجت ولا ايه هاتاخدها حلوانه فى سلوانه وتتساير يلا بجى شوف انت رايح فين وخلص اليوم بالاعجاب الجميل بين سعديه وميدو  وانتظروا الحلقه القادمه
__________________
احفظ لسانـــك أيها الإنسان .......... لا يلدغنك .. إنه ثعبان كم في المقابر من قتيل لسانه ....... كانت تهاب لقاءه الأقران http://www.thanwya.com/vb/showthread.php?t=301184
|
|
#27
22-09-2011, 08:02 PM
|
|||
|
|||
|
اسلوبك اكثر من رائع
وروحك الحلوة واضحة اوى بين احرف كلماتك دمتى مبدعة
|
|
#28
23-09-2011, 08:35 AM
|
||||
|
||||
|
اى نكت او قصص يكون فيها نوع من السخريه من الصعيد او عاداته مرفوضه رفضا تاما .و ارجو ان يتم حذف الموضوع
__________________
|
|
#29
23-09-2011, 08:45 AM
|
||||
|
||||
|
منقول
الحذر الحذر من السخريه من الاخرين او من عاداتهم وكلامهم منقول لاحظت في كثير من المنتديات أن بعض النكت والطرائف التي تروى فيها لايلاحظ أصحابها أنهم يخالفون أمرا صريحا ومباشرا من الله عز وجل بقوله "ياأيها الذين آمنوا لايسخر قوم من قوم ، عسى أن يكونوا خيرا منهم" ، وقد كنت أحسب أن هذا الأمر قاصر فقط على بعض المصريين حيث يتخذون من اخوانهم في الدين والوطن من اهل الصعيد هدفا للسخرية ، الا انني فوجئت أن هناك أيضا نكت عن الحوطيين في السعودية أو الحمامصة في سوريا والأكراد في العراق .... الخ ، ولاشك أن هذا الأمر يشكل ايذاء نفسيا كبيرا لهؤلاء ، كما أن قائل النكت أو مستمعها قد يتطرق لنفسه احتقارهم فيقع في المحظور الذي حذر منه الرسول صلوات ربي وسلامه عليه في الحديث "بحسب امرئ من الشر أن يحقر أخاه المسلم" . وأيضا هناك من يسخر من بعض الطوائف الذين ابتلاهم الله بشئ من النقص لادخل لهم فيه لحكمة يعلمها كمن يروي النكت التي تسخر من الانسان الأحول أو الانسان القصير القامة أو العميان .... الخ ، فالحذر الحذر من السخرية من خلقة الله عز وجل وحكمته ، واعلم ان الله تعالى ربما اختارك انت لشئ من هذه الابتلاءات او ابنك او ابنتك ، فهل ترضى لهم ذلك ؟ وهناك من يسخر من أصحاب مهنة معينة بطريقة تؤدي الى الانتقاص من شأنهم والقدح فيهم وقد قال رسول الله صلى الله عليه "ما أكل أحد طعاما قط خيرا من أن يأكل من عمل يده وإن نبي الله داود عليه السلام كان يأكل من عمل يده" يعني أي مهنة شريفة لايجب أن يسخر منها الانسان طالما أن صاحبها يسعى لكي يكف نفسه وأهله عن سؤال الناس . أخي انك لو سخرت من انسان واحد فسوف تحمل وزر السخرية منه هو فقط ، أما السخرية من الناس بهذا التعميم فأعتقد أنك لاتستطيع تحمل الوزر عن كل هؤلاء ، ومما يروى في ذلك أن أحد الناس اشترى قطنا من أحد القطانين فغشه هذا القطان فطفق يمشي هنا وهناك ويقول ان القطانين قوم غشاشون فسمعه رجل من العلماء فقال له "لقد حملت وزر غيبتهم جميعا" . اخواني الاعزاء لاتغضبوا مني لو قلت ان السخرية والاستهزاء بالآخرين تنم عن جهل صاحبها والدليل من كتاب الله عز وجل قوله تعالى في شأن موسى مع قومه حين أخبرهم أن الله يأمرهم أن يذبحوا بقرة ، قال تعالى على لسان موسى عليه السلام "إن الله يأمركم أن تذبحوا بقرة ، قالوا أتتخذنا هزوا ، قال أعوذ بالله أن أكون من الجاهلين" فجعل السخرية والاستهزاء بهم دليلا على الجهل وهم ماتعوذ منه سيدنا موسى . اخواني هذه خاطرة اردت ان اسوقها اليكم بصورة عفوية ، وارجو ممن لديه القدرة من الاخوان على صياغتها بشكل أفضل ألا يبخل علينا بذلك ، وجزاكم الله خير
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:24 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
